因應港鐵多個車站故障九巴加強服務，配合乘客需求

趕得切故障前到觀塘.

買完餸出物華街見14B頂閘都覺得奇怪, 協和街近同仁街柴觀小巴條龍, 到觀塘道迴旋處見到98A 619高載車頂爆閘, 再行到D2出口有人向上望話「落左嚟就有車開」(當時地鐵有班車開往藍田方向, 唔知有冇載客), 已經夠晒特別, 轉埋入觀塘站就知咩事.

606條隊打完蛇餅排左出15條車坑, 之前見到的爆閘98A 619冇上客(98A有客落車要埋站), 過海巴士條人龍在公廁前面打蛇餅, 此時接近全吉的巴士仔全廣601駕到, 有能力清晒條龍, 當時地鐵應該係剛剛故障, 平時601山上開落嚟唔會咁少客, 我相信係開出來地鐵站清客用.

行埋過翠屏道, 泳池巴士站密密有人截的士, 短短1分鐘步程已見四部的士上客.

頭先傍晚六點幾坐 17 出九龍城約朋友食飯，德福頂閘兼有職員指示乘客上車/等下架，
最初都唔為意，但之後見到 74D 啟泰苑頂閘，296C 西行頂閘，26 尖沙咀方向富豪東方未埋站要企，都覺得奇怪

之後先知出左咁大件事…

八點幾準備等車返屋企，富豪東方東行巴士站塞滿人，大部份往觀塘方向巴士都頂閘上唔到，
連平時比較少人的 2X 13D 296C 796C 都頂閘甚至上層要企

之後決定同朋友再去食個甜品，再睇下情況係點。九點情況好返少少，巴士站少左人，
但旺角一邊開出的巴士依然全線頂閘

期間見到 1A 796C 似乎比正常班次密唔少，當中 1A 車鏈咁開，兩次都見到大概一兩分就有一架車，但都係企出黃線；
另外見到 ATSE1 富豪東方起載 93K 特別車，唔知係咪有關

最後上左 11D 返屋企，雖然有唔少位坐，但似乎都比正常多人，下層都坐十幾廿個，可能太子道西沿途唔少上唔到 1A，11D 做左救星

104都可以未出旺角係窩仔街已經頂閘...

shakugan2005 發表於 2017-4-10 23:32
104都可以未出旺角係窩仔街已經頂閘...

見到有14B ASC/ASB出藍田已經頂閘
42C過觀塘法院頂閘
259D 62X藍田頂炸閘
咁既環境 識搭巴士都冇用
車都冇得上...

其實我反而想知當港鐵一出事

會有幾多鐵巴出去幫手

係咪抽走晒K73 506堆車海

咁岩岩放工時間506條人龍會唔會排到去建安站呢

szeto993 發表於 2017-4-10 21:29
依家啲乘客先鬧咗港鐵先再鬧巴士公司唔識變通，九巴專頁抽水抽得好有鬼用咩？ ...

成個東九龍死哂點變通?
埋站都有排埋

今日係樂富過唔到觀塘，於是係黃大仙上返地面轉巴士
當時未夠7點，已經成個沙田坳道站迫爆晒，
E22A、269C、38、40東行全部上到頂閘
沿途見到德福同創紀之城啲人龍真係好誇張，唔知幾時先清得晒

GW5878 發表於 2017-4-10 21:42
都唔叫抽水啦, 報紙佬有引述運豬有份叫九巴加密受影響路段既班次, 作為公共事業都需要啦, 再者就算開架車行 ...

今晚我搭2005 啟業開果班74A, 天馬苑上車, 平時載空氣載烏蠅, 竟然會頂閘, 司機叫我中門上, 卡都唔駛拍, 慳返$10.5

仲以為沙田會落一大半人, 結果我要企返大埔, 真係想知呢班人平時搭咩車......

deep3@italk 發表於 2017-4-11 00:55
今晚我搭2005 啟業開果班74A, 天馬苑上車, 平時載空氣載烏蠅, 竟然會頂閘, 司機叫我中門上, 卡都唔駛拍,  ...

當 74X 未到德福已經頂爆閘

74A 自然成為彩虹、四美街既救星

ksmbh 發表於 2017-4-10 23:55
見到有14B ASC/ASB出藍田已經頂閘
42C過觀塘法院頂閘
259D 62X藍田頂炸閘

我六點八坐地鐵由鰂魚涌到油塘，上到鯉廣見成街都係人，見有架3ASV 62X往屯門頂住閘飛過

本來諗住行返藍田，不過見有兩架603埋油塘邨站返平田，咪去排隊囉，好彩上到第二架，仲有位坐。