颱風/颶風下 荃灣綫 車務問題

ASV50 發表於 2017-8-25 23:39
可以唔好咁偏頗嗎？

我係講「除咗天氣因素，乘客量都唔可以忽視」

睇下你係想討論
A. 港鐵用乜準則，判斷邊段路線繼續維持服務，邊段暫停
B. 從一般市民角度，邊段路線應該繼續維持服務，邊段暫停

如果你係討論緊B，個人意見先至可以講得上"偏頗"
小弟亦不需再補充

而小弟一路係講緊A，唔存在偏唔偏頗，只有係定唔係
不過大家唔可能响度拎港鐵內部資料出黎討論，
只能以己知0既事實黎推論有幾大可能性

回正題，
港鐵公佈9號波以上停露天段，係2012年後0既事
風險問題根本唔駛多講，因為港鐵官方係用呢個理由
如果要連客量都考慮，機會根本唔大
2012至今有幾多次掛9號波或以上？今年先係第一次
地鐵1979通車至今都係8次咁大把
南港島線通車不足一年，有幾多客量數據支持9號波，
都開利東及海怡兩站？
如果用人手操作開藍田至油塘一段，接通仍有服務網絡，
點睇都多人搭過利東同海怡呢兩站
好明顯你自己都自打咀巴

s3n370 發表於 2017-8-27 00:32
睇下你係想討論
A. 港鐵用乜準則，判斷邊段路線繼續維持服務，邊段暫停
B. 從一般市民角度，邊段路線應該 ...

你扯到咁遠仲乜

你#19果度係講緊 平日故障 vs 8號風球
之後一路係你自己走去講8 9 10號波..


但既然你要話想講8 9 10號波
而你又要話「A. 港鐵用乜準則，判斷邊段路線繼續維持服務，邊段暫停」
而你都係「只能以己知0既事實黎推論有幾大可能性」
去推論 藍田至油塘  會比 利東同海怡呢兩站 多人

你講到連客量都考慮係自打咀巴
但之前我#16都有講過人手RM既問題

天氣+訊號+客量，我真係睇唔出一間咁大既上市鐵路公司
係唔會考慮多方面因素..
同埋「A. 港鐵用乜準則」，真係純粹望住天文台掛咩風就算？



不過你話官方理由，就只係圍住官方理由官方準則去討論
咁此POST完...

kei_hk 發表於 2017-8-24 22:33
純粹研究探討一下﹐反正都唔會改變這段路無服務的安排。

如果你講葵興至葵芳﹐係露天路段﹐無問題﹐我接 ...

講真，康城站個段比紅磡站個度更露天，但都提供全天候服務啦......


其實而家港鐵既標準，我估都係係9/10號風球下停駛D無遮無掩既露天路段姐，因為12 年十號波東鐵個單野
當然部分路線（市區四線）既信號系統唔支援雙向行車，咁係個D路線，只服務一至兩站既單軌雙程路段（即係荃灣-大窩口、藍田-油塘段）咪唔提供服務 lol
當然遲幾年，市區四線信號系統完成升級後，依D路段咪有望係9、10號波下提供颱風特別服務 lol。

kei_hk 發表於 2017-8-24 09:58
荃灣站情況同杏花村有點相似﹐一邊係出車廠/柴灣﹐一出站即刻係露天地方。

至於你講大窩口一邊係半露天 ...

杏花邨能夠服務既主要原因係因為列車臨進入杏花邨站前有條路軌 (列車跟下圖黑色線行) 可以通往反方向月台 (即1號月台往2號月台) 並同時係杏花邨站掉頭
而杏花邨站有隔音屏障密封，所以港島線就可以服務到杏花邨站

圖片來源: MTR之今昔

CRH5 發表於 2017-8-28 01:09
講真，康城站個段比紅磡站個度更露天，但都提供全天候服務啦......

同意，每條線都有自己既處境
處理方法唔可以一本天書睇到老

亦即係我講既要考慮多方面因素