本帖最後由 ctb7k-pc6795 於 2017-9-28 20:37 編輯
Part 1 - 74a 老毫虎豪 S3V6 (GK3088) 新出牌係沙田廠, 係少數可以過海的尾批熱狗, 在馬鞍山過海線 680 披甲, 也曾披上萬寶路香煙廣告. 係九巴最後一批熱狗巴士, 也成為了兩條北區長途線的尾班車.
按此去睇GK3088行680的樣子 http://www.hkitalk.net/HKiTalk2/viewthread.php?tid=348018
680全冷後, 去了87K做了一段短時間, 才離開馬鞍山, 長期在沙田瀝源行走 89 同埋81 號..... 到89/81號全冷後, 佢就去82m 做鐵路接駁. 82m 全冷後過去大圍 80 做繁忙時間用車....
進駐上水廠 直到2007年, GK3088做了後備車, 直到2008年....以大廠身份行72A
2008年 上水廠有巨龍退休, 就被派往超長途流水線 70, 估唔到佢成為70號的終極尾車.... (第一張相特別都貼佢做70入上水的一刻)
70號取消後, 佢就成為73號的繁忙時間用車, 直到2009年沙田接管上水廠, 重返沙田廠.(* 佢試過有一日特見行屯門公路的66號線, 自此就只行北區)
坐過佢行70 同埋73號, 覺得佢後部好好, 在公路跑得起, 再加上佢上層非常開揚, 係一大享受...... 曾聽過佢在73比其他同線車快, 因為個司機識渣....
最後的任務.... 2011年9月, 73號線全面被冷氣車取代, GK3088就做了一星期後備..... 佢係幸運兒,可以行走到大埔公路全冷前的最後一日, 但它的同事(除左 S3V3-GK2671) 就被扣在車廠, 直到除牌......
9月24日, 上完聖經堂後, 坐巴士去富豪花園, 同一班巴士迷在黑夜中送別了 開龍, 當時以為佢係最後一班, 星期日唔出.....
點知, 到9月25日, 74a 出了兩部熱狗, S廠係圖中的 GK3088, 代表上水為北區的長途熱狗線寫下完美句號.
返church後, 我去check 時間表, 坐車到大埔, 再行去運頭塘等佢.....
上車了, 車頭坐滿了巴士迷, 就上樓上坐吧.......天氣都係有點毛毛雨, 但不太差, 上大埔公路的一刻更遇上九龍灣 廠代表 (FZ7602) (請看下面 我貼的文) http://www.hkitalk.net/HKiTalk2/forum.php?mod=viewthread&tid=981488&extra=
巴士迷都歡呼, 司機也交足功課, 讓每位車上客都有難忘的一程.....
到公路了, 部車都好爽..吹入的涼風沒有悶熱感覺...好快就入沙田
富豪花園 - 以前(2007年)慶生日的地方.... 上隧道了, 涼風吹來的感覺真係好........從當日以後, 上山下海再沒有這種享受..........
到碼頭了, 好多人都來去留影, 有位婆婆意猶未盡, 再坐多次......... 之後, 影最後的相, (見到有人揮揮手嗎? 向影友揮手, 亦向北區熱說再見)
影完, 就坐船返港島, 為外婆慶祝大壽...
下篇貼72A 熱狗.....
|