尖咀裸到北角先捉到 係恐怖分子點算好？

呢位先生尋日洗哂版，由尖沙咀開始搭車一路到金鐘上車都無人理，居然咁多人搭嘅路段都無員工去干涉。
雖然港島線中間有職員走埋去，但重俾佢一路搭到去北角。如果今次係揸武器恐怖分子，乘客咪好危險？

http://hk.apple.nextmedia.com/realtime/news/20170726/57005911

個個見到成身乜都無﹐除左出拳出腳外﹐都無殺傷力﹐咪開花生慢慢睇囉

據報係這位人兄TST上車﹐MTR 職員收到通知﹐金鐘已經搵到這位人兄﹐相信職員見到又係無什麼殺傷力﹐便慢慢了解一下﹐再在他疑定落車的車站(北角)去處理事件﹐北角站已經有MTR職員及警員恭候這位人兄。

**攪笑在MTR職員問這位人兄有無需要落車﹐這位人兄話無需要



如果真係有危險﹐成班花生友仲唔即時散水咩。
MTR 職員仲唔即刻拉這位人兄落車 / 緊急疏散乘客咩。

聽講係冇錢還比人搞，後面有大隻佬跟住
最後講番句：
借錢梗要還，咪比錢中介

如果係恐怖分子
我相信係你發現佢做出破壞之前, 佢已經...

1. 逃走
2. 自己自殺式

仲比你大搖大擺由尖沙咀睇到北角咁樣做show咩

其實你呢個係咩推論方式

你好似講緊阿媽係女人，所以女人係阿媽咁

面對一個全祼既男人，只要你唔拎轉面，除褲執番梘，佢可以對你有幾大威脅呢？

樓上既結論全部都係事後孔明，面對一個全裸既人，你點知佢係咪會有其他問題而對乘客有威脅？

E21A 發表於 2017-8-1 22:16
樓上既結論全部都係事後孔明，面對一個全裸既人，你點知佢係咪會有其他問題而對乘客有威脅？
...

我又好有興趣想知你諗到一個全棵既人可以構成咩威脅?
如果你覺得佢識降龍十八掌,咁同佢全唔全棵完全無關
如果你覺得佢身上藏有攻擊"性"武器,咁我已經好清楚咁講解左個防禦方法,
除非你真係以為一條糞渠真係可以收埋全套麻將連枱櫈
如果你覺得佢精神問題而帶攻擊性,咁最起碼當你見到佢既時候,佢已經好清楚咁表達你知佢係有問題
你唔第一時間行開,仲要過去打卡,咁呢D就唔好怪人啦....

AV385 發表於 2017-8-3 07:15
我又好有興趣想知你諗到一個全棵既人可以構成咩威脅?
如果你覺得佢識降龍十八掌,咁同佢全唔全棵完全無關
...

每一個人身上既四肢已經可以係攻擊人既工具
係，每一個人都有四肢，唔代表每一個人都具威脅性
但呢位人兄大庭廣眾全裸，已經證明佢既心理狀態同價值觀好明顯同常人有衝突
做出其他有違常理既事有幾出奇呢？
乘客唔避開係乘客既責任，難道地鐵環境安全既責住全部依賴在乘客身上？

仲有就算佢一直無威脅他人既動機，又代表MTR/警察可以任佢四圍走，搭咗咁多個站先拘捕佢嗎？
樓上仲有人話慢慢食住花生都無所謂，咁點解香港公安成日都呼籲市民有懷疑要即刻打999?
而家香港社會價值觀開放到可以接受到一個人全裸出街都唔覺有問題，佢真係冇造成任何一個乘客/途人驚恐？
就算成年人接受到，咁小朋友呢？

E21A 發表於 2017-8-2 17:26
每一個人身上既四肢已經可以係攻擊人既工具
係，每一個人都有四肢，唔代表每一個人都具威脅性
但呢位人兄 ...

無錯,四肢已經可以係攻擊人既工具
但每個正常人都有四肢,我完全睇唔出任何理由可以証明全棵人四肢比有著衫既人四肢更有威脅性
再者,佢身上根本就唔可能收藏任何攻擊性武器,,即係話佢根本唔可能拎出任何比佢四肢更有威脅性既武器
除去佢精神問題既考慮,我絕對覺得佢比任何一個有著衫既人更安全
所以我重申,一個全棵既人究竟可以有幾大危險性,我非常質疑

至於你話佢好大可能精神有問題又或者係佢所做既野超出常人既行為,
我都係個句,如果佢係一個拎住把菜刀但有著衫既人,你都要埋去打卡,咁你都會講句抵死

差人同MTR點做我唔評論,社會接唔接受,小朋友點樣,呢D唔係我今次要討論既範圍
我針對既只係一個全棵既人可以有幾大威脅性者,唔該你搞清楚