本帖最後由 ksmbh 於 2017-7-26 19:52 編輯
Brighton & Hove (B&H) 在英國都算享負盛名的巴士公司,獲獎不少. B&H路線包裝好得, 好多路線都有獨特的顏色標記. 今次去Brighton正好試搭下B&H的服務,
其中的12/12A/12X是著名的遊客路線, 往返Brighton及Eastbourne途經Seven Sisters的郊野公園, 全線使用新的Streetdeck行走,包裝為Coaster. 而假日再加開13X 兜入郊野公園海邊,更方便遊客. 13X似乎係由唔同路線拉車 當日所見有Scania Omidekka,亦有B9 Wright 客量超多, 我係總站影左陣車部車已經上到冇窗口位, 最後樓上都要企位. 部Omidekka打冷震情況係我搭過雙層入面最差, 震都心都離埋,部車亦等如無避震. 回程見12亦相當好客, 不過批Streetdeck好睇唔跑得 條路上高落低好似城記6仔咁, Streetdeck完全力不從心. Streetdeck內籠都貼滿Coaster自家廣告, 上層中間有一排位係卡位, 中間有張檯有USB叉電位. 12因為多遊客, 建議大家遊河要盡早上車霸位. 路上所見12系列雖然算班次頻密, 但其實又冇咩班次可言, 一日入面都成日見站頭積大量客然後拖卡. 車尾廣告部部唔同: 另一條遊河路線係Regency 29, 由Brighton去Tunbridge Wells, 呢條線係爬下山入村路同飛公路, 冇海景睇, 不過係B&H最長路線, 全長過50KM, 一單要1hr45MINS, 搭到B9簡直係享受. 不過呢條線班次誤點都利害同埋 記得要盡早上車霸位, 我當日搭Brighton開既尾車都只能做到輪椅位摺位, 半程車以上有客要企, 其實都企得辛苦. 村路遇上對頭29要偷位過: B&H雖然買車比較冇譜,保養又唔好, 不過我覺得佢廣告同包裝都做得好正, 去到火車站已經有成本全公司時間表派發, 而且部部車都洗到乾淨,印像滿分, 至於班次真係計到盡, B&H我係英國搭過載客率最高的巴士公司, 難怪佢咁賺錢. 買Network Saver可以搭晒全部線一日, 上車買$6.5,手機買$4.7,站長室買$5, 如果想由倫敦搭落黎, 有張Metrobus Metrovoyagers包B&H+Metrobus路線, 手機買$6.7, 可以由倫敦市郊的Sutton搭到Brighton, 搭埋Gatwick Crawley條Busway. 不過咁長途,自己計準時間.! 最尾呢幾張特別D 好似唔係B&H: 剛好有巴迷活動出動National:
|