點解港鐵咁反智，輕鐵智能售票機唔可以買月票？

S3N353 發表於 2017-4-2 13:50
其實早少少買月票, 咁咪唔駛排隊以本人經驗, 31號同1號最多人排隊

我自己買就一定25號（31日月份），24號（30日月份），22號（2月）
不過我上次幫親戚買，好似係30定31號，兆康站勁多人排，兜個圈去疊茵庭出口，買完再出番黎，頭先排隊尾嗰個都未買到。

正如68個車站，總有啲站隊一定長，例如良景，屯碼，市中心等。

我諗入落八達通可能真係未搞到，唔想客嗰邊有咁高權
黃埔站新機買到都會票，因為都只係出張飛，只不過張飛幾百蚊者。難道你想全月通變番飛?咁就冇左75折，仲要南昌出閘再入閘。


至於人手我又唔怕，佢都有錢有能力星期日喺各站請人換生日飛，轉做每月14日賣月票，個productivity應該比生日票高
但有得唔做額外工夫梗係可以唔做

其實會唔會做到好似八達通自動增值咁
填張form寫翻信用卡資料自動續期，唔要就打電話或者去客務中心cut左佢

hijackduck 發表於 2017-4-3 15:30
其實會唔會做到好似八達通自動增值咁
填張form寫翻信用卡資料自動續期，唔要就打電話或者去客務中心cut左佢 ...

這一個原理係同自動增值一樣﹐每次啟用/停用都要八達通卡本身要更新卡內record的﹐唔可以單純打電話。
而且﹐你要自動續月票﹐背後便要autopay﹐每次停用/啟用都要時間的。
如果太接近月尾﹐未必可以處理得到﹐到時又引起爭執。


想做得好﹐叫MTR同八達通公司(附設的OePay)合作﹐利用OePay(卡本身唔夠錢買月票) 或 八達通apps(卡本身夠錢買月票) 作為買月票的途徑之一。

到時﹐足不出戶都可以買到月票﹐臨出門口才去買月票都得。
前題你要有部有NFC 的android手機(支援八達通apps) 或 生果機配藍牙八達通讀寫器跟身。

如果係行得通﹐連西鐵日票都可望有機會做到(前題係MTR的票務系統更新﹐辨認到有日票便相應地不扣車費)。

lsc04d11 發表於 2017-4-3 12:48
我自己買就一定25號（31日月份），24號（30日月份），22號（2月）
不過我上次幫親戚買，好似係30定31號， ...

我諗入落八達通可能真係未搞到，唔想客嗰邊有咁高權

其實部機硬件上係做到的﹐試想想﹐當增值都做到﹐已經要讀及寫八達通卡﹐點會有問題。


反而係上面唔少人已經講了﹐例如 :
車站人流問題(特別係輕鐵車站)?
會唔會阻到其他人購買車票?
部機會否因此而存太多錢?
會唔會生意太好﹐部機好快食飽左唔再收錢?
使用者方便程度?


前面有人講月票好多種﹐做乘客唔識分。
這方面其實唔難處理﹐首先發售車票的車站係不變﹐即係市區線買唔到西鐵的月票....

在買月票時﹐乘客先在票機選擇買月票﹐先拍卡﹐再選月票種類(屯門至南昌 / 屯門至紅磡)﹐選擇後再入錢﹐再按指示拍多次卡便完成﹐並且印出收據及乘客。
*針對西鐵而講解

有無忠實fans 折扣﹐在你第一次拍卡時﹐票機已經check到你有無﹐自自然唔會提供你不適用的月票種類(票價)。



或者﹐MTR可以嘗試在個別大車站增設自助票機睇效果。
但係所有輕鐵站都可賣月票﹐雖然我唔係大西北的人﹐我都有所保留 (真係月台大細人流方面去睇)。

kei_hk 發表於 2017-4-3 16:04
這一個原理係同自動增值一樣﹐每次啟用/停用都要八達通卡本身要更新卡內record的﹐唔可以單純打電話。
而 ...

好建議
最好屯門-南昌全日通都可以用oepay買
好似全月通咁接駁果程仲有75折

siupy 發表於 2017-4-3 18:01
好建議
最好屯門-南昌全日通都可以用oepay買
好似全月通咁接駁果程仲有75折

M公司想得通，O公司又想借機推廣多些人用其服務，又解決到技術上的細節先算啦。

其實可以係輕鐵CUC 買就已經好好多。。

其實條隊最大問題就係因為只能夠收現金

如果可以八達通扣數既，問題已經搞掂

dogdog002 發表於 2017-4-4 23:25
其實條隊最大問題就係因為只能夠收現金

如果可以八達通扣數既，問題已經搞掂

咁又有少少問題﹐雖然八達通自動增值可選$500﹐但係唔少人(特別係早年申請)係每次$250的。每次增值$500 的人係無問題的﹐但係$250的一批人﹐這便有引申問題了。

有自動增值的人一般都唔會自己人手去增值(除非明知自己已經自動增值一次﹐之後又負數)﹐這批人張卡根本唔會夠錢買月票。

而無自動增值的人﹐真係睇番使用者自己使用習慣了﹐去到無錢的時間又要買月票﹐到頭來咪又係比cash 或 即場再增值。

所以﹐幫助唔係太大。
除非﹐硬性規定只限八達通扣數兼相關櫃位不設增值啦。但係只係轉移條人龍去其他增值的地方。


**************************************

其實﹐長遠而言又真係自助化有得發展。
但前題要選合適的地方 (例如只在西鐵站大堂及一些有足夠地方的位置)﹐而同一地方最少有2部售票機並排﹐1部可賣月票﹐1部不可賣月票﹐以免影響非買月票的乘客。
如果可以的話﹐可考慮要用信用卡才可自助買月票(最好支援 apple/android pay啦)﹐方便乘客之餘﹐又可減少處理大量現金。

其實唔會做唔到，只係想唔想做或用咩budget做，
改System係要錢的，單計人工幾十萬走唔甩，
都要有人/部門肯負責先可以做
成件事對MTR無咩好處/唔多，無啦啦唔會有人/部門走出來埋單俾錢