初夏日本鐵路遊記(重點:遇到四季島+瑞風)

首先簡介下今次嘅行程先，2015年同2016年分別有北陸新幹線同北海道新幹線開幕，身為鐵路迷嘅小弟當然要去坐下啦，所以就會出現左呢個10日由北向南嘅超級日本大移動之旅(27/5-5/6)

要全國移動當然就唔少得JR pass 啦，由於今次有非常多嘅火車旅程，所以就選擇左貴差唔多10000 yen 嘅green pass，除返開每日其實唔係好貴而最終結論green pass 係超值

今次旅程好好彩遇到好多唔同鐵路嘅特別野，E 家就去相逐樣分享啦

(P.S.:由於唔見左SD card 同帶錯叉電器嘅關係，今次絕大部分相都係用手機影，質素比較差，希望大家唔好介意啦:smile_13: )

首先由出發日開始講起，不過當日當然就冇乜特別嘅鐵路可以搭，唯一嘅發現係原來香港國際機場旅客捷運系統嘅第二期車都有果下vvvf 聲
同咪當日可能車太密造成塞車

第二日去左睇芝櫻唔需要搭火車，不過我地住嘅酒店"北海hotel"可以見到

而夜晚就去左北浜駅嘅"停車場"食飯，不過因為由於火車班次問題所以只可以搭巴士去火車返(巴士嘅價錢係火車嘅兩倍有多)

雖然係無人車站，不過入面都有一間餐廳

車站裡面有好多卡片



跟著就係重點"停車場"啦，入面係以舊時嘅火車作為背景





北浜駅嘅風景真係好靚





好好彩遇到日落+彩虹





站牌

首先經過車站嘅係19:10往釧路冬天攞黎做流氷物語号嘅国鉄キハ54形気動車

20分鐘後就輪到要載我地去網走嘅車黎啦，一樣係国鉄キハ54形気動車



上車要好似搭巴士咁攞整理券，買左JR Pass 就唔駛啦

因為網走係總站，所以去到閘口先比錢而唔係落車比

跟住就返酒店休息準備未來7日嘅大移動!

第一日用pass 就立即開始大移動，由網走去函館差唔多700 km 一共三程車以前係兩程，不過因為キハ183系老朽化所以原本一日4往復嘅オホーツク其中兩班縮短至旭川，稱為"大雪"，旭川-札幌嘅接駁就交比ライラック(789系0番台)，稚內果邊更取消曬所有キハ183系嘅運用

8:06 出發嘅大雪2號，11:50 到

有得前面/後面展望





好奇怪今次係北海道自由席英文變做Un-reserved，正常應該係Non-reserved，似乎係JR 北海道嘅新野?

本車最高時速為120 km/h(實際得95)

今次旅程總覺得D green car 冷氣唔夠好熱，呢程係最嚴重

遠軽駅係終端式車站，停車四分鐘終於可以落車涼下

最終遲左2分鐘到旭川，完全體會到JR 北海道準時率偏低嘅情況，好彩係跨月台轉車唔太大影響



ライラック22号由789系0番台HE-106，2011先落成比其他789系(甚至789系1000番台)遲好多，而789系0番台以前正正用於スーパー白鳥，北海道新幹線通車所以改黎旭川代替785系(P.S.:カムイ先係用789系1000番台，方便鐵路迷揀車搭唔似以前789 vs 785 幾乎只能白撞) HE-106 以旭川作為主題(每架789系0番台都有唔同主題)


今程green car 應該真係係在來線之中數一數二好啦



原本85分鐘就可以到札幌，結果又遲左兩分鐘先到...今次真係要跑去轉車啦

正值午餐時間，係JR 北海道絕無僅有嘅車內販賣買返幾個便當食下先

去札幌係スーパー北斗14号，用車為キハ281系，係1993年獲得榮譽嘅ローレル賞，而通常會會係第一抽車搵到塊牌，今次好好彩搭到キハ281系第一抽



更新左之後嘅green car 有埋叉電唔錯!

因為281系係振り子式，車廂要平衡所以中途會由1+2變2+1

第5卡改左用LED 顯示

今次終於冇再delay，順利係17:09到達函館站，9小時大移動之旅終於結束!



當日可以係車頭前面展望果位因為一次函館本線意外而從此封閉

遠處係733系1000番台はこだてライナー(接駁北海道新幹線)

劃埋位就去酒店check-in 啦

最終遲左2分鐘到旭川，完全體會到JR 北海道準時率偏低嘅情況，好彩係跨月台轉車唔太大影響----JR西日本山陰地區或者JR四國d準時率都唔高得去邊
落雨delay 5分鐘都算，有次搭JR高知去四萬十竟然可以delay 15分鐘開車，結果遲左20分鐘先到目的地

kchole 發表於 2017-7-12 22:01
最終遲左2分鐘到旭川，完全體會到JR 北海道準時率偏低嘅情況，好彩係跨月台轉車唔太大影響----JR西日本山陰 ...

