[世界大戰系列]四順三寶(23/23M/26M)重組建議

S3BL100 發表於 2017-7-23 22:32
你講到好似一個站支撐唔起成條線

但事實係成條線根本無一個站支撐得起成條線，不過創紀/牛頭角站加物華 ...

你講嘅所謂嘅夠客咪又係好似呢家14X咁靠血左吸右吸，
基本全條線9成路段已經有重疊路線、替代路線去做。

就當你牛頭角站同物華街一定要cover返，
26M取消同仁街站，係前面路口右轉
加停 裕民坊、牛頭角站、創紀之城、物華街，返回原線
直接將23M果5部車加比26M，兜完牛頭角站先返彩虹都仲有車突出黎。

S3BL100 發表於 2017-7-24 02:21
你講到好似 229M+29M 班次總數同而家 29M 無分別

但一條長期做到準時 6-8 分一班，229M+29M 就隨時變成  ...

又係本末倒置 有冇其他詞語啫 睇你鬧人都睇到悶 一係鬧人邏輯謬誤 跟住強迫人跟你意見 點啊 我邊到得罪你啫 咁睇唔順超啫 下下我發表意見就係邏輯謬誤本末倒置 仲有思維有問題 明明好少問題就講到好嚴重嘅問題 人地一條線做曬啲客再開區間車 冇聽你意見就話人地思維好有問題 講到你自己係正義超人 唔聽你話地球就會毀滅咁 呢度唔係比你控制狂發作嘅地方

你自己睇清事實先啦 29M根本唔多客 呢度冇人話29M客量低 係因為除左我 其他人都冇諗住重組29M 咁講嚟做咩啫

不過短棍29M我做少少修正 應該係全日10-15分鐘一班(大部分時間10分鐘) 而229M係順天做定時點(229M大部分時間班次都係10分鐘)

其實由始至終你都係講緊班次問題 其實呢個問題我一早知 唔駛你再講 反正我唔做定時點 你就會話班次唔穩定 做定時點 你又會話全車人要陪等

講到好似你條26A+29M天上有地下無 人地啲意見小問題就無限放大 你又唔講26A都會脫班？你又唔講順利得返一架23M？你又唔講26A同29M難夾班次？

係情況容許底下 根本一條線做曬所有客係最慳車嘅選擇 我而家突左三架車出嚟 喜歡嘅可以比多三架車行229M 仲可以加車比229M嘅區間車29M 或者比佢延長去順天(雖然唔覺得四順落彩轉嘅需求大到連少左三班26M都唔得 因為參考而家29M繁時勉強合格嘅客量 用相同班次服務埋順天我覺得已經足夠) 到時候新蒲崗都順帶可以受惠(我知你一定會話本末倒置架啦 又話咩而家係為四順重組 唔係幫新蒲崗)

你咁鍾意用撩交嗌嘅態度去討論就唔會有人服你 最多係同你拗到攰 廢鬼事再曬時間係你認為好大嘅問題 要人地聽你意見起碼都唔好啲態度咁尖酸刻薄先啦

10598C 發表於 2017-7-23 23:23
你究竟明唔明 我係直接將四條四順落觀塘/彩虹嘅線精簡做兩條 目的係減少用車 唔駛同一路段有幾條線重複行 ...

理論上啱
但實際上而家29M同26M班次相差遠
重疊既路段話多又唔係多當然亦唔算少
變相借減少重覆路段而減車既效率唔高
反而原26M一段順利-觀塘就迫住大幅加班

Again, 就上面計一計條數就知係唔係真係有咁多車
俾你一時就開兩條長線一時就一長兩短
最新方案就10架(229M)+4-5架(29M)+7-8架(223M)
隨時又爆煲

短棍既威力究竟有幾高
會唔會去到順利又玩0-1X分鐘一班呢?
而家23/23M/26M就係玩緊lee味which is 唔太成功囉

lwb701 發表於 2017-7-24 09:09
你講嘅所謂嘅夠客咪又係好似呢家14X咁靠血左吸右吸，
基本全條線9成路段已經有重疊路線、替代路線去做。
...

如果四順唔介意條巴士線去唔到咁遠既
其實都可以接受既方案
但我諗樂華/牛頭角又會R著數

Snoopy@FB8617 發表於 2017-7-24 11:53
理論上啱
但實際上而家29M同26M班次相差遠
重疊既路段話多又唔係多當然亦唔算少

點解223M要7-8架車？223M同現時23M一樣 只不過係四順行車線改做順時針咋喎

10598C 發表於 2017-7-24 09:11
又係本末倒置 有冇其他詞語啫 睇你鬧人都睇到悶 一係鬧人邏輯謬誤 跟住強迫人跟你意見 點啊 我邊到得罪你 ...

