PB602 發表於 2017-9-9 10:56
中巴1989年大罷駛,有無想過係某派工會喺1989年春夏之交風波後嘅政治操作?
試想想當時香港未有MPF,好多公司根本一蚊退休金都無,中巴當時退休金唔夠九巴多,但最少員工唔駛供款,呢個問題可以搞到大罷駛?
之後工會經常因少事恐嚇要罷駛,但到9年之後中巴交牌時,好多中巴廠務員工要減薪、被外判、甚至被栽,司機被大減工數,影響甚大,但同一個工會一反常態,完全無諗過要罷駛抗議,有無諗過點解?
如果換轉係今日,假設中巴仍在,但最大工會以和諧為主旋律,想信只要如果有人提出罷工,工會會即時批評有人「搞事」同「影響市民」。
89 年左派工會好勇攪罷工爭取伙記利益, 小弟支持.
小弟識某位車長當年有份罷工, 佢吾係左及右工會幹事, 只係普通司機, 工作上大中小事佢有興趣都會去出聲去反映比工會人知.
及後左派工會得把聲吾做野, 原來有人話就黎回歸要和諧要風平浪靜, 所以左派工會只有聲, 而咩大動作吾攪得.
回歸後, 又話怕亂怕反對派呢樣個樣, 左派工會繼續收聲.
98 年新記上場, 吾夠一年班伙記話公司大減工數個個得一工多 d, 又吾比例假返, 又吾可以放假幫人炒, 又每日跳飛機跳幾十條線, 佢地搵工會點知得右派工會先肯出聲, 當時班伙記吾記得係酒樓定邊度開大會, 小弟識既呢位司機有份楂咪出聲, 及後公司才改例話每日跳飛機最多跳 3 條, 例假可 2 星期先放一次等.
10 年如記得右派工會攪罷工, 小弟識既呢位司機 2 日都有份罷, 佢既出發點係為新人及合約伙記爭取更好福利, 當時佢係站頭 (邊條線吾講啦), 之後城記某位稽查定吾知邊個 (暫當佢係稽查) 帶住幾個城記楂車過黎接佢條線開工, 小弟呢位朋友司機火起行去插呢位城記稽查, 原因係呢位人仕係左派工會幹事, 家陣班伙記攪工業行動, 你地左派工會吾肯出聲, 仲幫公司班馬由城記搵人過新記開工, 即係企公司個邊而非工人, 你仲有咩資格做工會幫伙記爭取權益呀. |