我都試過晚間坐JR四國特急
由松山去高松遲左起碼15分鐘

我係見中間某d站停站後 (壬生川，新居浜… 好似係唔太記得)
有同一個人係車掌位跑出黎睇出站既人車票
之後再跑返入去就開車，無耐又係佢出黎車廂兌票
好似好忙咁。。

特急黎唔係普通

亦都試過坐JR去栗林公園，
係無人站，有個外藉人士到站後出車廂，
比個車掌問先慢慢搵張車票出黎。
呢d都幾阻時間。

PS8851@182 發表於 2017-7-12 23:22
長距離單線行車就係咁樣, 我都試過JR九州(日豐本線)同JR東日本(釜石線)純粹因為等對頭車而delay約10分鐘
...

其實JR九州準時率一向唔高,特別係midori/kamome/sonic,
坐過十幾廿次冇一次準時到博多

第四日係7日之中係最輕鬆嘅一日啦，全日只係來回函館-大沼公園+函館去青森，再加上係12點3出發真係好舒服，不過依然係好多驚喜等住我

食完La vista 嘅豪華早餐之後11點check out 有的士送返我地出車站，寄好行李之後諗住影呢張相嘅時候發現唔見左張SD card...

不過見到"四季島"係PIDS 上面依然好有驚喜，雖然PIDS寫"出発"，但問左職員之後就知道係去札幌(方向)

四季島左邊係キハ183系，右邊就係一陣間要搭嘅スーパー北斗11号(キハ261系)

展望車

四季島嘅logo

四季島屬於E001系，2016年出場
歡迎儀式

好明顯我地只能夠搭隔離嘅スーパー北斗啦...(都好好啦xd)

261系2016年北海道新幹線通車後先進駐函館，用黎加班同代替部分183系

我地果卡係塗裝更新車

當日架車都幾爆下

其中一個停車站:五稜郭駅

對比四季島，其實呢架車一D 都唔舊，一樣係2016年製造成為最新嘅261系(點解新車唔係都係新塗裝?)
回味琴日超好飲嘅yougurt drink


開車嘅時候時速差唔多去到極限120 km/h，不過係七飯站就明顯開始減慢，因為下り黎講藤城支線先係正線，要透過渡線先入到新函館北斗(七飯打後係單軌)，北海道新幹線通車之前所有去札幌嘅特急列車都會經過呢條支線減低路程

好快就黎到大沼公園站，不過落車之後有D 後悔點解唔留低搵個靚位影下架四季島
由於我地實在太冇野做所以係車站影下14:41 開去函館嘅普通列車(キハ40系)


終於夠鐘返函館，今次我地搭北斗12号(超多人搭呢班車)

月台通常標示某某地係第x卡，大沼公園反而係用ABCDEFG 黎代表car number，車站職員睇完我地張飛之後就會話比我地聽去邊個英文字母等車，幾得意



車黎啦，頭先D 人大部分都係坐自由席

北斗嘅green car 係ハイデッカー，特點係好大個窗，不過我由頭訓到落尾





返到黎函館本線嘅起點，呢個時候我就即刻去搵邊度有得買SD card，最後竟然係7-11 搵到

返入車站，準備離開北海道啦
[
左: 733系1000番台(快速はこだてライナー) 中: キハ40系 右: キハ40系(道南いさりび鉄道專用)

雖然得3卡，但完全夠載



今日坐D 車都幾新下

唔駛20分鐘就黎到新函館北斗，呢個站嘅特色係新幹線同在來線可以跨月台轉車，類似以前嘅新八代

新函館北斗無論中文定日文都非常難讀繞口，原因係因為JR 北海道堅持果個站叫新函館，北斗市堅持果個站叫北斗，所以最終就合埋一齊變成今日嘅新函館北斗(2016年之前叫渡島大野駅，1942年之前叫本郷駅)，情況類似香港嘅錦上路站八鄉與錦田之間嘅鬥爭(P.S.:小弟係打呢個站名嘅時候嘅時候成日都唔小心變左"新北斗函館":p)

最鍾意快嘅小弟當然就選擇左上り唯一一班超級直達車はやぶさ34号，中途只停新青森，盛岡，仙台，大宮同東京，全程4小時2分鐘(可以比較下同下面果班D 停車站差幾遠xd)

上車後發現呢班E5 係最新嘅U33 編成，2017年先出場，仲新過香港D 千九H卡

過左木古內站之後就會開始三線軌条，開始限速140 km/h

冇幾耐就會進入曾經係全世界最長嘅隧道: 青函海底隧道!!!(全程53.85 km)

E5 過隧道除左嘈D 之外其實都維持度佢一貫嘅穩定，而且唔知點解今次開得超快59分59秒就到左新青森站，比原定快左1分鐘

永遠應該都無緣嘅gran class

U33 啊啊啊啊啊啊啊啊啊啊

呢個時候發生左個悲劇，我地以為漏左D railpass 係火車上面，好彩最後係某個袋搵返

比搭四季島嘅人睇可以搭在來線去函館?xd

今年係shinkansen year，不過我地去嘅期間冇乜特別活動

我地係函館去青森一共搭左三程車，對比以前嘅一程車直達真係又麻煩又貴左，好彩701系都算舒服(亦避免左要去弘前買SD card haha)

呢張對比poster 真係好有意思

今日好難得7點都未夠就已經結束行程，可惜返到酒店卻超忙...