18條人命換改革！交長：普悠瑪、太魯閣明起「雙駕駛」

qunow 發表於 2018-11-2 10:57
有一定的責任，但是在控制中心已經透過對話知道了這信息的情況下，即使有運作也應該不會對事件發展造成主 ...

遠因同近因既分別，呢個甚至不是原因

日本車輛既講法係，ATP機能被關閉後既自動上報功能有缺失，ATP本身冇問題
（大約Match返先幾日黃國昌先幾日既質詢所講，普悠瑪冇ATP遠端監控裝置）

但今次事件唔關呢部分事，因為司機已經上報「正在關閉ATP行車」
即係話無論有冇ATP遠端監控，調度所得到既訊息係相同
唔會改變架車超速出軌既事實

喺某幾份開放留言既媒體，例如聯合報，呢則報導最底既留言都被「要求日本車輛負責同賠償」既訊息洗版
呢啲人一係真心膠，一係有意引導輿論，所以我先會話台灣想揾日本車輛做替罪羔羊

ATP遠端監控以後需要裝返

但成件事更大既問題係問題係，點解台鐵既故障SOP係關閉ATP繼續行車
以及行車電腦已經要求司機停車，而ATP亦自動切斷動力
司機同調度都可以無視標準程序，自把自為地用原速行車

呢幾日傳媒既焦點依舊集中喺ATP
而明明已經揭發出車輛維修程序千瘡百孔，故障既零件絕對不局限喺ATP或者普悠瑪既個別零件

講真壞Parts我都已經唔覺得係最大問題
我覺得最大問題係安全程序既明存實亡
故障唔緊要，只要跟程序停車過車就依舊安全
但唔跟程序，就唔可能追究同改進

最恐怖既係，呢個問題都呢一刻都仲未檢討，安全程序又未確實執行
然後台鐵幾百架車仲依然日日行緊，安全隱憂依舊

lokwah2a 發表於 2018-11-2 13:10
列車不是有1個系統有問題會自動鎖車嗎
程式是車廠設定 , 台鐵也管不了

又或者係台鐵冇要求／想慳錢而冇裝一些選用項目呢？

車廠都係照單執藥，台鐵當初驗收話OK，而家出事先賴人地呢樣唔得嗰樣唔掂，怪得邊個？

lokwah2a 發表於 2018-11-2 13:10
列車不是有1個系統有問題會自動鎖車嗎
程式是車廠設定 , 台鐵也管不了

現在就是說司機關閉了這個自動保護系統然後還能獲得許可或者甚至是被要求繼續行程

lokwah2a 發表於 2018-11-2 11:38
如果你是台灣人，一早知道atp 有問題，以為自己錯，不懂使用，撞車後才知道日本廠商一早知道不整改，明知安 ...

呢個世界就系多得你呢啲隨意扭曲解讀新聞嘅人唔少

qunow 發表於 2018-11-2 11:27
這層當然 但關注點是當局會不會覺得解決這點就解決了問題

最後點收科唔知，但顯然今次因為壞風泵而觸發左ATP，所以部車唔願行，而如果唔熄ATP，繼續以呢個走走停停嘅模式捱到花蓮過車都應該平安無事（大概就係鎖左速啫）。所以重點依舊庄該係熄左ATP理應只可以低速行車