政府建議考牌一年即可揸巴士

雪牌會出現「個手掣呢」嘅事件，揸牌一年做卡佬唔知會有乜事發生呢？

http://hk.on.cc/hk/bkn/cnt/news/ ... 0510_00822_001.html

內部都有講啦！大把人未甩P之前只係響考牌官陪同開過車，真係要出事就好似港女3日N炒點都會出事！
不過商用車路試其實真係好嚴，都見唔少人因小事都肥佬。
其實都係一樣……可以考時醒定第時劣駕，呢D真係無得好講。

雪藏三年同雪藏一年都唔係差得遠
反而真係落手落腳渣先有用

成功實施，則意味住　一心夠秤就全速入行做專利巴士公司的車長  的巴迷, 可以早半年到11個月實現車長夢!
(假設21歲年齡最低要求不變)
如果修例僅減少一年, 三年變兩年, 欲21歲零一個月就成為車長, 就需要19歲生日前考到1/2號牌拿在手, 不容易。
三年變一年的話, 20歲生日前考到1/2號牌, 都有機會21歲零一個月就成為車長。
由於18歲零11個月前考到1/2號牌的機會低，現時制度下，22歲生日前很難實現車長夢。

今個星期是2017 DSE最後幾天的口試考試日。DSE考生一般是虛齡18歲, 跟過往的中學會考虛齡17歲不同。
就算成績幾曳, 幾唔想讀都好, 如果一個人是1至4月生日, 18歲那年想生日後盡快學車, DSE未完就學, 你估家長唔會全力阻止嗎?
如果1月1日生日既巴迷, 18歲時5月中DSE完後先開始學車, 考2號牌, 排期耐, 就算一次合格, 加埋合格後要等候一輪先能夠領取牌照, 難以19歲生日前完成

唔好喇掛... 一年就可以申請?

依家好多雪藏牌或新手手車好恐怖吓, 曾經亦聽聞過巴士公司好缺人時內部要求稍為降低入職門檻,
連差少少嘅都俾入, 最後啲教車司傅都啞哂, 根本手車唔得掂點俾你過

樓上有朋友講到商用車考牌要求係高, 以巴士為例, 特別講求停車平順, 因為講緊係載客,
如果停車迫力控制唔好都係一個重要因素俾唔俾你合格, 如果以私家車揸法揸巴士死得
同埋揸巴士最忌係冇安全意識同無視交通規則, 家下啲私家車十居其九都無視規則,
對呢個方案好有保留

即使係新加坡, 冇記錯都要一年駕駛經驗加 3/4 牌先申請到做巴士車長

GCx468 發表於 2017-5-11 01:05
成功實施，則意味住　一心夠秤就全速入行做專利巴士公司的車長  的巴迷, 可以早半年到11個月實現車長夢!
( ...

有心學車﹐只要解決到$$$$ 的問題﹐有誰人阻到。

只要有部署(即係識得安排人生大計)﹐去年已經打暑期工﹐之後要儲錢啦。(如果本身有一定積蓄﹐直情skip這一步啦)

學車考牌﹐又從來不需要講你是否學生。只要夠18歲﹐通過筆試﹐已經可以上車跟師夫。
真係報左名﹐家長都未知啦。

學車時間又係自己選擇﹐有心學車總會安排到的。(扮出街同人做project已經過到家人一關啦)


即係﹐考完車牌pass左﹐甚至取埋正式的駕駛執照(附P牌)﹐除非當事人同人講﹐或者show張車牌出來比人睇到﹐根本係可以做到無人知的。

現時3年車牌才可考大車﹐又無規定你唔可以係雪藏牌。連首年P牌都一樣﹐你自閉1年唔駕駛﹐自然可安全甩P。
總之夠21歲並足3年﹐又可以去學車考車。


所以現時22歲前取到商用車牌﹐並非特別難 (最難只不過係 $$$$)﹐同埋有幾多公司肯請21-22歲的司機駕駛大車(特別係無實際工作/駕駛經驗)。




講真﹐以前話要3年才可考商用車(包括的士﹐小巴﹐巴士﹐重型車)﹐目的就係想大家有足夠的駕駛經驗﹐才開始去駕駛大車。
但現實有幾多人為左「一技旁身」先考 1,2 牌﹐但係考完又無車駕駛(包括不從事運輸業)﹐大家心照啦。
3年的原意﹐又有幾大作用?  縮短都無可厚非。

1年後兼甩P牌(唔計電單車P牌)才可去學商用車﹐已經足夠。

拾顓豭 發表於 2017-5-11 09:18
唔好喇掛... 一年就可以申請?

依家好多雪藏牌或新手手車好恐怖吓, 曾經亦聽聞過巴士公司好缺人時內部要求 ...

停車平順……果然考牌同實揸係唔同，多少司機揸mmc dup車chok到暈

051039 發表於 2017-5-11 13:32
停車平順……果然考牌同實揸係唔同，多少司機揸mmc dup車chok到暈

一向學車及考牌﹐同現實係2回事。

唔通﹐你考到車牌之後要泊位﹐仲係「有後無前」要1 take ok入格咩。
大把人泊到出晒界都唔埋啦。

又有幾多人cut線無打燈
你試下考牌時唔做﹐睇下你會唔會pass?

kei_hk 發表於 2017-5-11 13:59
一向學車及考牌﹐同現實係2回事。

唔通﹐你考到車牌之後要泊位﹐仲係「有後無前」要1 take ok入格咩。

呢個我明，但估唔到客運車考牌要求停車平順，但玩實中就大把人都係大大地dup車姐我覺得考完牌揸車有需要諗清楚邊啲野係需要做，邊啲只係考試需要
就好似豬腸軚咁