從720解釋新巴點解咁惹人反感

作為一個曾經欣賞過新城進取作風（如531大重組的18P、789全日），而同時經常批評老九玩大包圍班次（當年最經典263M、73A呢堆頹線的21-28分鐘班次）及兜路兜到傻的定線的板友，
黎到2017的下半年，相信大家已經見證到呢幾年兩間公司完全變哂樣。

雖然對老九在路線重組的力度方面，我仍然覺得係唔足夠（例如到今日74X非繁依舊要用多8-10分鐘去兜新蒲崗同鑽石山；42A依然係一線走天涯等等），但大家應該都見到呢間公司係比以前做多左野去吸客。
相反，新城呢？就完全變哂質，不斷俾人話係柴小、垃圾，唔係無原因的。

************************

今日我唔會去講西區、南區線，因為一定有人會用有新鐵路落成，客量大跌，所以兩間公司無心做呢個借口去辯護。
我會用720呢條線，去解釋點解呢幾年越走越多人討厭新城。

作為曾經的線皇（高峰期算係緊次於8P、2X、2A的港島線），
如果大家有細心留意，720係呢幾年的客量，其實係跌左唔少。
以平日朝早10點幾為例，以前的720，可以係企人出去灣仔；而家呢？隨時得50、60人出去，叫做岩岩好坐滿窗口位。
而夜晚（8點打後）返筲箕灣，亦都隨時係得40、50人，比以前的60、70係明顯少左。

************************
客量少左，不外乎兩個原因：
一、新的競爭對手 / 競爭對手吸引力提升
二、本身需求減少

但呢個原因都唔可以係720呢個個案解釋得到。
一、港島北沿線並無新鐵路落成，而港島線的車程亦無縮短到。
相反近幾年港島線越黎越逼，而720係無加價的情況下，應該會吸引左先岩。
二、需求少左？但睇返朝早720、720P上繁出中環的情況，我又唔覺得客量有咩減少到。
客量減少得最勁的，係非繁（或者叫介乎繁時與非繁）的時段內。

或者有人會問，係咪18X搶左部分客呀？
都痴線的，18X載緊空，搶條毛？

**************************
問題就黎啦，點解720打從2013年開始，客量會跌得咁勁？
好。簡。單。
要怪就怪當年新巴為左死都要開18X，結果搞到成個東區的2、18、720成堆線錯哂。
係超。錯。

非繁無左720A，720要兜返海富，仲要無加過班，結果去中環的車程增加左，候車時間又無減少到，
咁就當然趕客啦。
最錯係下繁無左720A，灣北要等720返筲箕灣真係等到想死。
到爆哂煲之後，新巴先識加返灣北短棍落去清客。
但對唔住，客趕走左，就唔會再返黎。

至於班次方面，以前非繁係幾穩定地10分鐘一班，好易等，如果去灣仔仲可以同720A一齊叫兩飛，
但2013年打後，無左720A之餘，720仲要非繁經常脫班，成日都12-15分鐘先有一架車。
以前720吸到客，係因為你落得地鐵站月台，你已經上左720，咁行東廊唔停站，就好自然可以快過地鐵到達目的地。
但而家720等耐左，變相坐地鐵又穩陣左，咁客仔就自然會揀個可靠的選擇啦。

*********************
黎到2017年，
18X依然載空。
新巴想用呢條線去搶錢，但結果係犧牲左2、18同720。
如果今日18仲健在，
我相信北角 <-> 上環呢段客，唔會去左地鐵，應該仲會留返係18系（只要你諗下上繁北角、炮台站幾難上到地鐵就知）；
即係話，新巴想用18X去賺多點錢，但結果係倒蝕。

*********************
咁我地就不禁去問，
新巴為左開8H去搶錢，
到頭來係咪又會犧牲左2A同82呢？

眾所周知，2A同82都會因為8H，而各減3部車。
問題係，再減落去，真係搞得掂咩？
而家未有8H，2A同82的已經經常脫班。
2A要多謝灣北路面狀況，而82就因為開左82X後，而搞到少左車行，變相106而家做埋港島流水。

