西鐵實際用處

西鐵線先入元朗再入屯門,其實係吾係較為受惠於元朗區d人(包括天南)?

問：西鐵實際用處??答：比人由新界搭鐵路出九龍

當年西鐵係無預屯門份

係因為屯門公路大塞車先開心Share埋俾屯門

同時因為拉左落去天水圍站就由市中心變左去屏山

dogdog002 發表於 2016-3-3 23:45
當年西鐵係無預屯門份

係因為屯門公路大塞車先開心Share埋俾屯門

講起屯公塞車，我認為唔應該取消屯荃線計劃

66702686 發表於 2016-3-4 22:36
講起屯公塞車，我認為唔應該取消屯荃線計劃

當年正是工程技術及成本原因﹐令到唔可以荃灣先入屯門再入天水圍元朗﹐要先入錦田﹐元朗出番屯門。

早前重提屯荃線﹐結論都係相約﹐主要都係成本問題﹐可吸納的客量唔算高﹐以及行車所需時間唔會有明顯較快﹐所以暫不考慮。


既然屯門已經有鐵路出市區﹐雖則開始有飽和情況﹐但係新線又未有迫切性﹐屯門公路亦無當年的繁忙擠塞﹐暫不看到有重大急切性去起。
或者﹐青山公路沿線再增加人口﹐政府才會再作考慮。

kei_hk 發表於 2016-3-5 11:56
當年正是工程技術及成本原因﹐令到唔可以荃灣先入屯門再入天水圍元朗﹐要先入錦田﹐元朗出番屯門。

早前 ...

屯荃理論上只係快15分鐘，但客量唔夠多，
所以目前為止都係未有必要起......
以香港政府宜家辦事方式，要西鐵真係已經飽和先會起....

waterboy1984 發表於 2016-3-7 10:51
屯荃理論上只係快15分鐘，但客量唔夠多，
所以目前為止都係未有必要起......
以香港政府宜家辦事方式，要 ...

即使而家話起﹐前期工夫要1-2年﹐真係動工又幾年﹐無7-8年都唔會真係完工﹐仲要未計立法會批錢拉布等因素。

不過﹐單純係屯門至荃灣﹐我都覺得唔值得起﹐作用性唔高。
但荃灣一直延長去沙田區(包括大圍火炭﹐確實地點走線待定)﹐這便有作為﹐可順便處理沙田對外的交通﹐一舉兩得。

但係唔知政府幾時才可思考去發展了。

kei_hk 發表於 2016-3-7 11:44
即使而家話起﹐前期工夫要1-2年﹐真係動工又幾年﹐無7-8年都唔會真係完工﹐仲要未計立法會批錢拉布等因素 ...

就算前期需要幾長時間，
政府都只會由有需要一刻開始做...

waterboy1984 發表於 2016-3-7 11:55
就算前期需要幾長時間，
政府都只會由有需要一刻開始做...

之前政府鐵路發展報告已經講了暫時唔會起﹐原因上面都講晒﹐所以現時只有等檢討時才有機會番生。

66702686 發表於 2016-3-4 22:36
講起屯公塞車，我認為唔應該取消屯荃線計劃

當初屯門人唔堅持西鐵線入屯門
或者西鐵線起好就會起荃屯鐵路
嗰時人工平、物料平
掃管芴又多地嚟起高密度豪宅補貼
唔似得依家話要一千億
掃管芴又因為交通問題用哂嚟起中密度
房屋供應問題又搞到冇乜地剩用嚟補貼屯荃鐵路

依家如果西鐵喺朗屏改道北上天水圍北
屯門段由天水圍南經朗屏元朗設轉乘站然後北上去古洞、粉嶺北
亦可由屯門南下至大嶼山
屯門人因為要改喺元朗轉車而放棄搭西鐵
咁荃屯鐵路或者會大啲逼切性早啲起嘅

但屯門人已經擁有西鐵頭站嘅優勢
要佢哋放棄西鐵又會有一大堆人出嚟話工程問題乜乜乜同埋地區利益乜乜乜
西鐵線屯門段直落大嶼山唔插入去湖景路又會話忽視屯碼長期嘅鐵路訴求
結果屯門人搭荃屯鐵路遙遙無期
天水圍北焗逼輕鐵
元朗、天水圍以至新界北落大嶼山又好轉折
結果又係大西北一齊攬炒

如果屯碼短期內駁埋西鐵
屯門人著實冇哂理據要政府中期起埋荃屯鐵路
只能怪香港人好多都好短視