100R 跑馬地馬場/香港大球場/灣仔(會展) - 安達邨

觀塘區過海巴士路線601和619晚間往九龍客量高企, 情況在十多年間越見明顯, 班次沒多大變化下, 東區返回九龍東的乘客經常需要久候多班車, 嚴重影響日常生活和作息.

671已經落實執行南港島綫通車後的減班行動, 幾可肯定沒有延長服務時間的可能, 而601和619似乎沒有相應的加班措施, 吸納因671減班帶來的客量, 反而因該兩線於九龍東的服務範圍有數萬人口之增長, 肯定會為本已不足的服務造成衝擊.

為此, 建議藉着跑馬地馬場 香港大球場和香港會議展覽中心舉辦大型活動的日子, 提供一條途經紅隧前往九龍東的特別路線, 將活動參加者從會場「直送」回家, 減輕對601和619兩線的負擔.

100R只是虛構的路線編號, 本線需經過招標程序, 才由投得的單一巴士公司落實路線編號和收費.

建議於跑馬地馬場舉行賽事日(服務日子與101R相同), 香港大球場舉行大型活動時(服務日子與117R相同), 以及灣仔會展舉辦大型活動時(服務日子由巴士公司於投標時自行撰寫), 提供單向往九龍東的服務.

行走路線: 由節目場地開出後, 以最快途徑駛往紅隧過海, 不停紅隧口及山谷道, 途經東九龍走廊, 啟德隧道, 啟祥道, 天橋, 牛頭角道, 振華道, 康寧道, 協和街, 順利邨道, 新順街, 新清水灣道, 利安道, 順安道, 順天總站, 順安道, 秀茂坪道, 秀明道, 曉光街, 秀茂坪道, 寶琳路, 安秀道, 安翠街, 安秀道.

主要服務對象: 淘大花園 彩霞邨 安基苑 振華苑 樂雅苑 樂華邨 秀茂坪紀律部隊宿舍 順利紀律部隊宿舍 順緻苑 順利邨 順安邨 順天邨 安泰邨 曉麗苑 秀茂坪邨 秀茂坪南邨 寶達邨及安達邨居民, 沿線約有25萬人口, 望能對601和619起舒緩作用.

歡迎討論

601,619下繁返九龍服務
不足,但開條R線幫助應不大。

由於安達安泰居民
並唔少,亦好難由已經
滿載嘅東隧線伸延覆蓋
本來671在5月減到如斯
地步,真係成條斬咗去俾條
新線安達安泰,但目前是聯營
先不論是否因南港島線而沒收
配額,故此線能否獨營又是問題。

613去港島東都唔直達
中環灣仔,建議轉乘解決,
表面上推諉是配額制,但此
制從來是近乎機密運作,673/
978又係唔知由邊度擠出來…
(是進入核心路段的配額…車源
勉強可以話係北區路線重組而來)

跟住又會有人衝出嚟
話中環至銅鑼灣要有
巴士線每處到去齊晒…
水泉澳、安達臣道新區
有新車源,但陸續住滿人
就唔再加,水泉澳總算是
接近港鐵站,四順一帶真係
我退休都唔知有港鐵未……

前設係巴士公司唔會將671削減的資源撥去619或601, 安達臣人口增加繼續由得兩線爆瀉, 聯營始終好難傾掂數, 最終受害係乘客.

再前設, 現階段冇可能改線/招標一條中西區線俾安達臣, 四順係聯營, 秀茂坪係另一個聯營, 非常難搞.

藍田南/北係獨營, 但現階段冇可能將603降格, 由全中區線變成半中區線, 意思即係603 613資源可以運用成平田/安達各有班次改去筲箕灣/中環, 但藍田肯唔肯去放四份一資源俾安達臣開一條中區線, 然後613撥四份一資源過藍田開一條筲箕灣, 以成全安達臣有中區直達線之願望? 機會極微吧, 繁時一兩班或者OK.

現實係, 613現時唔足以咁做, 起碼做多三五年, 等安達臣人口增速放緩先可以去諗咁樣做唔做得過, 如果可以睇埋213M轉鐵情況, 有幾多係轉去銅鑼灣-中環一帶, 有左呢方面穩定的數據先可以諗, 現在613才剛上馬, 要等幾年先幫到601 619解決燃眉之急, 實在不仁.

本建議有左以上前設, 才決定提出特別活動R線的形式去招標, 以免大量活動參加者湧去乘搭$9.3的聯營601 619, 巴士公司又唔加派巴士行走時, 對本身用開此兩線的乘客非常不便.

招標特別線可容許巴士公司收取較高的車費, 唔同日子 時間提供怎樣的服務, 可以讓有開辦特別線經驗的巴士公司跳出框框, 提出可行和有利的條件, 增加靈活度.

服務範圍有25萬人口, 相當於全港大約每30人就有1人受惠, 在香港很難找到另一處地方的人口和公營房屋密度, 能夠與此不長的路段相提並論.

紅館R線到現時為止都沒有再增長, 在此亦不建議為觀塘山上的居民謀求紅館線, 畢竟11X 26或港鐵轉乘27 29M 213M已能夠滿足所需, 其他地區亦沒有提出增設紅館R線的建議, 故不需擔心其他地區仿效而提出建議, 就算有, 也可以以一些理由去加以否定其實用性.