為什麼城巴會淪落到被批評為經營不善

新創建..............

算吧啦, 咁耐無加過價算係咁啦

20年前城巴仲係一間獨立公司, 跟住比新創建收購就已經冇哂公司風格,
車隊, 人工, 整體發展方向 都要跟新創建個老闆......咩都唔同哂啦

gordon0530 發表於 2017-9-25 19:13
講起城巴ETA就火滾
自從東區批91XX送左去南區之後，25A成日拎南區批冇ETA嘅大9，結果ETA經常出事，一系就話 ...

早幾日灣仔等 11 上渣旬山, ETA 話 2 分及 4 分後有車, 即係前後腳, 咁就慢慢行去站, 行到站前 3 個車位架電車埋站上完客開車走諗住等 2 分後個班, 點知 ETA 竟然無左班 2 分, 下一班變 10 分, 咁又等多 10 分.
  
新城好友話要 100% 準所攪 ETA 攪咁耐, 九記廢既都係同新城一樣廢, 一樣放流料.
  
有心攪既點會拖上拖到 2018 尾, 要 100% 準?  聽住先.

唔準你地話城巴個ETA，人地研究多年，用衛星定位再計埋路程，係全香港最準確嘅ETA，你九巴嗰啲流嘢就唔好拎出嚟同新城比。仲有仲有，如果以路線為單位的話，新城出現ETA不準確嘅路線，數目上係遠比九巴為低。九巴認命把啦，講ETA你唔夠新城玩㗎啦！

李日新的接班人是鄭偉波,他九十年代初已加入城巴 相信熟悉巴士業務。加入城巴前,他在大型會計師樓工作6年,而近年他帶領下,城巴成功保持低廉票價

眾多大廈業主表示，處理過矮騎樓/露台/招牌等問題繼續走數快樂

冇ETA可以話係造成新城形象低落其中一個好大因素

當你成日收車, 但又唔俾班客知幾時真係有車到, 加上對家一早做好哂, 都好難怪班客鬧到你雞毛鴨血

當初整好機場線ETA, 又唔知點解唔趁機會擴展ETA至全線, 覺得成本太大唔值得擴展至全線

你以為唔加價就可以keep住形象? 駛多啲錢擴展ETA或者比唔加價更加有效做好個形象

上面有人話九巴1年之內就搞掂哂, 其實九巴由2012年開始試用Openmatics, 至2014年末先開始擴展ETA至全線, 足足用咗兩年測試
由2012年開始, 至2016年, 足足用咗三年幾先擴展ETA至全線
(不過如果九巴2012年起全面使用Telargo, 又使唔使搞兩三年咁耐?)

新城ETA個進度真係慢得離譜, 但係唔係由2013年到依家都冇做過嘢?

2014年測試路線720 ETA, 2015年6月/7月路線H1試用新系統LECIP, 2015年10月尾招標新實時系統, 可見由2014年以嚟佢一直有做嘢

不過做得咁慢又唔注重同公眾溝通話俾人聽你個進度去到邊, 抵你形象低落

有人建議新城直接採用九巴現有系統

較早前九巴都承認其系統依賴GPS訊號定位, 容易受高樓大廈玻璃幕牆影響定位準確度

喺隧道更加慘, 尤其107/107P/170/171北行經過香隧ge第一個站, 香隧一塞車, 該站ETA成日話快將到達但其實巴士都未離開隧道

明明新城ETA已經有鬼班次, 係唔係都依然要採用一個過度依賴GPS訊號ge系統, 以致架車未到但照出快將到達呃人? 咁樣形象唔繼續低落都難

依家唯有寄望佢個app可以出埋剩餘距離同實時行車概況, 等客知道係唔係真係有車同埋預知個ETA會唔會大幅延後

最好顯示埋架巴士實時位置, 不過唔寄厚望