13D, 93K, 95, 98C, 98S, 213D, 297, 98A, 91路線重組建議

expertuser2004 發表於 2017-4-30 18:36
13M 特班其實沒大作用, 只有限定幾班, 更去不到牛頭角及不設回程, 未必適合大部份客用
坐 98A 落去的客有 ...

其實可以逆方向諗 當寶達秀暉上唔到213K 98A 佢地有可能會盡可能逼上架213M 到時213M上繁不單止可以拆線 仲有得加班
我相信而家寶達秀暉去觀塘有一部分係安達安泰居民 213K可以直接疏導呢啲客 剩餘一部分運載力可以做寶達秀暉嘅乘客 所以我覺得係夠嘅 而98A縮短之後 少左坑口班客 而且快左 即使少左車 但係因為回車速度快左 所以依然做得曬班客 需要時可考慮加班(要睇下有冇quota)

坑口得一條全日直出嘅A29 我唔相信坑口客會搭佢去市區 所以我係當佢冇全日直出車 當然 繁時都有嘅 98D 798B呢啲都係 而102小巴 第一 貴到嚇死人 第二 出到觀塘又冇轉乘優惠 第三 班次唔肯定密唔密 但始終係小巴 都係唔知幾時有車嚟 而且又少座位 成日都好容易冇得上 所以開一兩條全日直出車比坑口係好基本同應該

至於10M返寶琳方向 我通常(下繁)都見啲人係寶琳站落曬咁制 得一個半個搭返總站 上繁我唔敢講 我估惠安一站可以滿客

10598C 發表於 2017-4-30 22:41
其實可以逆方向諗 當寶達秀暉上唔到213K 98A 佢地有可能會盡可能逼上架213M 到時213M上繁不單止可以拆線  ...

你覺唔覺得咁做嘅話，將軍澳綫一出事，就會即刻玩完？

尚德尚且有296A（由調景嶺同將軍澳站行過去都算近）、296C、796C、796X（796P），但係坑口好多時都要同寶林共用，你唔好咁厚此薄彼得唔得？

話晒都係同區！

仲有，你覺得91改去牛頭角站，係咪真係好過去鑽石山站？因為將軍澳隧道真係會大塞車，但係清水灣道比較少塞（亦都就係點解住大埔嘅我，即使喺調景嶺返學，有時都情願行去坑口／寶林搭91M嘅原因。當然，要食飯／買嘢亦都係其中一個原因），對新界嚟講會唔會方便過經將軍澳隧道？

likyantang 發表於 2017-5-8 17:27
你覺唔覺得咁做嘅話，將軍澳綫一出事，就會即刻玩完？尚德尚且有296A（由調景嶺同將軍澳站行過去都算近 ...

麻煩你解釋一下關條鐵咩事 我真心睇唔明你講乜

我呢到重組主要係將北 你用將南做例子有咩用
講到底 你係不滿我建議坑口有直出車 係咪？
但麻煩你睇下佢地去九龍城同觀塘嘅巴士有幾差
全部要經寶琳再行山 最少25分鐘先離開將軍澳
地鐵都到旺角啦
你睇下調景嶺 796C 796X直出車
再睇下尚德 三條直出邨巴
將軍澳就算要經埋調景嶺
都冇坑口兜寶琳同山路咁耐
淨系康翠寶達唔夠客 所以group埋寶琳組一條線
坑口自己唔夠客 咁咪group做康城同坑口囉
有幾厚此薄彼呢
坑口係我設計嘅新線底下 都有佢嘅壞處
坑口做尾站有機會要罰企 甚至上唔到車
唔好見我比兩條坑口尾站車就咁敏感
我只係將客量高企嘅上山線拆開嚟做
好多其他線例如98D 297 798 694
佢地都係繼續兜寶琳

講到91 你朝早搭逆向客又點同呢？
我個朋友日日都塞新清半粒鐘(西行)
而新91不但可以做清水灣坑口流水
仲可以順便做清水灣坑口去觀塘
坑口唔少人寧願搭小巴塞隧道
都唔願意行山(無論寶琳北路定係清水灣道都係)
況且非繁坑口行隧道快過行寶琳北路近15分鐘
而即使上繁坑口直出隧道都快過行山路
而且我相信行隧道出去唔會慢過行清灣
可以做到更多客 我真係唔係睇到有幾大問題
仲要而家91又唔係經常多客 做埋坑口係可行
而91行坑口係另一位版友曾經建議 我覺得可行
所以擺落嚟個plan到

10598C 發表於 2017-5-8 20:40
麻煩你解釋一下關條鐵咩事 我真心睇唔明你講乜

我呢到重組主要係將北 你用將南做例子有咩用

我頭先以為你真係cut晒坑口啲線⋯⋯Sorry！
我知道你想佢哋更快，但係我之所以質疑你嘅plan，主要係因為：

• 加咗咁多線（定係98C加咗咁多特別班次），會增加隧道負荷；
• 91M同98A本身肩負接駁其他新界路線嘅重任；
  

我亦都明白，91平日客量唔高（假日就成日頂閘），但係究竟：

• 91喺平日嘅客源；同
• 91有幾多人係由新界其他地區嚟？
  

我之所以咁講，係因為喺彩虹（74X亦都可以喺鑽石山站）轉車過新界其他地區，應該會快過喺觀塘轉。
仲有，其實91係已經同其他新界路線有轉乘優惠，就好似91M咁。

likyantang 發表於 2017-5-9 00:39
我頭先以為你真係cut晒坑口啲線⋯⋯Sorry！
我知道你想佢哋更快，但係我之所以質疑你嘅plan，主要係因為： ...

