初夏日本鐵路遊記(重點:遇到四季島+瑞風)

即使117系係部老爺車，JR東海都已經放左佢入博物館
但JR西日本將來會改裝其中一部做夜行列車，又有得再戰n年

PS8851@182 發表於 2017-7-20 11:06
最衰東海冇分開N700同N700A既運用

而家有3X抽N700A都好少少, 舊年得2X抽時真係好難捕到

咁我真係好好彩，2014年頭嘅時候只係得大概10架N700A 都比我坐到，但之後再坐唔到G10 打後嘅車

OTIS401 發表於 2017-7-20 23:15
即使117系係部老爺車，JR東海都已經放左佢入博物館
但JR西日本將來會改裝其中一部做夜行列車，又有得再戰n ...

我有睇過，唔知之後有冇機會坐返次呢

OTIS401 發表於 2017-7-20 23:15
即使117系係部老爺車，JR東海都已經放左佢入博物館
但JR西日本將來會改裝其中一部做夜行列車，又有得再戰n ...

但西日本D117真係好掂,要上極速115km/h真係話上就上,
倉敷返岡山都可以早著3分鐘

經過左琴日一整日嘅輕鬆之後，今日都依然繼續係輕鬆，仲有好多驚喜

首先就係スーパーまつかぜ4号去鳥取，用車係一眾鐵路迷都好鍾意嘅キハ187系



雖然冇green car，但指定席張凳都好好坐，最緊要係呢程車實在好爽，開車兩分鐘已經去到120 km/h

我地係鳥取嘅唯一景點就係鳥取砂丘

跟著就準備要準備離開山陰啦

當時見到呢塊牌嘅時候係度諗:啊，原來四季島兩個禮拜後開始行

雖然鳥取站係鳥取縣最大站，不過依然係冇自動入閘機

又係キハ187系! スーパーおき5号

可惜今次去到米子就要落車，可以一路坐到新山口應該會好開心，可惜我未過広島以南嘅新幹線，今次要落返岡山，唯有下次啦

轉車仲有好多時間，去車站餐廳食下飯，味道好好

跟住就坐やくも22号去岡山啦，好好彩又遇返琴日果架車(一樣係パノラマ型)，琴晚已經天黑睇唔到風景原來咁靚

好快就去到倉敷啦，離遠見到一架好唔熟識嘅車，咩黎呢...?

原來係瑞風!!! 之前係函館見到四季島，今次又係見到瑞風(不過今次只係試運転)，真係好好彩

瑞風屬於87系，同四季島一樣有10卡頭尾可以展望，不過瑞風真係可以行埋出去露台睇風景(據聞只限車尾)

可惜要趕新幹線繼續南下，如果唔係落車影下都係一個唔好嘅選擇

17:38 準時返到岡山，今次嘅山陰旅程真係好完美

跟住又開始豪華嘅新幹線之旅啦

廣島mazda 棒球場

結果又係西日本嘅N700，green car 係唔錯，不過氣密性真係比較差

黎到廣島當然食下廣島燒啦，順便買我最鍾意嘅手信

28/5 廣島站開左新入口，以後再唔可以係地面入閘

繼續新幹線之旅

今次終於遇到九州嘅N700 (R6)

相隔11年再次踏足九州





對面係今次無緣嘅800系，唯有下次啦

對於想坐曬全日本所有新幹線嘅小弟黎講，ガーラ湯沢同博多南當然唔會錯過，ガーラ湯沢2014 年已經去左，博多南就留返今次搭，20:51 呢班"特急"係全日唯一一班用N700(8卡)嘅班次，所以會有green car，不過得自己一個坐相當尷尬，仲有個男人問我做乜，好彩最後車掌check 飛冇事

塊板本來會打:博多南，不過影唔切得變左"回送"

今次又變返西日本N700

博多南站好好會顯示埋呢班車用咩型號(500/700系)，可惜張相影唔曬

博多南站真係乜都冇，連搵個廁所都好難

21:22 嘅"特急"返去博多啦

博多南線大部分都係同九州新幹線共軌，最高時速120 km/h，張相前面係以前好出面嘅コンパートメント席

落車之後距離下一班車仲有35分鐘，不過就想挑戰下可唔可以去食返碗一蘭拉麵，最後用左10分鐘搵路10分鐘食麵10分鐘返去
返到去博多站仲有D 時間去個廁所，之後就準備再搭車，圖中嘅poster 係豪華程度僅次於九州七星嘅或る列車(sweet train)

九州有好多性能高又豪華嘅特急列車，885系係一個好好嘅例子(隔離都係885系)

885系豪華程度可以由座位睇得出，全車都係用真皮座椅，唯一差別係green car 用2+1 而唔係指定席嘅2+2

成程車都坐得好開心，唯一敗筆係個車掌每次離站關駕駛室度門都非常大力，搞到好嘈，圖中係折尾駅有個好特別之處，其中一個月台(6，7號月台)放左係鷹見口，離主要車站隔左成條街，可見轉車都幾麻煩下

