新巴14號赤柱總站問題

lsc04d11 發表於 2017-5-7 20:22
搭得呢啲麻煩複雜線，最好上車時扮懵問定，佢答得你去到馬坑，佢就會俾到你答你唔得，你就話電牌寫住去得， ...

其實係新巴司機唔清楚原理姐
司機角度運作上係雙向綫

但乘客角度就係循環綫

新巴係好似 702 咁整

14轉番14既BBI保障番個客啦

dogdog002 發表於 2017-5-7 20:56
其實係新巴司機唔清楚原理姐
司機角度運作上係雙向綫

整14轉6，6x bbi得唔得呢？
只限淺水灣前下車拍卡
做埋東區去淺水灣

Ps 個分段位係深水灣定淺水灣?(6 黃泥涌峽?)

DinoNam@FB 發表於 2017-5-7 21:07
整14轉6，6x bbi得唔得呢？
只限淺水灣前下車拍卡
做埋東區去淺水灣

14有63,65,66 BBI

順便問埋, 由炮台開出往嘉亨灣方向班次係唔係會以赤柱警署為定時點?

巴典話係, 但事實上又點?

lsc04d11 發表於 2017-5-7 20:22
搭得呢啲麻煩複雜線，最好上車時扮懵問定，佢答得你去到馬坑，佢就會俾到你答你唔得，你就話電牌寫住去得， ...

我就係唔知佢去到軍營門口就停,點問定...
而且佢電牌寫住"赤柱村>炮台>廣場",如果一個街外人鬼知你要過車之類咩
同車仲有2個乘客話去赤柱警署,咁去炮台方向都冇警署嗰個站,係出番嚟市集先有,但路線圖只係一條直線由西灣河指到落馬坑..........

HT408 發表於 2017-5-7 21:15
14有63,65,66 BBI

上述路線八點後冇車

佢豬紙係寫可以去到赤柱廣場，而炮台係循環點
咁你係可以喺車等架

hkcctim2012 發表於 2017-5-7 22:36
我就係唔知佢去到軍營門口就停,點問定...
而且佢電牌寫住"赤柱村>炮台>廣場",如果一個街外人鬼知你要過車 ...

去警署其實係黃麻角道公立醫局落咪得

一句講完：只有西灣河開定線1才能由西灣河經軍營往馬坑（即定線2/3/4/5於赤柱均有終點）。

雖然可以坐回頭車去回程車站，但定線1去程最盡都只可坐到馬坑邨，所以唔完全係循環運作，定線2/3/4/5就更加唔係。
不過軍營一直以來都係回程起點，所以
定線1：車早到就要熄匙等夠鐘再折返（假如你要去馬坑就繼續等），遲到就即刻開始回程，
定線2/3：一般總站處理方法，即清所有客；
而到軍營時會Reset電牌價錢牌報站等等。
然而警署站（惠康門口）自中巴時代以來係有定時點返西灣河，所以車又會再等夠鐘至開。

其實最大問題係新巴慳里數，只限定由西灣河經軍營往馬坑返西灣河至會製造混亂，
反而來回都入馬坑當中途加停站，即西灣河<>（馬坑）<>市集<>（監獄）<>軍營，就簡單得多；
至少毋須坐回頭車，導致司機乘客一齊搞唔掂要過車/留在車等/重新俾錢等等。
更甚係屈埋市集去軍營班客要雙向分段先有$3.4，但每日都有人唔知情俾足$8.9，
而黃麻角道沿途跟本毋須要坐回頭車經軍營出馬坑，仲有機會部車本身軍營係終點站，
擺明係乘機A乘客，仲要A足一倍錢有多。

至於樓上有版友話筲箕灣出警署要軍營再俾錢，如果係
定線2/3：軍營係總站，坐返轉頭當然要俾多次錢，
定線1：乘客可以由西灣河經軍營往馬坑，而警署站位於馬坑盡頭點之前，所以毋須補錢。
（你可以提個客公立醫局落過對面，但坐回頭車都係合法；就好似寶馬山豐林閣都可以落車而非限定賽西湖大廈先落。）

延伸閱讀：
新巴14極度混亂，本站

關注14號巴士路線混亂，東區區議會

dogdog002 發表於 2017-5-7 20:56
其實係新巴司機唔清楚原理姐
司機角度運作上係雙向綫

問題係定線1根本就唔係雙向線，只係一條有定時點嘅循環線。

另外，請問14嘅電牌喺咩情況之下個數字會放左面？而八仔數據方面，係唔係南行去到赤柱村就要轉往西灣河方向？