九巴投標路線的先天優勢

053h4 發表於 2017-7-10 21:12
8H拎去招標會係一個突破。重可以開條1H, 用龍運堆閒置的豪華車做

假若8H拎去招標,而九巴又不幸地中的話,102同106應該可以特快,而且可以順手做低81,82等英皇道大流水

最近幾條招標線其實有伏味  兩三條都踩中唔少塞車位  到時睇下九巴出咩標

其實當214九巴出標個班次都係繁時15非繁20嗰陣，新城對呢條線態度應該……

limited 發表於 2017-7-10 12:14
巴士車隊加Quota可以用錢買, 但落標時落咩班次都要考慮車長短缺問題, 新城尤其明顯
故現時環境與新城當年投 ...

油荃其實都真係好睇唔好食海皮商貿區始終都係兩繁位
油塘黃大仙係咪真係夠做全日先


反而元朗站果兩條叫做對於城巴投得過
反正繁忙時間服務，本身大西北有車pool
荃灣西果條叫做做完可以跳去930/X還好


當然九巴會唔會又玩全日就另計啦

JC8385 發表於 2017-7-10 21:33
油荃其實都真係好睇唔好食海皮商貿區始終都係兩繁位
油塘黃大仙係咪真係夠做全日先

我諗九巴最怕新城投到油荃之後開一大堆支線行觀塘道，又或用極低價／極頻密班次搶客，咁40，甚至38／42C就麻煩，所以估計都會落重本投油荃
另一方面，九巴投到之後可以同38／40／42C重組，有機會仲可以搞掂條40P

其實近幾年招標線，唔計 213M 真係新區，做得起既 214 290 290A，
都係地區嘈左 N 年但九巴都死唔肯開既線，呢單野係由新巴開 798 冷手執熱煎堆揭開序幕。

但呢三條線好客事實都係跌眼鏡架喎，
214 當中招標前都唔睇好佢行荔枝角道 + 南昌街，
290 290A 個個睇死上山趕客，結果 290 連村巴都做低埋，邊個開線前會估到條線玩到早繁 10 分 2 班，下繁直情一齊開個位數班次？

依家 290 系唔計外來柯打都派 29 部車，
講真當初新城投到，都未必食得落，30 部車幾乎佔左佢車隊 4-5%。

但黎緊既招標線已經變返西九龍組標咁既運吉亂畫線，當年新巴幾乎重新畫過晒組線黎做先做得住。
依家計埋 88 安達全枝標圍埋計應該已經肯定係要蝕錢，290/290A 有賺但都好睇唔好食旺丁唔旺財，
之後o的牛潭尾荃灣西、郵輪碼頭又一城，真係邊個做邊個死，即管睇下九巴係咪繼續收其他線車俾佢載空。

點解會有呢個觀點
係因為早年有大型小巴公司以同樣手法投標
按金比突,寫好標書,再不停抽其他線小巴車輛
最後比佢投晒D線,其他細公司嘈,運吉先更改遊戲規則

今日九巴的行徑有相似

再講,如果投完返黎,真係有新QUOTA
其實照道理,入標班次應該可以更密
新創建頂多都係輸BBI/ETA

但睇返九巴車隊數字
本身由三千九跌到三千八
再上三千九,似乎運吉無比新QUOTA,只係巴士公司唔認為要用晒

不過最大個兩枝標完左,先黎改遊戲規則都無用
新界東北/洪水橋 招標與否未知

但新創建無把握機會出走,唔通真係靠A車吊鹽水咩

九巴係油價最貴果幾年不停連續加價，
仲記唔記得2012年果陣提出申請加8.5%車費(最後好似批左4%)
呢家油價同當時比回落我諗都起碼一半，自己袋多左嘅同時，
都會識得諗點先可以提高客量又比到乘客要嘅野：
ETA , 充電 , WIFI 呢d其實好簡單嘅野
自從有左ETA之後好多頹線都儲到班肯睇時間而等嘅客

相反新巴城巴果陣個個比曬Like又話識玩燃油對沖，唔洗加價仲有回饋…
結果自己埋下計時炸彈，玩出禍。
或者你會講去到今時今日，將南／港島堆線都仲係咁平，始終得益者係乘客…
問題就係你原本果啲線個價嘅水平仲係幾年前個水平，
當你呢家一條新線係想定一個岩2017年嘅定價果陣，
相差之大，出到黎個觀感咪差囉。

同埋睇返九龍半島係多左班客，佢地寧願比貴一兩蚊，肯睇ETA預時間坐「劣水特快線」都唔肯坐慢慢碌嘅流水線。
真心最趕果班人，一早落左地下迫鐵，坐得巴士果班人嘅要求，係舒適得黎，時間上唔會太慢已經岩水心。