[多圖] 北海道悠長假期・鐵路篇

第五日就試下上去睇神秘既摩周湖，只不過山上太大霧乜都睇唔到。之後就轉去神の子池，傳聞佢地底駁住摩周湖，但係實際調查係周邊山脈伏流出黎既湧水。

水色非常美麗


之後去到川湯温泉站食飯，車站前面有間好有格調既cafe，都幾多人專程渣車去。

1936年建成，車站入面有足湯同由貴賓室改裝而成既餐廳，因為當年附近地域係屬於皇室財產既御料地


後面出煙既山就係アトサヌプリ（Atosanupuri），亦被稱為硫黄山

除雪車

之後經過摩周站就順便去買當地入場券


今年8月4號阿寒国立公園就擴大範圍，變成阿寒摩周国立公園

第六日離開阿寒湖温泉地區，經釧路去帶廣，因為要睇下濕原同埋丹頂鶴。

如果去阿寒丹頂の里休息站可以去埋阿寒国際ツルセンター（國際鶴中心）睇丹頂鶴

細岡展望台附近就係「くしろ湿原ノロッコ号（釧路濕原Norokko／慢車號）」會停既釧路湿原站，不過當地入場券就喺細岡展望台訪客中心先有

去到釧路站。呢個時候一件意想不到既事就發生啦，買完當地入場券見到架キハ54形流氷物語号停喺月台；原本諗住用當地入場券入去影，點知站務員話要喺張記念飛度蓋印（之前喺旭川站無試過），唯有去買多張普通既入場券，點知架車已經走左。




之後黎既車有排先到，所以算數唔影了，走人

去到帶廣之後先check-in車站附近既酒店，佢好既地方除左房間、走廊可以望到入站既列車之外，早餐都好豐富（有兩款十勝豚丼），自家設計既紀念品都好精美。

キハ40形1700番台

キハ283系特急「スーパーおおぞら（Super大空）」

帯広站既設計就好似穀倉咁


呢班就係頭先喺釧路站顯示板見到16:14開出既特急「スーパーおおぞら」（キハ283系）

為左應付多霧氣既根室本線，佢車頭上面同貫通門兩側夾埋總共有9盞車頭燈，好型

圖案係丹頂鶴跳舞

不過其他普通車都係キハ40形1700番台，念在佢地就黎要退役就影多幾張啦！

第七日去愛国站參觀，佢原本係國鐵広尾線既車站，1987年廢綫之後變成愛国交通記念館

「愛国から幸福ゆき（由愛国前往幸福）」既石碑，當然愛国指愛之國，唔係動詞黎


「愛国」呢個地名來自叫「愛国青年団」既開拓團到呢度開拓

展示左一部9600形蒸氣機關車既19671號機



交通記念館就係原本既站房


有好多人釘上字條、記念卡

當年既車站構造

展出以前既鐵道用具

呢架ヨ3500形車掌車曾經係紀念品店，已經被廢棄，宜家旁邊有另一間紀念品店

去完愛国站就梗係要去埋幸福站啦！

同樣係國鐵広尾線既車站，呢個站喺1973年經過NHK一個劃時代既旅遊節目「新日本紀行」介紹之後一躍成為全國街知巷聞既車站。未播出之前由愛国前往幸福既車票一年只係賣7張，變成4年內總共大賣超過1000萬張。雖然營業係數由700幾曾經一度減少至180幾，但係好快就反彈番，最終広尾線難逃廢綫命運。幸福站亦都掀起吉祥站名、車票既熱潮。當年全國其他同樣有吉祥站名既站都仿效幸福站推出唔同產品，例如学、学文路、真幸站等；或者改名時加入吉祥詞語，如おかどめ幸福（岡留幸福）、南阿蘇水の生まれる里白水高原（南阿蘇水誕生之鄉白水高原）、大学站等。宜家都可以睇返當年既節目片段。

同樣有好多人釘上字條同記念卡

展示兩部キハ22形



駕駛台


有國鐵logo既電風扇

同台鐵都有合作

同高松市有交流

幸福地區原本叫幸震（愛奴語 [satsunai]，意思係乾涸河川），後來多福井黎既人住所以改名做幸福



有一架除雪車

去埋附近既六花の森之後就啟程渣車去小樽。

[Off topic]
途中行既道東自動車道（道東道）雖然只係所謂既「暫定2車線」行車（中間只有分隔柱簡單分開對頭車流），但係已經足夠應付到旅途當時お盆休み（盂蘭盆節假期）既車流，兼且不時見到高速巴士行駛。佢長大既隧道穿越日高山脈，除左上斜、多隧道、容易起霧既トマム出口至十勝清水出口一段容易塞車之外其他路段都好快。上年颱風過後佢比石勝線同根室本線都早恢復通車，當道東道將來延伸到釧路市中心、甚至根室之後，JR北海道行石勝線、根室本線呢啲沿途基本上同道東道並行既特急列車客量將會岌岌可危。

