798/B客量報告

三巴合一 發表於 2017-4-5 00:04
咩叫絕對唔標青？
人地290/A入將軍澳搭埋10分鐘1班，
798幾多分鐘1班？

先生，我講緊載客率唔係載客量
你有載客率資料歡迎補充

THomas20010808 發表於 2017-4-4 12:15
Rpp不是說今年會加車嗎？不如再觀察一下。其實上下繁798加到10分鐘一班也不過份，同埋798B好心專做將南，博 ...

上繁798其實好耐之前已經加到落10分鐘一班
但個時段太短，一到15分鐘時段又故態復萌頂閘留後

至於下繁，其實問題主要係班次間距唔平均
而同時798A/B又起唔到清客作用
結果成日一班坐唔滿一班頂曬閘咁
講真，798已經唔係經過好多繁忙路段，沙田又只係得5個站，搞成咁其實新巴絕對有責任

早繁798入TKO真係好多人坐，真係估唔到半粒鐘一班都有人捧場
我搭過725火炭開個班，聽到人講係喺馬鞍山嗰邊轉過嚟，而我識人都係要馬鞍山入TKO返工/學，相信樓上建議既798C絕對有得做

我都有時會搭290/A(區內)，朝早750同810到TKO既我都搭過，其實客量就同725班798差唔多，有時290A仲要企添
唯獨就係290/A將南會落多啲人，同埋有時客量比較飄弗

最後熱狗 發表於 2017-4-5 00:31
早繁798入TKO真係好多人坐，真係估唔到半粒鐘一班都有人捧場
我搭過725火炭開個班，聽到人講係喺馬鞍山嗰邊 ...

係特別班次年代定正常班次年代？
感覺上特別班次改返經寶林同尚德之後，客量係有進一步增加
但該時段寶林客比重好似唔係咁高，可能大部分學校/工業邨駁腳都喺坑口將南（亦因為咁我建議既798C係先落將南再返寶林）

其實最令我覺得驚訝既係，朝早入將軍澳，田園閣可以排成30人
本身田園閣覆蓋既人口其實唔係真係咁多
如果馬鞍山本身都有同樣比例既人入將軍澳，798C真係做得過

朝早入將軍澳，290/A將南落多少少人唔奇，觀塘山/將軍澳山去將南佢近乎獨市
反而想知將軍澳客入面有幾多真係荃葵搭過來

castanopsis 發表於 2017-4-4 23:52
我龍翔道見朝早入將軍澳既290/A載客率絕對唔標青，不過可能撞唔正高峰
印象中呢度有版友日日搭290/A返將軍 ...

290A 朝早主打係秀順入將軍澳，龍翔道見少客又係正常，
基本上朝早 290A 入將軍澳一般都有六七成客，通常走廊都坐到一半以上，我有時八點幾搭落山轉地鐵直情要企。

290 既話翠林有大量中大進修學院學生捧場，
所以八點幾既班次去到翠林已經落二三十人，落到寶林見到少客都正常，朝早計通常深入將軍澳既客都係搭 290A。

講返 798，本身 798A 798B 應該係當 798 加班做，
但呢兩班車朝早開車時間，根本 798 都未到 peak，又唔到火炭，對兩邊獨市客黎講又太早到沙田，所以晒左 2 班車，
老老實實我都唔知新巴想點，又要開線又唔想佢有客咁款。

上年年尾搭過一次 798A 返將軍澳，
架車沙田區內上左 40 個客，不過比較 surprise 係我以為開呢個鐘數都係執寶林雞為主，但結果 40 個人入面有 17 個真係搭上翠林 / 康盛落車。

3ASV174 發表於 2017-4-5 00:44
290A 朝早主打係秀順入將軍澳，龍翔道見少客又係正常，
基本上朝早 290A 入將軍澳一般都有六七成客，通常 ...

290/A其實又係幾好嘢，將南康翠秀順雞肋位都俾佢執到唔少客
不過可能290/A荃葵個走線唔係好涵蓋到荃葵幾個大住宅區，聯合班次又密，以致上龍翔道個載客率麻麻

798A/B可能新巴想沙市班客回程預到時間等車？
問題係放工時段火炭客量拍得住沙市，你唔做火炭仲要無拉疏798班次谷客，兩條支線真係廢咗一半武功
而火炭去沙市咁鬼近，你火炭開車我沙市其實都大概計到你幾點到
真係唔知新巴有何打算

講真，沙田區咁大，798其實有好多支線都值得玩下
大圍/一城/石門/中大/科學園 各自有一堆通勤位值得開拓，後面四個位串埋佢效果應該都唔差
而逆向亦有我上面講既馬鞍山
798A/B分流798又分流唔到，又唔能夠有效開拓新客源
開支線開成咁，其實又真係幾失敗

不過問心，支線定位差唔只新記，最近九巴條271X都係唔知佢想點，結果唔少班次又係得半車上公路

三巴合一 發表於 2017-4-5 01:09
多人坐就唔會30分鐘1班啦，
798開左近7年，要做晨早做左啦，

30分鐘一班頂閘，20分鐘一班點都唔會吉車遊街掛.........
而班次真係同客量唔係咁大關係，尤其獨市/半獨市既線
307咁多年來非繁有部分班次爆到瀉都係加唔到班，有時係巴士公司反應慢多過唔值得做

3ASV174 發表於 2017-4-5 00:44
290A 朝早主打係秀順入將軍澳，龍翔道見少客又係正常，
基本上朝早 290A 入將軍澳一般都有六七成客，通常 ...

290/A朝早主要係流水入將軍澳學校客多 基本上荃將客唔算好多 我個人比較少留意上繁入將軍澳客量 但係我經常見班景嶺放學(非繁忙時間)幾百個人湧落去康盛落山站搭290/A(通常290A) 有啲都會搭A29P落將南
而798A/B朝上班次就肯定係插旗線嚟 7點1開車去唔知做咩 康盛大部分時間得一兩個 翠林客叫做好啲 有十幾個 其他都當執798客 效果都唔係差嘅
至於798A下繁上山客多除左因為沙田開嘅時間合理啲之外 仲有一定數量嘅寶琳山上客 798A係執到一啲等15小巴/E22A上康盛嘅乘客