如果九巴開屯門直通青衣線有無得做?

dogdog002 發表於 2017-2-1 00:44
青衣本身係養唔起一條大西北綫，不論元朗定屯門

唔係點解九巴要咁「偉大」整279X轉乘回贈

又唔係完全養唔起一條去大西北的特快線﹐當年264M 係相當成功的。

不過﹐死於天水圍區內太兜+一系列交通燈及九巴慢慢陰死。

264M 嚴格講都未死晒的﹐仲有條68E吊命﹐做番元朗至青衣的一段﹐但係走線又..........

279X 的回贈﹐正正係條68E 走線衰 + 淨元朗始終客係有限﹐令到68E密極有限﹐於是想出用279X幫手這個方法。
而68E 現時最大作用可能係幫手清大欖去青衣的279X 清唔晒的客囉。



回應返樓主﹐屯門直通青衣﹐68A 已經做到。
如果完全唔經荃灣﹐這條線一定摺得或班次大減而陰死。

而家68A在荃灣一段﹐唔算兜﹐亦可有一定客源﹐暫時看唔到有改路的需要。

ATENU364TC196 發表於 2017-2-1 08:16
昨天12:00見到部68A半滿上青衣站，所以也証明青衣對68A的需求不小。如果條線用汀九橋直接來往屯門青衣的話 ...

68A 主要客源係屯門新墟至洪水橋一帶﹐當中有唔少客往返荃灣落車的﹐如果唔經荃灣﹐養唔起這條線。

強行唔再經荃灣﹐結果係客量下跌﹐班次要減﹐慢慢陰死。


PS. 試過晚上坐68A返青衣﹐滿載有企一半人去到轉車站﹐落晒企位的人又上番晒﹐企滿出荃灣﹐去到荃灣區便落左一半人以上。
反映荃灣區係重要的客源﹐好難cut走。

其實搵66M嚟試嘅概念其實唔差
因為
1.條線夠短可以容納多啲轉車客
2.屯門區內路線容易搵到代替品
3.66M未改路線前班次差唔多可以話係等死嘅級別

青衣內路線以經過工業中心一帶為前提
因為直踩青衣西路好難做得住

肥＿仔 發表於 2017-2-1 11:40
其實搵66M嚟試嘅概念其實唔差
因為
1.條線夠短可以容納多啲轉車客

真心講﹐如果係唔經荃灣﹐離開青衣區第一個站便在屯門轉車站﹐在青衣的走線便唔會短﹐要有如948/N241一樣﹐行晒成個青衣島﹐以吸納一眾乘客。

這樣一來﹐會唔會出荃灣 或 使用68A 會更有效率?


PS. 以前264M 做得起﹐主因係有天水圍+元朗2區﹐單是一個屯門﹐我真係好懷疑是否有足夠的客量支持。

三巴合一 發表於 2017-2-1 12:18
養唔起？
68E,68A都係大西北去青衣，
仲要係青衣得幾個站，

68E 現時角色 : 清理大欖轉車站去元朗及青衣的客囉。即係執279X去青衣清唔晒的客﹐幫一眾去元朗的路線分流。即係做大欖轉車站的接駁角色。

唔係話青衣去元朗無客﹐唔係想像中咁多囉。



68A 最大主打係洪水橋至新墟一帶﹐往返轉車站及荃灣區﹐可估3/4的客量。
青衣﹐唔係無客﹐唔係主打囉。

差D講句﹐荃灣區無位做總站﹐搵青衣這個大站來幫手擺車﹐順便做下青衣客的生意。




單係一個屯門區﹐我真係抱好大懷疑是否夠支持一條線而又唔經荃灣。

ATENU364TC196 發表於 2017-2-1 08:16
昨天12:00見到部68A半滿上青衣站，所以也証明青衣對68A的需求不小。如果條線用汀九橋直接來往屯門青衣的話 ...

而家係新年特別時間,不能作準

68A 現時已是半快速去青衣, 但係青衣既客一部單層車都夠用了
反而荃灣西一帶就真係一部屯門車都無 , 應該拉部66M 去做(30分鐘一班既53就唔好計了)

kei_hk 發表於 2017-2-1 12:20
真心講﹐如果係唔經荃灣﹐離開青衣區第一個站便在屯門轉車站﹐在青衣的走線便唔會短﹐要有如948/N241一樣 ...

沿青衣西路剷到青機之後沿青敬路 / 鄉事會路上到美景調頭
長青長康可以分兩頭搭 , 青衣中就去街市個邊搭 ,
個人覺得算係勉強做到成個青衣又唔使學 N241 行大運

68A 收元朗價入屯門又唔係好快 , 其實唔係理想做法
只係 140M 更加貴先唯有焗搭

肥＿仔 發表於 2017-2-1 11:40
3.66M未改路線前班次差唔多可以話係等死嘅級別

拎未改路前黎講有咩意義呀請問？

66M改路後已經做起左好耐啦唔該