（分享）深圳比亞迪巴士備有嘔吐袋

我未坐過任何電動巴士無第一身感受，咁容易暈車浪，係咪因為電池多而重，令車身重心改變？又或者係電動車與柴油車的驅動方式本質差異令人不習慣其加減速特性？

深圳比亚迪 發表於 2017-8-2 15:23
個人感覺是加速力大，煞車也比較大

經你咁講，即係應該同我提出的第二點有關係。

我再查一查，發現電動車係無波箱的。柴油車由於會轉波，開車時車速係慢慢拾級而上，減速亦係逐步減，大部分人身體已適應這種加減速方式，而且停車時引擎空轉仍然產生震動，人體會相對準備好接受架車郁。換轉成電動車，就算高球車或細路玩的遙控車都係「話郁就郁，話停就停」。既然有這種基本分別，車廠最好再微調加減速的pattern，以免乘客不適。

雖然對BYD 無咩好感
但都想講幾句

1. 中國巴士有嘔吐袋可以話係標準配備咁制
2. 柴油車有波箱仲易暈車浪，由其以前深圳大部份都用棍波，坐正d 無技術嘅司機一轉波chok 到好似撞車咁
要改善舒適度應該由教育司機著手，要求佢地慢慢踩油慢慢dup brake