大家對九巴的評價

GK3258 發表於 2017-7-5 21:58
講得好啱，九巴無做到九龍區域重組，人地北區都殺到條70X黎交數，成個九龍搵條線祭旗都無，拖到通車先殺 ...

北區取消70X之後，九巴開返74D/277E/673/978俾佢地，仲派勁多新車行北區

212取消之後，深水埗/九龍城居民得到咩嘢？6C過多幾日又再減班，紅磡出彌敦道而家已經少左一條巴士線選擇，短期之內再減6C班次就真係做得好過份

至於18減班，擺明恰南昌居民，因為212取消之後，南昌已經無左巴士去油麻地/廣華醫院/QE，區議會叫6F單向經深旺道九巴又唔制，只係增加18←→2E/7的轉乘優惠就算數，如果18再減班，南昌一帶的巴士服務就會更差，居民去醫院就更加唔方便

GK3258 發表於 2017-7-5 21:58
講得好啱，九巴無做到九龍區域重組，人地北區都殺到條70X黎交數，成個九龍搵條線祭旗都無，拖到通車先殺 ...

殺咗條70X有咩補償俾大窩西呀？無呀！最後一條大窩西直上高速嘅全日線都無埋啦！重有咩可以搭呀？

唔賺就唔做，雖然比以前進取，但近年成日都叫人轉乘，但坐得巴士就係想點到點

7分，681、89D 都滿意，只係87D慢咗D。不宜家我搭九巴搭的唔多。(馬鞍山居民)

想完全滿足自己點到點，唔該自己渣車。
唔通真係要學某個板友咁，成日提議部巴士渣到佢樓下停車場？

九巴近呢2年係政府大力保鐵情況下都可以唔加價既同時提升質素其實都算係咁啦

lwb701 發表於 2017-7-5 23:49
想完全滿足自己點到點，唔該自己渣車。
唔通真係要學某個板友咁，成日提議部巴士渣到佢樓下停車場？
...

需求細既線用轉乘代替係大勢所趨，有鐵路通車咳線減班亦好正常，30X，6C客少左咁多212近乎載空，唔摺放資源去第二度唔通學對面海既590/A咁咩，仲要咳完摺完資源音訊全無消失埋，脫班既繼續日日脫.
九龍公司新線不斷開，加班有加班，起碼解釋到摺線咳車後資源放係其它有需要地方.

回正題；
9.5分，理由好簡單做到名副其實九巴服務，日日進步；
fb專頁雖然無乜資訊好大參考價值，開左起碼感覺上親民好多.
0.5分扣係近排102 118呢啲多人搭隧道線，早前明明做得好好又密車夠客，無啦啦咳正變蛇.

chaukc 發表於 2017-7-5 21:12
同一條過海路線，新巴/城巴時段班次比九巴時段密

08年之後，九巴在11/13/14年加左三次價，新巴/城巴08年 ...

爛仔公司?
1.係呀，你講漏左編定班次丫嘛，開足先算啦。
2.無加價，亦無改善服務動力。
3.好積極換新車？講笑呀，政府規定換車有得唔換咩？