[學術討論]應否取締車程超長巴士線

如果巴士只用作港鐵
接駁,意即276系也要
搭鐵取代？同樣龍運
A/E線轉為港鐵嘅隨時
較貴兼車程更久。

新界來往港島北與
東九若要全面只限
港鐵,咁所有轉乘站
好大機會似足金鐘站
繁時無8班以上都上唔到。
港鐵已難大幅加班吸納晒
取消長途巴士線後嘅客,系統
老化嘅港鐵再故障就影響更廣。

至於外勞,除非可提供
住宿,由僱主提供宿舍或
外勞比本地員工薪金較高,
讓外勞自行租屋,但後者常
引起本地員工不滿,而提供
宿舍就連紀律部隊都排長龍,
私營公司有物業都出租圖利喇。

所以外勞成本不一定較低
尤其本身已接近基層工資
嘅行業更加無著數。

公共交通轉公營難以
實施,效率可以想像會
比現時更惡劣；而自動
駕駛免車長亦有安全考慮,
尤其香港路況,無法將少數
應用於外地的自動駕駛技術
搬到香港的巴士。

jpoon 發表於 2017-9-24 02:18
今時今日揸巴士唔係只係載客，好多時仲要應付埋客人，乜你覺得中國勞工得咩？
我響深圳見過唔少霸氣司機 ...

無問題，新加坡行之已久，班外勞司機仲要唔識英文，只靠華語溝通。

lwb701 發表於 2017-9-24 02:43
由新區投標、城巴購入大量12.8然後未有批准行唔到、等等事件上
你已經處處係幫緊柴小講好說話。
呢間公司 ...

OT: 就憑930X個post可以見到呢位版友並非「處處係幫緊柴小講好說話」

正題：
你話「編更亦睇得出點樣將一個卡佬用到盡，有位就攝」，呢件事其實係應份架喎
請個員工返黎就當然要善用所有duty hours架啦，尤其是而家車長人手短缺
加上新路線嘅路程越黎越長，變相令連續工作嘅時數拉長左

喺人手不足、人均工時冇咩調整空間嘅情況下，點樣令到車長嘅工作環境更理想，亦都可以確保巴士服務嘅穩定性同可靠性
呢個先係問題。

PB602 發表於 2017-9-24 06:51
無問題，新加坡行之已久，班外勞司機仲要唔識英文，只靠華語溝通。

新加坡行得通代表香港行得通？

petcity 發表於 2017-9-24 00:10
不如又講下有司機唔夠行車時間同你
轉轉碌黎搞牌呀？

講到尾都係寫字樓問題
見你班友用最少時間做一程車
就CUT你行車時間

依家問題係,唔夠行車時間
寫字樓有無心解決問題?無
因為呢行本身請唔夠人

既然渣長途車同渣短途車
抖既時間一樣或更少

如果有兩組線,一條90分一程,一條120分

比我揀都揀渣90分車啦,反正都預左寫字樓都唔會比足休息時間

渣巴士呢行唔吸引,係有好多原因
但好多都解決唔到,因為一講到司機利益,就比其他野凌駕

結果繼續唔夠人

新創建又話唔夠人索性取消班次,架巴士就停駛
即係待遇唔好,就會令巴士停駛

咁大家唔諗下,應該點樣改善待遇?

我既立論係,增加休息時間唔WORK,應該改善路線,避免車長駕駛超長路線

同埋依家新開路線,要連續渣2粒都少
係舊線多左,即係要處理的,其實多極有限

lwb701 發表於 2017-9-24 02:43
由新區投標、城巴購入大量12.8然後未有批准行唔到、等等事件上
你已經處處係幫緊柴小講好說話。
呢間公司 ...

唔好意思播
我大部份時間都係反柴小公司

不過我覺得我既立場唔重要
今次係一個以事論事,司機角度出發

正如你同人辯論,咁岩你抽中,廿三條立法,正方(贊成立法)
就算你個人反廿三條,你都要搞盡腦汁去搵理由贊成

呢篇野好多人唔同意自己觀點
即係自己道行未夠高

但討論休息時間,講左n年都無改善
係時候要諗其他方法

Ming@5119 發表於 2017-9-24 08:43
OT: 就憑930X個post可以見到呢位版友並非「處處係幫緊柴小講好說話」

正題：

係嘅，佢的確唔係。不過你就係囉，仲要扮中立用d商家佬口吻。

人手唔夠工時長咪就係班商家佬自己死度爛度渣盡人搞出黎嫁囉。
渣車唔同你做服務行業，長時間要專注用神，你自己有渣車都知渣車幾傷神啦。
搞埋d咩中段落場抖返幾粒鐘唔計工時，實質一日返夠14,15粒鐘。
的確唔計落場工時係唔過勞工法例呀，不過中間有幾粒鐘比你你做得d乜？
扣扣埋埋有幾多時間係可以充足休息？

最好笑返通完頂再返下午就唔叫做追更。
真係估唔到卡佬返嘅更仲垃圾過保安公司D更份。