以另一角度重組九巴 2X/9

建議原因：

1. 黃大仙再三阻礙 9 號線延長上彩福，堅持繞經黃大仙總站及前往尖沙咀碼頭，宜以另一方式處理他們的訴求
2. 9 直接延長上彩福，彩福往來旺角需時至少分鐘，車程太長，並不合適
3. 2X 作為三彩唯一全日對外線，西行已肩負牛頭角特快前往深水步的角色，亦不宜直接改經旺角，而且班次太疏

建議詳情：

9 縮短為 黃大仙 <-> 尖沙咀碼頭
全程收費下調至 $5.1，
上午繁忙時段每 20 分鐘一班，其餘時間每 30 分鐘一班，尖沙咀碼頭班車延至早上 10:00 開出

乘客亦可選乘 5、95、203E 等路線

新設分支線 9X 彩福 <-> 尖東麼地道，
往尖沙咀方向，跟 2X 至麗晶花園後，不停站直達太子鐵路站，經彌敦道前往尖沙咀；
往彩福方向，旺角鐵路站後跟 2X。全程收費 $6.8。
彩福開 06:45 - 21:45，尖東麼地道開 10:45 - 00:15，上午繁忙時段每 20 分鐘一班，其餘時間每 30 分鐘一班，
彩福至太子/旺角一段，與 2X 提供每 15 分鐘一班聯合班次（上繁每 10 分鐘一班）

9 及 9X 合共使用 9 輛巴士行走，節省的一輛巴士調往黃大仙/慈雲山區其他重組

2X 按 RPP 方案，西行改經太子、砵蘭街及汝州街，並增加 07:00 - 08:00 彩福開出班次至每 20 分鐘一班；
配合 9X 開辦，兩線用車互跳，一轉行車時間 135 分鐘，減車一輛並調往 2A 線

2A 加車一輛並分拆；
正線縮短至欽州街總站，並微調班次；欽州街開經長沙灣道、東京街，返回原有路線往樂華。
新增 2P 樂華 <-> 美孚，
往美孚方向，麗晶花園後不停站直達男拔，經荔枝角道天橋返回 2A 原線，途經蘇屋；
往樂華方向，美孚至淘大花園一段與 2X 平行。
全程收費 $6.8，樂華開 05:30 - 00:15，美孚開 05:50 - 00:45，
上午繁忙時間雙向每 20 分鐘一班，其餘大部分時間每 30 分鐘一班，與 2X 提供聯合班次，每 10-15 分鐘一班往來牛頭角及深水步區。


歡迎討論。

（全文完）

青山道東行變咗真空 ?
雖然有 6D BBI , 但都覆蓋唔到亞皆老街個段路

同埋與其 2A 擺欽州街點解唔擺上蘇屋 , 而要 2P 西行延續 2A 西九龍個段極品定線 ?
對荔枝角個班客黎講 , 唔搞搞 N 字走線都係好慢

GU9338 發表於 2017-2-15 18:02
青山道東行變咗真空 ?
雖然有 6D BBI , 但都覆蓋唔到亞皆老街個段路

如果係青山道去亞皆老街，其實仲有更平的 796C 雙向分段，我相信九巴可以放棄

至於 2A 擺欽州街係為左盡量縮減行車時間，縮到去欽州街的話，可以減 3-4 部車都做得返現時班次。
2P 有諗過跟 2X 行法去美孚，但既然有多條線，不如用呢條線做返蘇屋/李鄭屋 -> 美孚呢個位。
客源有幾多係另一個問題，但至少少左個麻煩位先，而呢個位唔值得好似而家用頻密既 2A 去做

而根據 Youtube 行車片推算，荔枝角道/欽州街口後跟 2A 行法去美孚，比起跟 2X，似乎只慢 5-7 分

2X RPP 西行將會加停太子，將太子道西留返比2X做。
9直接拉長彩德開
(1)原線至丹鳳樓後，改經龍翔道鑽石山站後返回原線。(即取消經四美街、維持繞經黃大仙)
(2)新蒲崗寧遠街後不停富豪東方酒店後以半直通式飛站：
寧遠街＞>經亞皆老街天橋>＞九龍城警署＞＞經天橋＞＞太平道＞山東街（旺鐵E出口）後返回原線。

2A/2X/9/16 長遠應該加設互轉優惠。方便中途乘客可以轉返密車嘅2A/16。
加車就直接比2X/9、唔好再搞多條到喉唔到肺嘅2P。

lwb701 發表於 2017-2-19 08:27
2X RPP 西行將會加停太子，將太子道西留返比2X做。
9直接拉長彩德開
(1)原線至丹鳳樓後，改經龍翔道鑽石山 ...

