[多圖] 北海道悠長假期・鐵路篇

DD13形611號。DD13形係為左取代蒸氣機關車喺調車場既角色，適合時常切換前進後退既工作同短途運用。

DD16形17號。DD16形徹底輕量化既構造適合地方路綫、簡易綫呢類重型機頭行唔到既地方。

DE10形503號。DD10形變速機設有兩種模式：高速段可以牽引客車行地方路綫、低速段可以喺調車場調車

DD51形615號，甩左幾個數字 。DD51形經過大量生產投入到主綫牽引車卡既工作，部分至今依然健在。

佢拖住ソ34呢部操重車（黃色），用黎吊起出軌、翻側等等既事故車卡，經常要同前面チキ6000形既長物車一組（白色板車）盛載吊臂。前面茶色既客車為救援車搬運建材、工具同做休息室。

DD14形323號。通車冬天先出動除雪，中間收集左既雪會噴向左／右／前面，兩邊擋板可以伸展黎調整剷雪幅度。

DD15形37號。佢兩邊都有除雪裝置、無需轉車台就可以調頭清理積雪，不過要拆走呢個除雪裝置需要不少功夫，所以佢冬天以外既時間都無野做。

キハ56系，一款專設計比北海道既急行形氣動車。

普通車車內，特登用木地板係因為當年咁樣先耐用，如果唔係雪靴防滑既金屬釘會刮花曬

キロ26 107，屬於Green Car，當時加左水藍色帶識別

Green Car車內，當年有冷氣同椅背可以傾斜

キハ20系既キハユニ25 1，一卡之中有旅客座位同郵政、貨物運送空間既車

ED75形501號。當年北海道最初電氣化既時候試驗耐雪、耐寒既一部試驗車。

幸福站都有既キハ22形，不過呢部係一般形氣動車係1959年既「新塗色」

C12形6號蒸氣機關車，比簡易綫用既小型輕量火車頭。

機關車庫一號（左）同三號（右），兩者都係喺明治年代建成。一號左邊三間係近代修復重建，而一號同三號之間曾經都有車庫。

機關車庫三號喺1885年建成，係日本現存最古老既紅磚機關車庫

被稱為Rail Bus既キハ01系，呢架係專比北海道既キハ03 1

載客人數同巴士有得輝

比少人搭既地方路綫，簡單構造令到坐感唔好

行天北線

7150形大勝號蒸氣機關車，第一部由設計到製造全部由日本人包辦既蒸氣火車頭，不過外貌模仿左美國造既7100形義經號，所以有人會質疑呢部唔係「純國產」。

キ600形キ601，屬於旋轉式除雪車。前面颳雪板螺旋既動力靠同蒸汽火車頭結構相近既蒸汽鍋爐提供，所以有煤水車。不過前進既動力就要後加既機關車推佢。



キ800形，屬於MacLay式除雪車。佢將路軌兩邊既雪牆整碎，比雪落返路軌，然後後面就駁柱旋轉式除雪車等佢除雪

キ550形キ1567，複線用犁式除雪車，比起將雪剷向兩邊既單線用設計，佢將雪剷向無路軌既左邊，更有效率。（佢後面個架係單線用既キ270，無影到）

キ700形既キ752同キ718，兩架都係Jordan式除雪車。兩邊擋板可以伸展得好遠，通常用黎清理車站或者調車場較淺既積雪。

仲有一個蒸氣機關車資料館

展出好多蒸氣火車頭既部件，維修工具等


睇下1985年廢綫既手宮線遺跡，亦即係幌内鐵道既部分路段

後面駁返函館本線既路段唔入得

小朋友好有心機

過去既平交道依然存在路軌



奉送小樽運河味精相一張

第九日就離開小樽，出發去函館。

函館以前叫宇須岸（[Usukeshi]，愛奴語意思為海灣之端），之後室町時代有豪族喺呢度起箱形既建築物之後就開始被稱為箱館。因為箱館同函館既讀音都係一樣，令到兩個名都有人用，後來逐漸變成函館。順帶一提，車站二樓既書店有頗多鐵路書籍、精品賣。


733系1000番台，專門行連接北海道新幹線新函館北斗站既「はこだてライナー（函館 Liner）」

用紫色色帶，同北海道新幹線有一體感

Hi～

繼續係有キハ40形1700番台，左邊個架喺北海道新幹線通車之後變成道南いさりび鉄道（道南漁火鐵道）既車。

前面係キハ40形1700番台，後面係700番台

函館本線有一個特色就係七飯至大沼站同埋大沼至森站之間分別有兩條路徑：

七飯至大沼站東面不經新函館北斗同仁山站既叫藤城線，因為斜度比較低，所以專比北行要上山既貨物列車行（北海道新幹線未通車時特急都行藤城線，宜家要停新函館北斗站先無行），宜家非常少部分普通車都會行（一日三班北行非はこだてライナー班次）。

大沼至森站之間經渡島砂原站既叫砂原線，砂原線避開左本來駒ヶ岳站附近南行個段既高斜度路段，方便以前南行特急繞過駒ヶ岳，但係宜家因為列車動力改善同方便旅客去大沼公園站，所以先行本線。

宜家普通車通常分為圖中經砂原線往森站既班次同經本線（大沼公園站方面）前往長万部站既班次。（キハ40形700番台）

喺函館站就當然可以望到函館運輸所調車既風景，有車到站或者入車庫既時候都可以聽到路軌旁邊喇叭既嘟嘟聲，嗰陣你就知要準備好架撐影相啦

先見到就係呢列泊係度既キハ183系1500番台


キロ182形500番台，窗門同座位高啲既Green Car


近年改造完既9550番台同8550番台

キハ261系1000番台（右），我覺得呢款新塗裝好醜樣

聽到嘟嘟聲（唔係咩公司既標語），就見到架DE10形推緊キハ281系既車頭入黎


仲見到呢架披上宣傳北海道新幹線廣告既車，由棒球隊北海道日本火腿FIGHTERS既大谷翔平選手代言。

キハ281系特急「スーパー北斗（Super北斗）」

Furico代表「振子」，即係鐘擺，引伸到形容呢款振子式列車（擺式列車／傾斜式列車／擺錘式列車／搖擺式列車），呢款車原則上過彎速度比非振子式列車快多30 km/h


自從北海道新幹線通車之後，基本上同佢並行既江差線（五稜郭～木古内之間）變成由道南いさりび鉄道經營，不過全部班次都會直通到函館站。方向牌樣式都改左，但車照舊係キハ40形1700番台。

不過道南いさりび鉄道逐漸將佢既車油新塗裝，呢架代表秋天。


呢架代表夏天

第十日就搭下函館市電（710形）

LED目的地牌都要塞英文、正體字、残体字同韓文（8000形、710形）

3000形

函館山吊車


函館山好大霧，唔上去lu

十字街停留場既操車塔，宜家已經停用

左轉往谷地頭方向；直行往函館どつく前（函館Dock前）方向。後面既洋風建築係舊丸井今井呉服店既函館支店。

710形

30形「箱館ハイカラ號（箱館High Collar號）」，ハイカラ當年指一啲西洋風既野，由西裝既 High Collar 高領裝扮引伸而成。佢原本係千葉縣成田市既成宗電氣軌道既車，後來被函館水電購入，曾經一度被改造為除雪車，1992年復元旅客車時代既樣子。

車內

搭去谷地頭





搭去駒場車庫前睇野