鷹龍在老牌流水鴨仔線的最後之旅 - DA24 / DA96

源自中巴的新巴老牌流水鴨仔線 2 號穿梭中環至筲箕灣,  

在中巴時代都俾夕陽車行走,到新巴被改道後亦如是,

只係少用當日到期的二手冷馬......

本文的鷹 DA24和同祖宗空運龍都難得在這線最後一次漫遊港島, 與電車並行......

Condor - DA24 (29 Sep 2008)

八年前的尋日 (9月29日) , 我企在七海隨心影, 卻不知 DA24 當日到期, 最後一日行走,

難得車頭燈兩邊的徽章 (Dennis 同埋車身廠 Duple Metsec) 都保持完好.....

當日仲有 DA36 都係2號, 不過我見不到, 亦可惜當時無走去坐,

留下了遺憾........

Dragon - DA96 (9 Feb 2013)

四年多後, 就到龍年年三十晚, 亦係空運龍 DA96 到期, 最後一日服務的日子....

龍年最後一日送別巨龍, 真夠應景......

(*有資深巴迷影到佢千禧年首一兩日投入服務的樣子,

做 半直通線18, 穿梭西環去北角)

諗返第一次影DA96是在2000年尾, 帶著原裝3+2 內籠同埋獨立椅,

影左佢泊在港澳碼頭行691的車頭相,

亦在九龍坐佢行104返教會,轉眼就十多年....

2001年後DA96入黃廠裝修內部, 出番來後一段時間亦都換電牌裝電視,
中間上過兩個全廣: 分別係賀年鼠年(2008), 同埋藝術巴士 (2012)....
退前回復新巴色後, 門位都係無添加, 更學城巴咁, 門位只貼載客限額........

佢同其他三部空運龍在服役中期 開始長駐南區, 先後長駐 42 同埋 海怡590系,
DA96 亦曾固定行走 46X, 並且因柯打而在朝早來回一轉遠征馬鞍山....
(下面係其他版友分享佢在2008年做46X / 680 的情況)
http://www.hkitalk.net/HKiTalk2/forum.php?mod=viewthread&tid=329737&extra=page%3D1&page=1

現在先貼上架車泊港澳碼頭的樣子, 架車到退都還很新,

也不覺有老態!~~~

下篇再分享 DA96 最後的遊歷, 同埋貼DA96內籠相......

年廿九, 係龍年的尾日, 亦係DA96 的到期日,  前一晚仲坐架車返南區 (做590A),

當日竟然去左東區, 行老牌流水線2號.

大家可能奇怪, 點解會有咁情況, 我同朋友吹水, 得到以下結論:

佢話因為車廠泊位不足, 590 會有車行完尾單會收中環交易廣場或者港澳碼頭,

而 DA94/96 尾二晚剛好編收中環,

所以尾日就可以由中環出車行走東區路線直接返廠收工.

DA94 尾日按下`

http://www.hkitalk.net/HKiTalk2/forum.php?mod=viewthread&tid=974049&extra=

架車下午爆左軑無行, 泊左好耐, 之後整返好....

http://www.hkitalk.net/HKiTalk2/thread-757760-1-1.html

我坐左晚上尾單, 佢在碼頭泊左超過一個鐘, 聽講開車未出站就死火, 好在著得番架車.

我由出面影埋 DA96 司機位同中門後, 就去七海等佢, 好在無走到

(當晚改道, 佢行左海旁果邊),

我好友就在太安樓上車, 一起見證最後一刻, 亦趁機為佢入面做最後留影.....

返到嘉亨灣, 已經十一點多.......司機落哂客之後立即出閘回廠.......

影不到相, 但拍左段片做記錄

https://www.facebook.com/edclh2015/videos/vb.603274187/10153421815569188/?type=3&theater
謝點閱

跟段 DA96 片



https://www.youtube.com/watch?v=tQV2hJhaeLU

新巴當年(2001年)既裝修技術可謂 "天衣無縫", 好似空運龍用方角黑框車窗, 經裝修過之後一D都唔似二手車.