8H收得貴過2A同82，
但乘客係無坐遠左。
例如你而家坐82由柴灣去太古，俾緊$4.1，唔係俾$5.1，right？
咁有人會話，8H去到東院嘛！
但我想問，本身坐開82的人，係去東院架咩？
根本就唔係。
即係話，開左8H，82原有的乘客，一係俾貴少少坐8H，一係就等耐少少82。
公平咩？

2A就仲搞笑。
一、8H係唔入怡和街，但而家2A最大客倉就係怡和街；
二、8H究竟入唔入耀東，都仲係未知之數。入的話，變相由柴灣出去太古，就更無理由坐又貴又慢的8H，只會死等82；如果唔入，咁佢有咩原因抽2A車？都唔做耀東，又唔入CWB，有咩資格從2A抽車？

*******************
最後，講多少少，
新巴係咪真係好有心去做8H？
當然唔係啦，否則都唔會9點先開頭車啦。
9點頭車係咩概念？
就係10點幾先去到東院囉，但已經過哂第一輪睇症的時間啦。

點解新巴要咁做？
咪就係上繁堆車派哂去有錢賺的路線（如101、682等等）到嘛，
到左非繁，本身堆車行2A、82都無乜肉食，
咪開條8H，當係滿足下你地班區議員同老人家囉。

然後班保皇狗，見到條8H，就即刻開心到爆，
又唔諗下對2A、82原有乘客有咩影響。

就係保皇狗 + 垃圾巴士公司，先會造成今日港島區垃圾巴士服務的局面。

~完~

班保皇狗當年成功爭取18X勁開心, 周圍領功, 依家18X吉車遊街又重組唔到真係多謝哂

最近一次18X重組, 新巴同當局建議星期一至五下繁往北角方向跟返18咁行, 都可能會吸引返下繁由上環去北角既客, 好過依家載空氣

點解區議會反對?

首先條8H係某保皇議員施壓而開
話人之前查清楚D資料好D

當然啦，18嗰part我同意嘅

2018年有實時報站的話，18X都會有番啲客，而家我喺北角上車見到有18P都會上左先。

補多句
其實本來有提出過拉81兜入東院取代8H
仍然係保皇議員反對
而18X當年入柴小嗰個勉強保命方法亦是被保皇議員反對
又要人開線，又要人們不減車
係咪你買車比新記？
一係叫下你哋D親朋好友下次咪投保皇黨
否則冇辨法解決到依個死局

以條18X為例
唔cut就得罪2/2A/720堆客
Cut線就得罪議員同18X僅餘嘅客，而流失的客源又不會回來
咁Cut黎把鬼 ??

除非好似九巴70咁蝕到議員冇籍口留
又或者好似796B咁用到798交換
否則18X都仍然冇可能cut
而且更煩的是18X非繁又真係有人坐吹佢唔脹...

Charon1999 發表於 2017-7-2 17:25
補多句
其實本來有提出過拉81兜入東院取代8H
仍然係保皇議員反對

不如就將18X繁忙時間停開，留返非繁忙時間有限度服務

8H 只係由禮儀廉周街掛 banner，但掛了成年一棟都冇，相反泛民的徐子見早陣有做過調查，詢問抽車對 2A 有幾大影響，並指東區泛民會深入研究 8H 開辦如何令其他路線的影響減到最少

Mueller 發表於 2017-7-2 17:08
班保皇狗當年成功爭取18X勁開心, 周圍領功, 依家18X吉車遊街又重組唔到真係多謝哂

最近一次18X重組, 新巴 ...

反對 18X 最新版本好似係咪中西區？
不過你話如果成條 18X 變最新版本果隻係咪冇問題呢我又唔係完全冇擔心.....
假日我係見過 18X 頂閘
不過當然你都可以話現有乘客可以搭到最新版本 18X

回返樓主你一下先......
最新 RPP 版本嘅 18X 我又唔覺得幾搶錢.......
今次起碼都叫做識加返個 $5.2 分段
其實某程度上都係借屍還魂