簡直係推卸責任。
明明係你個方案有問題，人地提出來，指出有咩問題，你就話人撩交嗌

你自己睇清事實先啦 29M根本唔多客 呢度冇人話29M客量低 係因為除左我 其他人都冇諗住重組29M 咁講嚟做咩啫

咁你唔諗下點解呢度咁多人建議過重組 23 23M 26M，但真係唔覺有人提出過要重組 29M？

而家係得你一個話 29M 唔多客、甚至繁忙時間仲有位剩，同主流觀察相反。
想說服人 29M 真係唔多客，責任係你度而唔係我地度。
至低限度可以去數客、影相或者拍 video，而唔係不斷翻 loop 話 29M 少客就算

不過短棍29M我做少少修正 應該係全日10-15分鐘一班(大部分時間10分鐘) 而229M係順天做定時點(229M大部分時間班次都係10分鐘)

其實由始至終你都係講緊班次問題 其實呢個問題我一早知 唔駛你再講 反正我唔做定時點 你就會話班次唔穩定 做定時點 你又會話全車人要陪等

係架，無論你做與唔做定時點，我地都會有理由反對架

因為本來你唔搞 29M 咪好地地，係你偏要搞，
為左解決一D問題，而製造更多更大的問題出來，
搞到原有使用者服務倒退，唔係弄巧反拙？

既然係咁，點解要重組？

講到好似你條26A+29M天上有地下無 人地啲意見小問題就無限放大 你又唔講26A都會脫班？你又唔講順利得返一架23M？你又唔講26A同29M難夾班次？

係架，26A 觀塘開出來都會脫班架

但至少我無強行搞到順利 0-20 分鐘一班車落彩虹，唔影響原有 29M 乘客先。
既然 29M 唔搞住，順利邨繼續有合理班次落彩虹，26A 夾唔到時間都已經唔係大問題

用返你樓下的例子，將軍澳線通車前 93A 95M 98A 好地地
之後有人以為做低 93A 95M 做大 98A 兼做晒成個將北觀塘轉乘最有效率。
結果呢？93A 95M 真係做低左，由當日個位數變 15-20 分一班，但同時 98A 坑口開上來
已經預唔到時間，1-15 分一班，繁忙時間成日留後，
一遲幾分鐘到站就排隊尾既上唔到車，分分鐘留低幾十個，
咁樣一條線做晒又係理想？

你而家正正係做緊呢樣野…

跟住你仲好意話順利得返一架 23M 有問題，咁你自己個方案呢？順利逆時針有幾多條線落山？

係情況容許底下 根本一條線做曬所有客係最慳車嘅選擇 我而家突左三架車出嚟 喜歡嘅可以比多三架車行229M 仲可以加車比229M嘅區間車29M 或者比佢延長去順天(雖然唔覺得四順落彩轉嘅需求大到連少左三班26M都唔得 因為參考而家29M繁時勉強合格嘅客量 用相同班次服務埋順天我覺得已經足夠) 到時候新蒲崗都順帶可以受惠(我知你一定會話本末倒置架啦 又話咩而家係為四順重組 唔係幫新蒲崗)

仲好意思話新蒲崗受惠，無錯佢地可能多左幾班車，
但係原本 6-8 分一班變成 0-15 分一班，咁叫做受惠？

同埋你雖然當 29M 229M 係一條線，當左 29M 係 229M 的短棍，
問題係運作上實際同兩條線根本無分別

換個角度，如果我將你條 229M 斬短去彩虹，咁除左編號之外根本同 26A 無分別

但係 29M+229M 可以繼續當一條線加分支，而因為 229M 斬短左，至低限度可以嘔兩部車出來。
如果兩部車擺返落 29M，咁新蒲崗係咪唔使 0-15 分一班，而可以上返去 8-10 分一班先？

說明D咩？即係你所謂一條線做晒，根本唔係效率最理想，甚至慳車效果都係成疑

你所謂慳到車，根本係你強行減班次，減到唔知載唔載得晒。
如果你要 223M+229M 所有路段可以做返至少有而家的服務水平，
咁就唔係慳車，而係倒過來用多左車喇

lwb701 發表於 2017-7-24 09:09
你講嘅所謂嘅夠客咪又係好似呢家14X咁靠血左吸右吸，
基本全條線9成路段已經有重疊路線、替代路線去做。
...

