論插旗

呢兩年嘅RPP好似多左好多插旗線，尤其是九巴，可能係咁二開兩班就算係插左旗，腦海中浮玩嘅係洪水橋、科學園、聯和墟等地嘅新線。

叫得做「插旗」，即係話想覇住個地盤，唔畀其他公司入來玩，
尤其以九巴原先嘅九龍新界嘅網絡優勢，好容易就將原有路線拉長或者以開特車形式成功喺新區「插旗」。

咁嘅結果就係九巴好自然地會成為九龍新界好多新區嘅必然專營巴士服務提供者，
喺講求程序公義嘅今日，咁做對佢嘅競爭對手唔公平，對市民都唔公平。

既然專營巴士已經無左地區專利好耐，呢D 看似係「自然延伸」嘅線路改動係咪永遠都畀佢「自然」地出現呢？
定係都應該拎出來投標（至於個投標過程是否妥當則作別論）？
例如960 嘅特車開到去洪水橋，好，一兩班算，但如果960P全日，咁係咪九巴理所當然地獲得呢？
而插左旗又係咪唔可以畀政「拔旗」呢？余以為既然一個專營權可以隨意加入新服務，
咁理論上一樣可以隨意取消一項服務，巴士公司高唔高興、背後老闆有無施壓係另一回事。

利申：無特別支持邊間公司，只想講個制度，點樣可以促進多D競爭。

講起「拔旗」，當年都有例可找到，就係 296x 變 796x，可以係可行。

最主要係睇運輸署想點⋯⋯

YY487 發表於 2016-5-21 20:02
我又唔見得插旗呢樣野係某一間公司既專利

也許港島唔會再有新發展區出現，才會出現插旗係九巴的專利，反而有興趣知點解當年政府唔俾大嶼山巴士公司包辦哂所有大嶼山島內的路線

另一邊廂新城一樣用緊相同手段，新記代表作一定係796P，一條完全重叠路線，為左插旗唔拉已經全日既296D入去而整條得幾班既796P，同城記N969。插旗係現有政策下既營運手法，絕無唔公平，下下招標也絕非好事

GK3258 發表於 2016-5-21 20:36
另一邊廂新城一樣用緊相同手段，新記代表作一定係796P，一條完全重叠路線，為左插旗唔拉已經全日既296D入去 ...

我強調我唔係針對某一公司，歡迎各位補充不同公司嘅例子以便說明。
以閣下提嘅例子，然則日出康城出尖沙咀嘅服務本來係由兩間公司去競逐？
而如果係由九巴奪得就會拉296D過去並且全日服務康城？
如果真係咁的話，相對於一日只有幾班嘅新巴796P豈不是吸引好多？
為著居民嘅利益著想豈不是應該更積極去爭取拉長九巴296D？

你又提到「現有嘅運輸政策」導致呢種插旗嘅做法，
但其實而家嘅運輸政策係點樣造成呢個局面呢？
係咪因為政府本身就無清楚交代新服務／更改服務時如何甄選營運商所致？
結果有時就要招標，有時就開特車算數，令人無所適從？
更加唔好講幾時開小巴幾時開大巴呢個問題啦！

俾多兩個例子  

城 E22A vs 龍 A45 / E45

城 962系既無限分支

咁講，新發展區喺九龍新界係一個問題，另外就係，九巴近幾年識玩，將荃為例，九巴有錢又計到減價都可以賺錢，開290同A仔嗰陣咪放水比一年優惠價囉，去荃灣仲平過去長沙灣，同埋佢嘅現有網絡，同64條線做bbi係破紀錄，好聽少少叫dum本，實際上係以本傷人，因為知道新創建優勢係價錢，咪壓價囉，新城有wifi佢都有，新城玩得過bbi，九巴就用將荃食秀茂坪轉乘，就好似油塘觀塘紅小睇住14C開車時間嚟截客咁，睇住嚟打，新創建點都唔會贏，另一例子為安箕，冇人同佢爭佢會開全日？213M會開咁長？大佬睇下28B尾車幾點先啦！冇錯你可以話佢識marketing同branding，人做wifi佢做wifi，人做路線屏佢又做，搞多幾個親親巴迷騷，就將原本已經唔多賺嘅新創建落井下石，冇錯插旗係唔公道但冇計，即係好似大財團租街市鋪咁，你想要細鋪仔又點？大佬自由市場喎我又有錢，點解唔入得手先？

就變左依家咁嘅局面，當年傳360做低嶼巴23先比B2佢食，今日唔會有呢種關係都冇用，九巴有心嘅，超低價超密班次why not？佢遲下改翻又得，搵線補貼又得，總之唔好有黃色或者綠橙白喺新區出現就得，此為之必勝插旗。

所以如果我係運輸署，唔想新巴劈腳，咪比康城佢囉，城巴頂多比多條港珠澳佢玩，一嚟唔想九巴玩哂，二嚟唔想城新唔撈。小巴啦喎，夠大聲乜都得，唔夠膽得罪佢掛，明知小巴有quota仲係咁批新線，我唔信運輸署入邊冇人唔知小巴有quota架囉，想紅小慢慢消失？對唔住紅小就係有佢嘅價值，呢場拉鋸戰唔知紅小會唔會輸，但運輸署一定唔會贏。

利申：九巴地頭。

leochill 發表於 2016-5-22 00:27
我強調我唔係針對某一公司，歡迎各位補充不同公司嘅例子以便說明。
以閣下提嘅例子，然則日出康城出尖沙 ...

呢D 就係獨自招標的缺點囉，反而我想知就係將南真係容納唔到完善的巴士服務定還是係新巴做得唔好？唯一一條有賺錢的線就只得796X ，仲要前九巴設計路線，798唔知係咪南北客量先夠做定還是只做將南都做得起，796C 假若唔經尚德可能會吸引返將南甚至清半的客添，以而家的情況來睇

JH_LE4612 發表於 2016-5-22 05:45
咁講，新發展區喺九龍新界係一個問題，另外就係，九巴近幾年識玩，將荃為例，九巴有錢又計到減價都可以賺錢 ...

其實290系都算了，咁真係投標返來而其他公司唔夠九巴玩（又係個句，個投標過程係唔透明嘅）

我並唔係話要D線路平分畀每間公司謂之公平，而係正如你所講，有競爭先至逼到九巴提供更多優惠，
咁點先可以確保競爭存在呢？290系、安達臣新線，我就當競爭係存在嘅，
起碼有多過一間公司話想玩，逼到中標者要更進取。

但我所指嘅「插旗線」則唔同，都未經過一個競爭嘅過程，就已經畀一間公司收為囊中之物了。

俾多兩個例子  

城 E22A vs 龍 A45 / E45

城 962系既無限分支

E22A都好多年前了，請問當年係城巴同龍運競爭嗎？
還是城巴巧取豪奪返來？點講都唔覺E22A係E22 嘅自然延伸囉

城巴962系其實比起最原先嘅962 係多左置樂同深井兩地，
而深井呢個點又係最大問題，就係明明比屯門總站短左成10公里路程都仲係收緊人地屯門價，
對深井居民極不公道。
假若深井係由934 嘅延伸代替覆蓋，話唔定仲係收緊比荃灣貴少少嘅價錢，
但當然要全日服務就無咁順利。