有關於香港高鐵一地兩檢與國際安排比較的疑問，還有將來可能的國際聯絡的安排

- 早一陣子經常聽到把香港高鐵一地兩檢安排與英法歐洲之星和美國於海外設立的預檢制度進行對比，但是經過一輪搜索後，資料顯示：
-- 美國的預檢制度純粹是預檢 其人員在其他國家也沒有拘捕權力而只能阻止有問題的旅客登機
-- 歐洲之星也是，按照Additional Protocol to the Sangatte Protocol，三國在境外的邊防人員進行的也只是邊境管制，無關安全或稅關管制，並且如果發現有人不合資格而想試圖登上相關火車前往目的地國家的話，也應該交由出發國的執法人員處理。
-- 還有，歐洲之星也有前往法國境內各大小城市的火車站，包括沒有邊境控制的站點，可是相關班次在進入英國前也要先在英法邊境下車進行邊防檢查才能進入英國，也沒什麼問題。
- 綜上所述，為什麼舉出相關例子的人會認為這兩個例子可比擬於香港高鐵所實施的安排，而不是更深入地顯示了為高鐵實行相關安排並不需要把執法權進行轉？
- 另外，在現在透露的安排下，在中國大陸把高鐵網伸延並接入其他國家的鐵路網時，他國旅客前往香港或香港旅客前往他國也會需要持有有效的中國大陸旅行證件，並進行4次以上的出入境檢驗？在伸延至其他國家時國內政府也會要求其他國家提供同類安排嗎？

最後一點係可以理解嘅，因為實際上難以開辦專線列車不停站來往香港及該第三國，乘客量不多並不符合經濟效益

有一點要指出，根據目前不同媒體流出的消息，一地兩檢並不是授權大陸人員在香港土地內執行職務處理出入境及海關事務，而是將高鐵車廂和西九龍站相關範圍劃作大陸領土／大陸管轄區，在該處全面實施大陸法律，實際上等同割讓該處予大陸，你所提及嘅其他國家都唔係咁樣嘅安排

一地兩檢大陸管轄區有全面執法權同行大陸法律

對香港人影響冇想像中咁大
因為大陸會拒絕佢哋認為會搞事嘅香港人入境同上車
沒收佢哋唔帶得上去嘅嘢
但唔會咁麻煩俾佢哋入去搞事先拉佢哋
否則講求零維穩風險嘅大陸會承擔咗好複雜維穩嘅問題

廣深港高鐵情況唔同外國嘅一地兩檢
外國係可以喺返自己地頭搞出境檢查
所以兩邊都有一地兩檢相關CIQ 設備

大陸就冇咁多人力物力喺每一個高鐵站去set CIQ 俾大陸出境檢查篩走呢類人上車
而香港亦都冇咁多人力物力去每一個高鐵站做返香港嘅CIQ

福田站、深圳北站亦都冇咁大地方容納大陸同香港做南行嘅一地兩檢CIQ
所以如果南行CIQ 喺埋西九龍站
車站月台及車廂都要行返大陸法律
否則會有機會大陸人未出境就可以逃出大陸法律管轄

所以大陸管轄區行大陸法律
其實係針對返自己嘅大陸人
因為大陸高鐵站冇相應嘅一地兩檢CIQ口岸設施
任何大陸人只要有身份證都可以買飛去西九龍站
如果大陸人為咗逃罪係高鐵香港段搞事搏拉
如果冇全面管轄權嘅話就會變咗抵疊政策
大陸想要返個人就要等香港審完個罪犯坐完監先可以再遣返返大陸

對大陸嚟講
係接受唔到俾個大陸人咁長時間逃走
對香港嚟講
亦係因為無端端因為個大陸人要逃離大陸
而要令高鐵香港段出現事故同意外傷亡
香港無辜受牽連之餘仲要用公帑告佢兼喺監獄好食好住咁養佢哋
呢啲情況都應該要避免

廣深港高鐵同外國最唔能夠直接比較嘅地方係兩地法制落差太大
如果大陸喺西九龍冇管轄區
兩地法制落差太大就會吸引好多人為咗逃離大陸
而接二連三喺高鐵香港段搞事
以搏喺香港犯事而逃過大陸CIQ 直接到港受審、坐監去保護自己

所以大陸要喺大陸人喺西九龍高鐵站出境清關前擁有返大陸執法權係保障返兩邊
歸根究底都係睇有冇其他方法防止大陸人喺香港段搞事抵疊
如果冇
大陸管轄區行大陸法律係有實際需要
大陸同香港政府亦都事在必行

ryandroid 發表於 2017-7-26 12:05
一地兩檢大陸管轄區有全面執法權同行大陸法律

對香港人影響冇想像中咁大

北上唔會有太大問題，南下先大大鑊
無論有無執法權，會有個好大0既漏洞。
某人南下去到西九龍，突然話個心好痛，之後暈佐
你話應該點處理？仲响大陸管制範圍，真係要載佢返福田？