酒店對正運河，裝修係英國風格，都唔錯

夜訪小樽站

小樽站建築係喺1934年建造，雖然月台睇落好似喺高架橋上，要經地下通道上去；不過因為小樽站建喺斜坡之上，所以月台係喺地面。

有名既玻璃製造工房北一硝子捐贈左333盞燈，掛喺玻璃窗度



4號月台被稱為「裕次郎ホーム（裕次郎月台）」，因為曾經喺小樽成長既明星石原裕次郎拍節目返小樽時曾經喺呢個月台落車。



731系

小樽以西既函館本線係無電氣化，所以要用轉搭柴油車（キハ150形0番台，屬於苗穂運轉所既就用萌黃色加天藍色帶）

無冷氣、側窗細左既100番台

鐵路迷黎到小樽就無可能唔去小樽市総合博物館（小樽市總合博物館）啦！佢係北海道具代表性既交通博物館，統合左以前既小樽交通記念館，喺2007年翻新開幕。不過當日好大雨，所以參觀室外展品既時候都幾狼狽。

北海道最初既鐵道就係由博物館所在地——手宮站一路前往札幌既幌内鐵道，喺1880年通車。當年指揮鐵路建設既測量師就係呢位美國人Joseph Urey Crawford。順帶一提，通常都會話手宮～札幌一段係全日本第三條通車既鐵道（僅次新橋〜横浜、大阪〜神戸），實情係幌内鐵道通車9個月前岩手釜石礦山有一條軌距838 mm既礦山鐵道通車，不過3年後就休止，所以歷史上佢被人遺忘左。

門口仿照以前既車站閘口設計

一入門口就見到呢部7100形7106號蒸氣機關車，叫しづか（静）。多數同北海道有關既歷史人物都用黎命名7100形蒸氣機關車，佢喺幌內鐵道通車五年後先到北海道。

由美國匹兹堡H. K. Porter公司製造，鑽石型煙囪、排障器同埋金鐘都甚有美國風格


北海道第一架一等客車い1號，曾經載過韓國皇太子

當年建設工程艱鉅


幌内鐵道試車情景

手宮高架棧橋當時係比煤炭運送上船

貨卡倒完煤炭就會由中間斜道自動行走離開棧橋

唔同蒸氣機關車既號碼牌

列車名稱牌

各種車票

行去室外

由ED76形509號拖住其他客車，頭個卡係スユニ50 501，為郵政荷物車


ED76形509號駕駛室


可以攝手攝腳行去另一邊駕駛室，或者出去行月台

スユニ50 501


喺咁陰暗既環境見到呢兩個假人真係會嚇親

C55形50號蒸氣機關車


スハ43系客車

車內一朕up味

車卡狀況慘不忍睹

呢卡マニ30形2012曾經係日本銀行擁有既現金輸送荷物車，2004年由JR東日本既隅田川貨物站送黎呢度。有趣既係，マニ30形製造當初係有被幾本書籍記載，直到1978年接受鉄道友の会藍絲帶獎提名之後國鐵發行既「客車形式圖」就無再收錄。為左要隱藏呢架車存在既資料，當時唔同鐵道雜誌就算影到架車都唔可以介紹佢，有雜誌介紹過圖則之後總編輯曾經被日本銀行問話，連90年代興起既日本網上鐵路論壇都禁止討論呢架車。

運送銀紙

警衛休息室，右邊包廂仲可以變床

キハ82系，佢既設計非常經典，唔止同年代既153系採用呢種曲面玻璃配合少少後退角既車頭，後繼既キハ181系都繼承左呢種形狀，甚至現代キハ189系、373系等等都有佢既影子



不過車內up味好犀利

呢架喺博物館內行走既アイアンホース号（Iron Horse號）係1909年由美國匹兹堡H. K. Porter公司製造。佢原本喺瓜地馬拉既果園行走，1959年之後轉到密歇根州、明尼蘇達州唔同既主題樂園行走，1993年被送到小樽。宜家行走長約兩百米既 914 mm 軌距軌道，來往「手宮站」同「中央站」，免費乘搭。



去到「手宮站」有轉車台比佢掉頭返「中央站」