每次投訴城新，佢地一定唔認有錯

唔知大家有無咁嘅經歷，向巴士公司投訴，九記同城新嘅處理作風好唔同？

例如投訴飛站（乘客企在正確位置，有揮手，且車廂有大量空座位），
九記未必會直接承認係自己錯，但起碼會好婉轉地話了解到有關事件，并已經調查及對車長作出適當培訓。

但城新就死都唔會認有飛站，兼會揾埋一堆藉口一個掩一個。
最離譜有一次，個解釋係話架車係私牌車，衹不過係操作錯誤唔記得轉私牌。
但係明明見到部車上面係有客，仲要目睹佢下一個站有停站上客，個客服都會死鷄撐飯蓋話係私牌車。
到你質疑佢係咪變相脫班，個客服可以check都唔駛check，即刻答你話所有班次正常。
（咁緊係正常啦，你架“私牌車”的確係正常班次黎架，飛咗站咋嘛）

其實有陣時明明係自己員工有錯，又唔係乘客無理投訴，點解要死都唔認有錯？
唔錯都錯咗，你肯認錯，個客都叫做唔會對你印象太差；
但死都唔認錯，咪得你管理層自己係度FF自己服務100分，個客咪對你印象仲差。

欣賞下小弟過往 2 年回文, 成堆投訴故仔聽.
  
投訴飛站?  某人十幾年來不停玩飛站, 經小弟投訴飛站最少 3 次, 有次飛站佢比客鬧, 佢仲鬧返個客, 個客有投訴, 我吾係受害人亦投訴, 最後繼續渣返個條線.
  
投訴 15 分班等 10 個字無車, 佢答你可以繼續等, 一係搭其它車, 我地公司無叫你等, 呢個係客選擇.
  
投訴定點 n 分班無車, 佢話改左時間表定點 n+3 分班好耐, 只係無 Update Web Site 及站牌, 但前及之後日子係開 n 而非 n+3.
  
投訴某條大包圍路線繁忙時間吾開最密班次, 佢話緊忙時間開最疏, 非繁忙先開最密.
  
新城服務好, 一定感受到錯一定係個客, 黃車行 A 線都講到自己合規合標合情合理跟足 TD 收費標準無問題, 所以咩都係個客錯.

邊個錯，只係視乎你是否豪宅區居民或高官...

http://www.hkitalk.net/HKiTalk2/forum.php?mod=viewthread&tid=1038352

由朝早5點機到9點玩大包圍班次，玩到十幾二十分鐘你都吹佢唔漲！又運吉撐腰我無脫班，錯乜野？

樓主即刻引到新城粉出嚟護航

好期待新城出ETA, 到時大把線下班車40分鐘

大坑o個類有聊投訴咪有用囉

Edward_Chan 發表於 2017-10-8 18:59
好期待新城出ETA, 到時大把線下班車40分鐘

無限受阻

打去投訴682收工私牌車公器私用, 烏溪沙站上部私牌車既人有長者有小朋友
新巴回覆果D全部都係員工喎