係有九成路段重疊，但剩返果一成路段，無論客量定重要性，都唔止一成咁少

同埋其實樂華往返牛頭角站一段，雖然客量遠少過四順至牛頭角站一段，
但係唔補償都係會有好大問題，
因為真係有人坐返工，然後仲有牛頭角賽馬會診所

當然我就唔認為應該用 23M 一次過做晒呢兩樣野，
但我亦唔認為重組應該淨係著眼某兩三條線，覺得好似有好多重疊
就連唔重疊的位都可以就咁唔做

而係應該宏觀、整體去審視整個網絡。
以 23M 甚至整個觀塘區內線網絡的 case 而言，
好應該睇下可以點樣將堆線重新整合，減少頭尾同其他交通重疊之餘，又盡可能做得返晒要做既位

即係 23M 如果唔係去樂華，而係改去彩福或者經九龍灣去啟晴，
放走半條 28B，然後用 14B 做埋樂華往返牛頭角道的角色，已經大幅減少 23M 同其他交通工具的重疊

S3BL100 發表於 2017-7-24 12:36
簡直係推卸責任。
明明係你個方案有問題，人地提出來，指出有咩問題，你就話人撩交嗌

你嘅態度用語似撩交嗌多過討論囉 你一邊提出問題一邊辱罵人地 唔係撩交嗌係咩？仲好意思話你地一定反對 有得必有失 冇可能兩全其美

搞29M又點 我有令佢地冇左一個合理班次咩 冇喎 我有想辦法將229M做定時穩定班次喎 你點講都好 我係唔會相信拉疏順利開嘅29M會有幾大嘅問題出嚟 況且講左好多次 229M係順天有定時點 唔好每次小小問題都可以化到天下毀滅啦 吹水誇大事實呃人肯定你最叻

我又唔見其他人話29M好多客喎 好似都係得你一個話29M一站打爆咋喎
同埋我已經講過好多次唔係得我一個同我朋友講啦 連巴典都有寫29M順利段少客

以下摘錄自巴典
“[size=1.6875]使用狀況
此路線為四順及新蒲崗一帶居住及上班的市民提供接駁港鐵服務，由於此路線深入新浦崗一帶中心地區，所以在來往彩虹及新蒲崗的路段全日都有不錯的客量。

相反，由於四順地區已經有不少公共交通工具前往彩虹站，而且此路線不能覆蓋順安邨及順天邨，所以此線的客量多被27以及比此線便宜並且設有與港鐵之間的轉乘優惠的專線小巴49M及54M線搶去大部分乘客，導致此路線於非繁忙時間在四順地區會出現吉車遊街的情況。”

咁啫係29M即使繁時客量都唔高 非繁仲低 只係而家29M供過於求

冇興趣逐點回覆你篇字海 我只係想講 順利班客若然係怕229M班次唔穩定 係可以等返架10-20分鐘一班嘅29M

跟住你就話我順利少左車落山 問題係 我個plan順時針方向有兩架車落觀塘 兩架都係10分鐘一班 逆時針都有兩架落彩虹/新蒲崗 夾埋係5-10分鐘一班囉

其實依你咁講 26A啫係冇需要搭佢落彩虹架啦係咪？反正唔影響班順利客(原來順天落彩轉客係咁賤架 順利就可以車海咁落彩轉 順天就可以繼續脫班落去) 反正班順利客一定要6-8分鐘一班 連合理範圍嘅10分鐘一班都唔得 呢啲唔係山頭主義係咩？

Snoopy@FB8617 發表於 2017-7-24 11:55
如果四順唔介意條巴士線去唔到咁遠既
其實都可以接受既方案
但我諗樂華/牛頭角又會R著數

26M唔同果堆213X、224X、219X呢堆「單方向」循環線。

26M過左同仁街之後基本都係原線上返去協和街返彩虹，
尾段兜落牛頭角站U turn其實對原本乘客影響唔大。
直接過對面馬路上車已經唔洗陪兜牛頭角一段。


以前牛頭角上聯合醫院，通常都會係牛頭角道等23M/13D叫兩飛，
13X較快，但班次唔穩定，基本唔會等。
呢家有左28B同埋有埋ETA，調返轉聯合坐28B落牛頭角有$4.6分段，車程快過23M/13D兜觀塘，
唔洗諗都會坐28B。
同樣如果牛頭角上去樂華對出果兩間學校返學，絕大部份人呢家都係會坐13X/213X/28B，
因為2A/28一早轉左入去總站，總站行返學又係唔就腳。

老實講我住呢區，都無諗過係未一定要為左條可有可無嘅線要人彌補返。
牛頭角因為彩福多左條28B、2X，因為安達臣多左條213X。
當你以為牛頭角呢D舊區都唔會有咩新路線果陣，往往因為附近山上新發展區而已經有得益。

但如果你話要一定彌補返樂華、牛頭角。
呢家樂華出九龍灣，可以坐13X、213X($7.5)、28($5.8)
23A總站不如係順利開>樂華>牛頭角>九龍灣，叫做是旦比返粒糖比樂華。
牛頭角淘大朝早可以坐皮費較低嘅5M入九龍灣外皮，不過每朝出單層頂曬閘，認真趕客。

10598C 發表於 2017-7-24 12:15
點解223M要7-8架車？223M同現時23M一樣 只不過係四順行車線改做順時針咋喎

除非你諗住223M唔加班
不過計落成盤數就變左出入觀塘班次少左囉
咁如果係既重組既目的又去左邊