九巴B1線短程分段改用八達通付款 (22.7.2017生效)

CliveTo@FB 發表於 2017-7-18 12:36
以B1嘅客量，繁忙時間喺大馬路啲人去前門排隊拍卡落車肯定有排搞，隨時塞死後面
...

反正都係成班人大馬路落，搬行李落車既已經夠阻住人上車，唔爭在行埋上車頭拍多轉卡。
呀！其實係咪應該等落車客落哂先開頭閘上客呢？

HT408 發表於 2017-7-19 00:09
B2沿途係可以上車，落車先比錢

即係唔俾中途上車個問題都解決左，B1可以完全學B2

PKD32 發表於 2017-7-19 10:43
即係唔俾中途上車個問題都解決左，B1可以完全學B2

B2 收費係深圳灣至元朗$12($8.5+$3.5), 洪水橋或之前落車不用拍卡($8.5), 屏山至元朗分段$3.5, 所以人人係元朗落車用現金/八仔俾$3.5好簡單

B1 落馬洲站至天水圍收費不是兩個分段相加, 如要行B2那套九巴要額外派乘車券俾現金客, 等佢天水圍落車證明俾晒全費

m_rd08 發表於 2017-7-18 21:07
我估遲D九巴應該好樂意
去做64K八仔雙向分段
因為可以將64K車程拖得更慢

嗱,若開264R平日版,
收費表按里數最高可收
$14.8…但問題係周一至
五真的可從64K抽車做？
唔係嘅又邊度搵車？

否則實施後拖慢車程
只會苦了車長,條線仍然
咁多客搭,脫班/拖卡就更加
嚴重,而64K亦難以縮短或分拆。

kitarolo 發表於 2017-7-19 11:42
嗱……係唔係願意
周一至五(即使係繁時
都好)唔抽64K嘅車去開

但問題係又有乘客反映要現金支付分段有問題﹐無散紙便無奈要八達通支付全費﹐又或者宣傳不足令乘客不清楚有現金分段﹐要求加以改善

去到九巴有提供雙向分段﹐又話拍卡麻煩﹐增加行車時間﹐香港人真係難服待。

當然﹐落車門加多部八達通機係處理到問題﹐但要亦靠乘客的自律(拍卡但不落車)﹐真係唔知巴士公司會唔會考慮增加多一部拍卡機了。

之前我的回文(#47)

辦法唔係無……
但落車加多部機而最終
收少咗錢,商業原則之下
真係機會低(ETA都唔係
便宜,但令疏車線蝕少咗
甚至起死回生嘅例子都有)

kei_hk 發表於 2017-7-19 11:59
但問題係又有乘客反映要現金支付分段有問題﹐無散紙便無奈要八達通支付全費﹐又或者宣傳不足令乘客不清楚 ...

一個可行嘅處理方法係喺所有分段區內嘅車站（以B1計，有6個）安裝八達通機，乘客落車後可以去部機度拍卡回水$1.2，咁樣一定要落咗車先拍到卡，可以杜絕唔落車但拍卡逃票，同時喺六個站裝機應該平過喺19架掛牌車裝機

limited 發表於 2017-7-19 11:20
B2 收費係深圳灣至元朗$12($8.5+$3.5), 洪水橋或之前落車不用拍卡($8.5), 屏山至元朗分段$3.5, 所以人人係 ...

B1 元朗公園之後 set 做落車比多 $1.2 同埋元朗上車去天水圍嘅八仔客落車回贈 $1.2 咪得囉 ...

一個可行嘅處理方法係喺所有分段區內嘅車站（以B1計，有6個）安裝八達通機，乘客落車後可以去部機度拍卡回水$1.2，咁樣一定要落咗車先拍到卡，可以杜絕唔落車但拍卡逃票，同時喺六個站裝機應該平過喺19架掛牌車裝機

這些車站環境係點我唔知，但必須面對電力供應問題，其次車站是否有足夠安全空間供乘客拍卡，又唔阻其他行人。
電力，如果有候車上蓋都還好，有位裝電錶。
淨係得條柱的車站，便要搵額外位裝電錶。

一些偏遠車站，又隨時無電網，要唔知邊處掘地，時間唔少。

最後，臨時搬站又點處理？


淨係條B1可能係得，如果被推去53,64k又點算？

所以，又慳成本做法便是車頭拍卡。
理想一些便是落門加機，相信乘客自律，要開車門才可拍到卡。

kei_hk 發表於 2017-7-19 20:13
這些車站環境係點我唔知，但必須面對電力供應問題，其次車站是否有足夠安全空間供乘客拍卡，又唔阻其他 ...

馬路一定有路燈﹙ok，少部分鄉郊道路無，但邊段係有巴士行？﹚，有路燈你話有無電網？
至於臨時搬站，唔係配合道路工程，就係如遊行等臨時封路。
前者隨時十九萬樣野要搬，簡單如路燈交通燈，複雜如交通監察系統。八達通機唔見得有幾大問題。
後者唔會耐，頂多咪三兩日，仲幾乎肯定係假日凌晨，咪搵外勤拎流動八達通機頂檔。
電力係要處理，但係唔係難搞嘅問題

題外話，伊利沙伯醫院部優惠機，係點將交易數據傳番去呢？靠外勤定期集數，幾耐集一次？定係用無線/固網？
自動販賣機唔似有無線收發器，又每幾耐集一次數？