885系真係好浮誇



去到小倉就會調頭入日豐本線去大分

813系

下次要由博多坐到大分或者長崎

今日嘅終點就係小倉站

漏左講，果日係高松落左寝台特急轉車去高知嘅途中係高松運転所見到全新嘅2600系，可惜反應唔切冇影到相

今日黎到7日green pass 嘅最後一日啦，真係好唔捨得呢個咁舒服嘅green car，好好訓xd 前幾日有位網友話小弟將張railpass 物盡其用，睇埋今日睇下你仲會唔會咁覺得

可能未訓醒，明明應該要去7號月台，點知去左第二個月台，好彩及時發現到

817系(3000番台)

黑色配白色真係好靚

另一款817系(1000番台)

にちりんシーガイア7号(用車係783系)呢班車超級變態，由博多嘅去宮崎空港，全程差唔多6個鐘成23個站，不過我只係搭2個站35 分鐘

783系每一卡都分為A室同B室(門口係A同B 室中間)，green car 係第一卡A室，有前面展望同玻璃窗貼左膠紙(入面黑D)好適合訓覺

783系其實幾舒服，仲開得好快，明明開車遲左兩分鐘但到站竟然準時



中津駅? 乜地方黎架? 事源小弟今次黎日本嘅目的係去曬日本所有縣，去大分縣最容易去湯布院/大分果D，不過小弟今次真係冇時間，所以唯有朝早搭火車黎中津駅(大分縣嘅第一個站)叫係黎過啦

813系

815系



出去外面行下

中津駅嘅lift 小弟覺得好啱港鐵用，有興趣嘅可以睇下 https://www.youtube.com/watch?v=1AYjfMn4aL0

回程啦，今次係883系嘅ソニック16号

883系外表雖然好豪華，但內裡好有問題，最嚴重莫過於張檯太細啦

雖然係咁，沿路嘅海景好靚

係時候同九州嘅在來線電車講再見



最後一次去綠色窗口劃位

係時候坐新幹線一路再繼續南下啦

好難得見到団体列車

今日當然又繼續係西日本嘅N700 啦 (S15)

九州新幹線嘅green car 除左有濕水紙巾之外，仲有一顆糖

1個鐘頭43分鐘之後就黎到鹿児島中央，最南新幹線車站



有月台閘門

藍天白雲配合新幹線好鹿兒島風xd

亦係九州新幹線嘅終點站

跟住就去係高見馬場嘅酒店先放低行李，所以要搭一下鹿児島市電

黎嘅竟然係2017年全新7500形7502B，仲要係最新果架



100形(觀光車，かごでん)

回程變成左9500形，相差左20年

九州嘅火車真係好有特色，除左有琴日介紹過嘅豪華"普通"特急列車之外，更出名嘅應應該係佢嘅D&S 列車，最出名嘅莫過於係由布院之森，SL人吉等等，係鹿兒島中央出發嘅話，除左有去指宿嘅指宿のたまて箱之外，更吸引小弟嘅係"肥薩線觀光列車三部曲"，好多年前就想搭啦

上part 講到我地衝左去酒店放行李，返到黎鹿兒島中央之後就好快食返個飯

第一部曲係全黑嘅はやとの風4号

首先係會見到櫻島，呢兩日冇火山爆發所以好難得山頂冇煙/雲(據聞之後爆左鑊勁)

呢班車會有幾個人比你落車行下個車站，第一個係嘉例川

嘉例川站係日本最古老嘅木造車站，已經有114年歷史



下一站就係大隅横川，當年第二次世界大戰嘅時候美軍係度留左幾個子彈洞，不過小弟唔記得左影相

今日好好天，不過就比較熱

油畫

其實係由キハ40系改裝出黎

買左個caramel muffin，味道唔錯不過份量就少左D

經過91分鐘嘅車程就黎到吉松

今次旅行都唔知第幾次影呢種兩個月台都有車嘅相 一紅一黑好大對比

吉松站

去到吉松站有大半個鐘嘅休息時間，有一個鐵路資料館可以參觀下(其實最主要入去涼冷氣xd)

下一步曲嘅簡介

仲有一架已經冇再用嘅蒸汽火車可以比你參觀下





佈景版比你影下相

差唔多夠鐘就去返月台上車準備下一步曲嘅旅程!

愚問一下,green class 有甚麼車廂服務?
例如有沒有免費飲品或小食之類?

proschebus 發表於 2017-7-27 11:21
愚問一下,green class 有甚麼車廂服務?
例如有沒有免費飲品或小食之類?

如果返到去10年前，green car 通常會包一杯野飲(JR 東日本新幹線同JR 北海道特急)，不過自從出現左gran class 之後當然就乜都冇曬啦(JR 北海道就係要cut cost)
今次只係得東京以南嘅新幹線有張濕水紙巾同九州新幹線有顆糖食下