荃灣往來九龍灣源發工業大廈

出發地點荃灣或者大窩口， 巴士小巴鐵路都可以。
提供埋回程路線， 謝謝

視乎出發地點，乘九巴40或42C到觀塘道（牛頭角下邨多層停車場外）〔牛頭角
下邨分站〕下車，下車後使用後方行人天橋橫過觀塘道到九龍灣站A出口，左轉
使用扶手電梯進入德福廣場，靠左沿商場通道一直前行至盡頭然後使用樓梯上行
至德福花園平台（美心Food2外），沿平台前行經Market Place by Jasons及戲
院外前行接樓梯下行至行人天橋橫過偉業街後進入德福大廈一樓，經扶手電梯
到地下宏開道，橫過宏開道到臨福街，沿臨福街一直前行至宏泰道，對面便是
源發工業大廈。

回程則按以上步程的相反方向步至九龍灣站A出口，右轉經樓梯到觀塘道地面，
調頭前行至九龍灣站下方的巴士站乘九巴40或42C。

或乘港鐵到九龍灣站下車，使用A出口離開後按前述方法前往。

如果對步行路線沒有把握, 而出發往九龍灣的時間是早繁, 只需跟住人潮入德福廣場, 上左半層樓梯後繼續跟住人潮進入露天的商場部份一直向前行至落樓梯過行人天橋, 便會到達德福大廈, 再按上面描述便可抵達目的地.

以下連結有助樓主由A出口步行到德福大廈: http://www.megabox.com.hk/page.php?page_id=71&lang=tchi

如想搭車直接入到去, 40牛頭角站或42C創紀之城下車, 步行到牛頭角道牛頭角站巴士站轉乘28B 606 641, 搭兩個站在常悅道落車, 向前望斜對面的瑞興中心旁邊就係目的地.

40 42C與28B設有$4.2轉乘優惠, 換言之28B牛頭角站往九龍灣只需補$0.4, 回程唔趕時間可以試下行上九龍灣站搭巴士或港鐵走, 亦可以行入megabox地庫排隊等專車返九龍灣站, 若想幫襯九巴轉乘優惠, 回程搭15A會較28B方便.

源發落樓後轉右有一巴士站, 可先查ETA 15A往平田還是慈雲山方向較快有車.

若是平田較快, 可在該站上車搭三個站到順業街下車, 下車向後面行至順業街口, 有一條闊落行人路可行出觀塘道, 出到去轉右就係定富街巴士站, 有40 42C可以回荃灣.

若然往慈雲山方向比平田方向早超過5分鐘有車到站, 就過對面巴士站搭往慈雲山方向的15A到彩虹邨紅萼樓, 落車向後行至同站名的最後一個站, 同時有40 42C 290 290A可供選擇.

請注意, 15A沒有與290 290A設轉乘優惠, 而與40 42C的優惠額為$4.2, 即係話15A若是搭往平田方向, 優惠後車資為$0.9, 而往慈雲山方向優惠後的車資則是$1.6, 若然在下繁離開九龍灣, 跟人潮步行回九龍灣站係唔錯嘅選擇 包保唔怕蕩失路.

唔該曬兩位， 今朝已經完成行程 去程時 用42c 專28b 用咗剛好一小時， 回程時落到巴士站剛好有15a到站， 唯獨是塞咗半個多小時才到紅萼樓站， 下車即刻有290a到站 都唔你有冇轉乘優惠就想車了唔該曬