郵輪碼頭-九龍塘站巴士線提早開辦?

carson911 發表於 2017-11-3 21:37
最大問題係碼頭除咗公園又冇咩地方shopping
附近仲未發展完成
郵輪客自己又有旅遊巴

郵輪碼頭需求細就肯定
問題係宜家有人話交通唔掂，亦有人將郵輪碼頭個冷清慘況歸咎交通
變咗政府有政治任務去改善接駁，蝕都係咁話

但望返新線個服務，一條咁既九龍塘線，班次又疏走線又水蛇春咁長
巴士公司燒錢既同時，對改善郵輪碼頭交通完全無幫助
我上面講既方案，就係希望用九工—黃大仙客帶起條線
一來巴士公司做得無咁辛苦
二來班次好咗，接駁點方便咗，對郵輪碼頭客以致政府個政治任務都有莫大幫助

TuNg''=) 發表於 2017-11-3 21:40
駁大隧線，5R都可以駁。

5R本身走回頭去牛頭角站觀感已經唔好
班次成半粒鐘一班，仲要落車站位亦好差
一係過天橋行好遠路，一係塞一轉觀塘道迴旋處
點都唔覺得係合格既接駁服務

castanopsis 發表於 2017-11-3 21:53
郵輪碼頭需求細就肯定
問題係宜家有人話交通唔掂，亦有人將郵輪碼頭個冷清慘況歸咎交通
變咗政府有政治任 ...

難道大家想HEA到例如拉74A入郵輪碼頭？

castanopsis 發表於 2017-11-3 21:53
郵輪碼頭需求細就肯定
問題係宜家有人話交通唔掂，亦有人將郵輪碼頭個冷清慘況歸咎交通
變咗政府有政治任 ...

你個建議尤如將當年臨死既 796B 改入九龍灣，難道條線就會起死回生嗎？

呢條係全日線，但九龍灣真係得兩繁，
假日都唔多人係搭車入去，行出九龍灣站為主，根本點做都死。
一間醫院會有幾多客大家心中有數，跑道只會起超級豪宅，隨時菲傭都揸車去買餸，呢條線九灣段都預左無收視無得守。
舊區段連 85 小巴都無乜生意，我真係唔知點解運吉會覺得呢條線行喇沙利道可以派雙層車，我等睇九巴又全日 15 分全線紅巴載空氣搶標。

九龍灣好多地方其實行上九龍灣站都唔係真係好遠。

3ASV174 發表於 2017-11-3 22:08
你個建議尤如將當年臨死既 796B 改入九龍灣，難道條線就會起死回生嗎？

呢條係全日線，但九龍灣真係得兩 ...

796B當年改入九龍灣會唔會起死回生，係水晶球問題

九工非繁無客，郵輪碼頭得日中非繁有客，理論上可以互補
講真，我無話條線會賺到錢
但至少好過宜家行九龍塘內街連少少客都執唔到，然後改善接駁既政治任務又達成唔到

九工行去九龍灣站係唔遠
但本身去彩虹黃大仙巴士只係搭兩三個站，行得去地鐵站來，搭巴士已經落咗車
當然如果真係學RPP咁開半粒鐘一班，咁就真係無可能做得起
但如果開到12/15甚至更密，相信會有唔少人搭巴士
相信大家又會問車從何來，我就覺得應該掟埋5R堆車落條線到
谷密一條線班次好過兩條接駁各自開30分鐘一班

castanopsis 發表於 2017-11-3 22:27
796B當年改入九龍灣會唔會起死回生，係水晶球問題

九工非繁無客，郵輪碼頭得日中非繁有客，理論上可以互 ...

郵輪碼頭唔係一年365日都有船泊無船既日子人流都無,做咩生意?


你見九巴之前想放棄5R平日服務就知咩事

一個區規劃有問題,無理由亂開線燒錢掛?當然運輸署係迫住開線

又怕唔夠客就亂黎

就算九龍灣,15A/107/297/606都係兩繁先多人出入,非繁都少一截

castanopsis 發表於 2017-11-3 22:27
796B當年改入九龍灣會唔會起死回生，係水晶球問題

九工非繁無客，郵輪碼頭得日中非繁有客，理論上可以互 ...

需求低無客就無客，開幾密都無用，
況且 12/15 分班都同個密字都扯唔上任何關係。

谷晒一條線既話，何不谷綠小 86？
郵輪碼頭九龍灣去彩虹黃大仙而唔係轉車既客，我真係不能理解點解會覺得多到值得開到 12 分班。

3ASV174 發表於 2017-11-3 22:08
你個建議尤如將當年臨死既 796B 改入九龍灣，難道條線就會起死回生嗎？

呢條係全日線，但九龍灣真係得兩 ...

如果真係想玩郵輪碼頭、兒童醫院全日線，接駁黃大仙的話，
因為本身都唔會有幾多客，係好應該用本身有替代品的現有路線去改，
而唔係爆條載空氣新線，或者將 RPP 條九龍塘新線變成另一條載空氣新線

最簡單，搵 89B 去改，直接改入九龍灣，入郵輪碼頭，
做埋郵輪碼頭往返黃大仙同車公廟，方便遊客上香

當然隔離 post 新翠出觀塘可能係問題，但假假地沿線的確係有 80 80X 做替代品，
反正 89B 觀塘客量都唔係標青，跌客最多咪左手交右手，
減到車做大條 80 未必係壞事，反正最後係唔加資源下做到郵輪碼頭，整體會做多左客

又或者直接搵 74A 改，因為 74A 本身都已經入緊九龍灣

甚至我諗過再玩大 D，如果埔公線可以進一步重組的話，
74A 食 72A，大埔工業邨經富亨直上埔公，源禾路沙田巿中心後跟 88 直入大隧，
然後經彩虹直落九龍灣，入郵輪碼頭，6 部車 30 分一班，
整體慳兩部車出來，做兩繁沙田九龍灣客不在話下，
仲做埋郵輪碼頭駁東鐵、方便遊客行新城巿廣場

但呢幾個方案有一個共通點，就係用現有資源去做，甚至玩屎忽數，
而唔係倒資源去開一條客源單一的載空氣新線

S3BL100 發表於 2017-11-4 00:06
如果真係想玩郵輪碼頭、兒童醫院全日線，接駁黃大仙的話，
因為本身都唔會有幾多客，係好應該用本身有替 ...

認同可以用現有資源解決
用89B做絕對可以考慮，起碼班次唔算差，而且唔涉及新資源
74A就唔好啦，班次又疏條線又長


不過講真，宜家條空氣新線上咗RPP又見埋報，米已成炊
開得成既機會好大
最後九成都係改條空氣線，改到有客為止

3ASV174 發表於 2017-11-3 22:53
需求低無客就無客，開幾密都無用，
況且 12/15 分班都同個密字都扯唔上任何關係。

其實橫頭磡/黃大仙/彩虹，加加埋埋都都應該有十萬人上下
入九工點都有一定需求
當然會好集中繁時單向，但部分時段開到落12/15應該唔係問題

你問點解唔集中搵86做
遊客線搵小巴做本身說不出的奇怪
但更加實際既原因係，郵輪碼頭本身需求好飄忽，一時無客一時又排曬隊
小巴本身得16-19個位，載客量完全無彈性，係好唔適合應付呢類需求
更加唔好話中間仲有間兒童醫院要做，多人起上來醫院絕對有可能上唔到車
除非你揸車落去包底，否則常規既巴士服務係有必要