唔緊要 最緊要搞清楚就得

我唔否認咁樣重組法的確會令隧道負荷增加(因為成條298C同91擺入將隧) 除非允許司機因應交通情況行寶琳路出將軍澳道 否則冇計 因為要快速離開將軍澳 就一定行將隧

至於彩虹 冇錯 的確去彩虹觀感, 走線嘅同轉乘路線選擇上都比觀塘好 但係去觀塘有其他好處 第一 多位坐啲 第二 清水灣可以唔駛轉車去觀塘無論行街定係點都好 都係理想嘅選擇 始終觀塘作為觀塘區中心 發展都比彩虹成熟 第三 行坑口出將隧 呢啲路段都冇行舊清咁耐 限速較為寬鬆 而且路線理應更短 特別係非繁忙時間 出觀塘分分鐘快過去彩虹

但係如果清水灣居民唔贊成失去彩虹車 繁忙時間可以拆線 清水灣果邊可以梅花間竹咁去彩虹同牛頭角站 另開坑口起載班次(從坑口角度睇 啫係一班清水灣開 一班坑口開 如此類推) 清水灣平日有冇咁大需求係一個問題

有另一個簡單啲嘅方法 繁時直接開特班 行91原本條路去彩虹 然後新91照跟我建議行

至於假日 可以開類似92特快班咁來往清水灣 或者叫班客直接去牛頭角或坑口搭91

91改行隧道並不可行，因為會與103專綫小巴重疊。

咁如果新增91A，用類似91S咁嘅走線去到坑口站，再好似98A咁，不過喺星期六同假日提供服務？
因為咁一方面可以疏導往返清水灣嘅人潮，另一方面又吸引人去完清水灣再去將軍澳／觀塘⋯⋯
當然，加埋同38、40、42C、62X、74X（74D、274X）、80、80X、83X、88X、89、89B、89C、89D、89X、258D、259D、268C、269C嘅轉乘優惠，咁就可以畀人選擇去彩虹定觀塘轉車。
至於原有嘅91，我就建議佢維持不變，因為過咗壁屋之後，都行得算快嘅。

likyantang 發表於 2017-5-11 13:59
咁如果新增91A，用類似91S咁嘅走線去到坑口站，再好似98A咁，不過喺星期六同假日提供服務？
因為咁一方面可 ...

但如果91維持原有走線 咁係咪代表98A都維持原線？係嘅話唔符合我本身想開清水灣至坑口同坑口直出觀塘原意喎 到時坑口都係要捱山路走

跟你個plan唔係問題 但係上繁要拆線囉 拆做清水灣+坑口 寶琳+山路兩條線 非繁下繁就維持現有服務

再講 我將91改經坑口係為通勤用 假日嘅話不如全日拆線(好似上面咁) 再加新線來往彩虹/鑽石山同清水灣 不過改做半直通去清水灣

13D飛觀塘同牛頭角就即係飛走最好客既位
而295D就飛走95最好客既位
就算13D落新清，繁時班次都未必有10分鐘

TommyS58 發表於 2017-5-12 20:49
13D飛觀塘同牛頭角就即係飛走最好客既位
而295D就飛走95最好客既位
就算13D落新清，繁時班次都未必有10分鐘 ...

我諗你唔知我重組嘅目的
我希望透過重組可以將部分被扭曲左服務對象嘅線還原 例如95 本身佢係行秀茂坪道 當時係線王 可以翠林一站打爆 但自從改行秀明道 將軍澳客量暴跌 變相令將軍澳巴士線主要服務觀塘秀茂坪客 尤其而家秀茂坪有1A 紅小去油尖旺 95角色主要為秀茂坪去彩虹 同時13D行牛頭角道非常慢 幾乎班班吉車遊街 而沿途亦有替代路線 所以13D可以途徑新清 不但可以做返往來彩虹嘅客 亦可提升其於秀旺線之競爭力 至於95同213D合拼 係因為213D係秀茂坪吉車遊街 而我亦希望還返條直接啲嘅95比康翠 所以取道安秀道往新清 同時做安達線BBI 同埋安旺線 所以咁樣重組

而家13D係紅小競爭底下 牛頭角道客量都唔高 至於95 秀茂坪唔係好多人會去油麻地佐敦一帶 因為要兜新蒲崗 就算唔係 都有1A代替 班次更密