不涉及犯罪都有事，一諗歪你話可以有幾多問題？
除佐百分百檢票，只要買到張去南下去福田的車票，
根本無有效方法阻止任何人搭多個站

全世界一地兩檢，都係上車前做就係咁解，
一方面畫界清晰好多，亦少好多漏洞
有乜問題，起碼上車前己screen佐一浸
需要打回頭0既機會又少佐D

深圳灣所謂0既一地兩檢，嚴格黎講只係如河套區一類邊界移動

全世界根本唔會有地方，會為效率犠牲邊防安全
包括呢一刻運作中0既香港同大陸關卡
況且港深莞穗四個都係大都會，港深兩地車站都响正市中心
人流唔會少
高鐵就算效率差D都係快，真係會趕走哂D客？
夾硬响香港做埋南下0既一地兩檢，根本係政治掛帥

响西九做哂雙向0既一地兩檢似乎無野阻到
小弟真係鄧諗緊點堵塞漏洞班人慘

ryandroid 發表於 2017-7-26 12:05
一地兩檢大陸管轄區有全面執法權同行大陸法律

對香港人影響冇想像中咁大

廣深港高鐵情況唔同外國嘅一地兩檢
外國係可以喺返自己地頭搞出境檢查
所以兩邊都有一地兩檢相關CIQ 設備

大陸就冇咁多人力物力喺每一個高鐵站去set CIQ 俾大陸出境檢查篩走呢類人上車
而香港亦都冇咁多人力物力去每一個高鐵站做返香港嘅CIQ

以歐洲之星為例 也不是在每一個目的地有出入境檢查站 而只是在主要城市目的地和邊境站點設置相關設備 從其他目的地出發的列車只要在邊境站進行檢查就可以了

福田站、深圳北站亦都冇咁大地方容納大陸同香港做南行嘅一地兩檢CIQ
所以如果南行CIQ 喺埋西九龍站
車站月台及車廂都要行返大陸法律
否則會有機會大陸人未出境就可以逃出大陸法律管轄

邊境檢查所導致的問題 在當初規劃的時候已經能預見 不預留空間是誰的問題？

廣深港高鐵同外國最唔能夠直接比較嘅地方係兩地法制落差太大
如果大陸喺西九龍冇管轄區
兩地法制落差太大就會吸引好多人為咗逃離大陸
而接二連三喺高鐵香港段搞事
以搏喺香港犯事而逃過大陸CIQ 直接到港受審、坐監去保護自己

所以大陸要喺大陸人喺西九龍高鐵站出境清關前擁有返大陸執法權係保障返兩邊
歸根究底都係睇有冇其他方法防止大陸人喺香港段搞事抵疊
如果冇
大陸管轄區行大陸法律係有實際需要
大陸同香港政府亦都事在必行

咁都係嗰句 起廣深線啲站嗰陣留番個位咪萬事大吉

qunow 發表於 2017-7-27 07:34
以歐洲之星為例 也不是在每一個目的地有出入境檢查站 而只是在主要城市目的地和邊境站點設置相關設備 從 ...

習總咪成日高呼中央全力支持一國兩制，堅持不走樣不變形嘅，
咁福田、深圳北兩站連一千幾百平方米空間都唔肯預留，反而掉轉要土地更加稀少嘅香港去「撥出」（實為割讓）呢幾千平方米畀你，
強行縮小香港行使基本法的範圍去遷就中方邊防，呢啲係咩邏輯？
凡係出入境香港都喺福田／深圳北做一地兩檢明明係最簡單最合理最低風險偏偏唔做。

另一可行方案如下：
【星期日專題】星馬高鐵棄一地兩檢　緣於一個主權擾攘半世紀車站
人地已經協議整條鐵路沿線土地歸還星方管轄，代價係以星洲城中心部分土地發展權益交換。
至於星馬高鐵，其實唔係報紙所形容咁放棄一地兩檢，而係於出境方一地兩檢，
即南行於首／尾兩站做晒，北行於新加坡做晒。
若套用於中港高鐵，可以喺福田/深圳北/廣/武/京/滬等大城市設南行一地兩CIQ，
西九龍設北行一地兩CIQ，香港段只提供來往上述城市之直通／大站穿梭服務，
其餘次級城市必須轉車。

其實香港去中國，照係西九龍做一地兩檢中國去香港就係福田或廣州南做車上通關，跟住直駛去香港

用咩法律跟邊界而定又得唔得

ryandroid 發表於 2017-7-26 12:05
大陸就冇咁多人力物力喺每一個高鐵站去set CIQ 俾大陸出境檢查篩走呢類人上車
而香港亦都冇咁多人力物力去每一個高鐵站做返香港嘅CIQ

福田站、深圳北站亦都冇咁大地方容納大陸同香港做南行嘅一地兩檢CIQ
所以如果南行CIQ 喺埋西九龍站
車站月台及車廂都要行返大陸法律
否則會有機會大陸人未出境就可以逃出大陸法律管轄

根據政府係08年指出廣州南、虎門、深圳北同福田都係有預留口岸設施

(運輸及房屋局，〈立法會參考資料摘要：廣深港高速鐵路香港段〉，2008年4月22日)

12年中國鐵四院曾研究過於深圳北站設置口岸, 並列舉各種檢查方式的利弊, 最終建議係列車停靠45分鐘做CIQ, 上返原車繼續行程

(《交通標準化》2012年第3期)

當時本版的相關討論:
〔轉載〕廣深港客專口岸設置方案研究

15年傳媒報導福田站本應設置CIQ, 但因為香港政府堅持要一地兩檢而取消。福田站CIQ設於地下二層

( 明報，《高鐵福田站曝光 邊檢設施消失》，2015年12月28日）