其實 9 一日要兜彩虹道同黃大仙，就算半直通都唔會快得去邊，三彩客都係唔會 buy

2X 西行加停太子，加埋 9X 同路去到太子站後轉左落尖沙咀，來回方向都會有 15 分鐘一班快車出太子/由旺角返歸，
似乎已經係資源所限下，做到有合理班次直出旺區的方案

2X 而家因為資源問題，焗住做半粒鐘一班，如果用另一個方式加到合理班次，核心路段分分鐘客量都會有提昇

至於 2P，道理都係一樣，用另一個模式將牛頭角 - 美孚一段加到正常少少既班次，
不過仲有另一個目的，就係食埋 2A 的深水步區內流水。
而家 2A 頭重尾輕，用不成比例的資源去做埋深水步區內流水客，但客量又唔似值得咁密車去做，用 2P 食埋就岩岩好

點都好，如果有合理班次快車，點都好過叫人坐 30 分鐘一班車去轉密車線，或者密車線轉 30 分鐘一班車去目的地

S3BL100 發表於 2017-2-19 10:46
其實 9 一日要兜彩虹道同黃大仙，就算半直通都唔會快得去邊，三彩客都係唔會 buy

2X 西行加停太子，加埋 ...

其實將條9號搞到20-30分鐘一班黃大仙咪又一樣唔放過你。

睇落2X/9X大家聯合班次好似好理想，但係20-30分鐘一班嘅線只要是旦甩左班車就已經可以等死人。
9X係尖沙咀開、2X就深水步開，
塞一塞最終咪又係好似呢家13X/213X返上山一樣咁慘烈，一係前後腳一係齊齊顯示「20分鐘後」。

提議9 飛起四美街+亞皆老街半直通就係要換返兜黃大仙嘅時間，而希望同樣可以做得密個班次。
最終令黃大仙都有份得益，多條半直通旺角線。

至於2P提議，樂華(2A頭兩個站)真係有咁多客去深水埗咩？
山下牛頭角(2A第三個站)現在有2X特快出太子、深水步，問題係30分鐘一班。
2A直接拆車過2X加班好過開多條20分鐘一班嘅2P啦。

2A唔多唔少都係屬於半流水線。
所以我認同樓上提議，總站就算縮應該放蘇屋，起碼減低對原線乘客影響。
頭站美孚想快嘅可以上2X/40，慢嘅可以坐返6D。

lwb701 發表於 2017-2-19 12:21
其實將條9號搞到20-30分鐘一班黃大仙咪又一樣唔放過你。

睇落2X/9X大家聯位班次好似好理想，但係20-30分 ...

舊年 RPP 個方案，9 咪係用 10 部車拆 9+9A，到時 9 號仔都係做唔返而家班次，應該都係會跌落 20-30 分一班，但黃大仙反而無咩意見

講真，咁既客量，又有咁多替代品，減到 30 分一班亦不為過，純粹係維持有服務咪算，
如果 9 唔減，可能就要 203E 減班去提升 9 載客率，但咁做根本唔合理，到時問題仲大唔少

而 9 西行咁飛站，其實就未必快幾多，淨係坪石去到彩虹道尾都已經要 15 分，飛站慳唔到咁多時間。
但飛起旺角鐵路站，太平道下站就山東街；雖然話太平道落車行過去，塞車果陣會仲快，但亂飛最多人既站都係問題

2X+9X 20-30 分聯合班次，係無辦法之中既辦法。
西行當然無事，至於東行彩福方向，其實正常交通情況下，
美孚同尖沙咀開到先達時間係幾乎一樣，換言之只要唔係太塞車，要夾到班次亦唔難

反正 2X 本身已經係 30 分一班，如果多條 30 分一班做先達返彩福，起碼已經密左車，多左一倍班次

2A 麻煩位係蘇屋/李鄭屋去美孚，6 112 118 全部做唔到，
其次雖然樂華去長沙灣慢，但返放工無車都會係問題，而返放工一定有需求

再加上當時抽兩部 2A 車去 2X，樂華被減資源，雖然無奈接受，但始終都係有意見，要再抽 2A 車幫 2X 加班未必咁易

2X 2P 要夾班次比 2X 9X 仲容易，咁做已經係變相將 2X 加班，又唔減少樂華的服務水平，
相反佢地去長沙灣返放工仲快過而家唔少