私家車小路出大路唔停唔讓撞新巴

究竟私家車個牌點考番來？
睇唔到部巴士，連實線同個讓字都見唔到？

的確看不到「讓」字，因為是更嚴重的「停」字！

唐賢街個路口 , 兩個大 " 停 " 牌棟係度 , 唔會話睇唔到 ,
叉晒腰都無用 , 想唔認數 , 拏拏臨磅水啦兼老不 ,
呢D 咁既馬路炸彈停佢牌一段時間就岩 ,
個牌都唔知係唔係 TB 牌 ....

ccicoltd 發表於 2017-3-25 09:04
的確看不到「讓」字，因為是更嚴重的「停」字！

而家這個年代﹐都有唔少人遺忘左這個「八角形路牌」﹐地下2條實線﹐司機要做的事。一些路口﹐真係可以連續多部車﹐車速都唔收慢﹐直接衝出去。



在這些地方仲要唔留意大路有無車接近﹐仲要 "死"出去﹐真係準備賠錢啦。

如果其中一方唔肯和解﹐一定要警方開file處理﹐小路的司機開心囉﹐最基本的幾百蚊牛肉干走唔甩﹐仲有機會檢討不小心駕駛。

andrewyl 發表於 2017-3-25 10:11
唐賢街個路口 , 兩個大 " 停 " 牌棟係度 , 唔會話睇唔到 ,
叉晒腰都無用 , 想唔認數 , 拏拏臨磅 ...

[ 歪理mode ]

路牌唔係平時駕駛用的﹐平時駕駛只係見路便可行﹐唔需要理規則的。

撞車之後才需要理路牌/法規﹐互相講數睇下邊個輸。


[ / 歪理 MODE]


好多年前﹐坐巴士在以下一個位 (Link)﹐小巴在一邊小路去另一邊小路 (即link 左邊去右邊)﹐結果撞到我坐的一部巴士。
我坐的巴士已經急剎﹐但仍然撞到小巴車尾﹐被扯甩左邊鏡及左邊水潑。小巴車尾保險杆成條扯甩。刮花的不講了。

好彩的係無人受傷。


警察到場﹐劃位後指示車輛泊埋一邊。
同一時間﹐稽查亦到場支援司機。

警察為2邊司機落口供。稽查亦同司機一齊落口供﹐交代事件。

當時警察都以為巴士公司係唔容許﹐點知個稽查問個司機﹐是否願意和解。
司機個心都未定﹐稽查慢慢講解之後﹐司機才決定和解﹐於是便叫警察安排問小巴司機。

小巴司機唔願意和解﹐堅持自己無錯。

但係警察講﹐不如大家在想想﹐15分鐘後再問多一次是否和解﹐有問題可以問警察。

在這15分鐘期間﹐警察叫左小巴司機去路口﹐指下個路牌同地下路標﹐叫佢自己睇清楚再想清楚。


最後﹐小巴司機咪死死氣問稽查要賠幾錢囉。
之後巴士司機自己駕駛巴士返昂船洲車廠﹐稽查跟小巴去銀行禁機攞錢﹐再去昂船洲車廠﹐等工程部檢查報價。

kei_hk 發表於 2017-3-25 10:47
[ 歪理mode ]

路牌唔係平時駕駛用的﹐平時駕駛只係見路便可行﹐唔需要理規則的。

師兄所講果個位置，十幾年前有部36B KU541就撞翻部停線無停車的紅VAN，
之後紅VAN司機判o左危險駕駛

kei_hk 發表於 2017-3-25 10:47
[ 歪理mode ]

路牌唔係平時駕駛用的﹐平時駕駛只係見路便可行﹐唔需要理規則的。

如果有乘客受傷，係唔容許雙方和解，除非有司機願意承擔巨額賠償

想請教版友，當巴士與其他車輛發生意外，巴士司機基於咩準則可以同肇事者私下和解？

GL3789 發表於 2017-3-26 09:37
如果有乘客受傷，係唔容許雙方和解，除非有司機願意承擔巨額賠償

想請教版友，當巴士與其他車輛發生意外 ...

咪就係無人受傷兼無公家財物損毀囉。

除此之外，法例話必須報警，由警方處理。

ps. 唔需要特別指明什麼車(官府車除外)，只要雙方肯和解便可。