[學術討論]應否取締車程超長巴士線

好似85咁會轉揸到一半搵人接車好過啦

transbus 發表於 2017-9-23 23:37
係時候行政指令強制重組全港巴士，
只可以做港鐵接駁，
政府起鐵俾你，應該感恩要搭，

呢類咁既極端野只恐怕就連例如隨便落行指都得既祖國都唔夠膽做。
否則例如深圳市就唔使攪到仲有大堆超過兩個鐘一單仍然屬於冗長巴士線淘汰唔去既現象。

長線縮半係深圳做法

paul2357paul 發表於 2017-9-24 00:15
呢類咁既極端野只恐怕就連例如隨便落行指都得既祖國都唔夠膽做。
否則例如深圳市就唔使攪到仲有大堆超過兩 ...

但深圳已經做左好多

Edward_Chan 發表於 2017-9-23 23:57
其實香港咁細 正常去好多地方都可以一小時左右

唔塞車都未必得啦，尤其而家Ｄ新市鎮遍佈新界東西北但CBD得兩個
你試下由大西北或東涌搭去觀塘返工，睇下一小時去唔去到

PB602 發表於 2017-9-23 23:10
巴士公司承認人手不足，應考慮仿效亞洲強國新加坡，大量引入中國勞工當巴士司機。 ...

今時今日揸巴士唔係只係載客，好多時仲要應付埋客人，乜你覺得中國勞工得咩？
我響深圳見過唔少霸氣司機，可以鬧乘客甚至趕乘客落車，呢D響香港又可以做到？

好隨意咁睇左4頁，我覺得討論太空泛我覺得應該設幾個重點去討論
1:究竟香港巴士路線最長行車時間應該係幾多呢？
2:巴士司機既最長工時應該係幾多呢?
3:每程之間既休息時間係幾多呢？
4:司機每月既收入應該係幾多呢？

我先講我既觀點：
1:80分鐘內，純郊區線90分鐘，咁可以最大保障司機即使向繁時可以向兩個鐘內返到總站，避免車程過長

2:上下班時間距離唔應該超過11個鐘，
     巴士公司應盡可能令車長在自己住既區上下班，     如不能，應張其工時減至最多10個鐘，
     另外超時補水改為超過11小時最少三工，
     咁可以令巴士公司減少將每位車長工時計盡，
     確保每位車長向正常情況下都可以向10個鐘內收工

3:路線行車時間既20-25%，車程超過60分鐘路線為25-30%，最少5分鐘

4:總時薪最少$75，平均月薪不下於$17000

另外，運輸署應修改quota計算方式，改以每線班次計算，咁就可以確保巴士公司可以更容易修改每線應有行車時間，而班次又可以確保既同時，quota地區總巴士流量又唔會大幅增加

kay 發表於 2017-9-23 21:34
加時問題係會令司機飛車換取更多休息時間
我認為寫字樓唔會咁易為呢樣野妥協

由新區投標、城巴購入大量12.8然後未有批准行唔到、等等事件上
你已經處處係幫緊柴小講好說話。
呢間公司車就用盡用殘瘋狂跳飛機，
編更亦睇得出點樣將一個卡佬用到盡，有位就攝。
我唔明點解去到今時今刻都仲可以幫住間巴士公司講說話。甚至走黎想射個責任去呢類跨區線。
然後仲要本末倒置話加時反而令到程車快左。

不如參考一下其他地方的法定上限。

歐盟的規定：

• 每駕駛4小時30分鐘，必須小休45分鐘。可分開兩次小休，分別為15分鐘及30分鐘。
• 每日不得駕駛超過9小時。但在每星期內，有2日可駕駛10小時。
• 每星期不得駕駛超過56小時。每兩星期不得駕駛超過90小時。
• 每日必須休息11小時。但在每星期內，有3日可縮減至9小時。可分開兩次日休，分別為3小時及9小時。
• 每隔24 x 6小時，必須休息45小時。每兩星期內，可將一次周休縮減至24小時，但須在3星期內，以延長一次日休或一次周休代替。
  

英國的規定(只適用於<50km的路線，其他路線適用歐盟的規定)：

• 每駕駛5小時30分鐘，必須小休30分鐘。或者，每段8小時30分鐘的工作時間內，總小休時間不得少於45分鐘，其後必須小休30分鐘，方可繼續駕駛。
• 每日不得駕駛超過10小時。
• 每日由開工至放工(包括駕駛以外的工作)，不得超過16小時。
• 每日必須休息10小時。但在每星期內，有3日可減至8小時30分鐘。
• 每兩星期內，必須休息24小時。
  

資料來源：Rules on drivers’ hours and tachographs for passenger vehicles in Great Britain and Europe.