由巴膠升級做專業巴膠

s3n370 發表於 2017-10-18 01:31
都唔一定...
年少就放洋讀書0既，就算海外頂級大學或non-jupas入三大
中文可以考極都唔得...

政府運輸署主任好像很著重語文,多過經驗

s3n370 發表於 2017-10-17 13:44
咁講啦，運輸規劃學科嘅學識，剩係巴士公司，或其他運輸機構先用到嘅其實唔多。剩係講物流管理，各行各業 ...

講番你提及嘅工種，港鐵operations雖然會睇到少少鐵路野。
不過如果係睇站同隧道，
工作性質係近似facilities management多過交通。

比較吸引可能係睇列車/systems，
不過呢面就似做巴士維修，
係機電專業而非交通囉。

另外，網絡雖然大幅擴充，
但據知主力係靠現有資源調。
真係要加嘅人未必咁多,
係九鐵公司條新線就有多D想像空間

睇你點定義運輸行業啦,
如果你要做到「路線規劃」, 不管係巴士公司定鐵路公司, 咁真係無幾多個位,
我估多數人都覺得呢個工種最有趣, 所以就算你入到相關機構甚至最相關嘅部門, 都唔一定輪到你做,
TD就更多限制, 不贅; 顧問公司又係睇好唔好彩接到相關工作, 但呢類工作越來越少

如果講「日常營運」, 其實都涉及好多人事管理同埋設施管理,
車長/督察做錯野你要照佢肺, 站長室/休息室有事你要跟, 你話呢D 係咪唔係運輸嘅範疇先?

順帶一提, 呢D大公司嘅高層好多時都係做財務出身嘅人,
佢地嘅決定真正影響到公司嘅日常運作甚至長遠方向,
你地做營運/規劃嘅諗幾多好野出來都畀佢地BAN (另一方面又從佢地身上學到野),
有時諗下係咪做財務仲好?!

講左咁多, 我知作為益人係好難抗拒入公交公司做嘅誘惑, 所以都唔係叫大家唔好入,
但做得一輪你就會更加清楚自己嘅位置, 同埋應該要反思下跟住落來要行嘅路。

leochill 發表於 2017-10-19 09:59
睇你點定義運輸行業啦,
如果你要做到「路線規劃」, 不管係巴士公司定鐵路公司, 咁真係無幾多個位,
我 ...

路線規劃位唔多係事實。
其實眼光擴闊D，唔限於香港，其實係有得做。
最明顯係港鐵，呢期成村人去佐澳門同澳洲。
雖然入手一刻已經過佐規劃，去到設計同建造階段。
之不過中間有乜問題，好多時就要摷番規劃文件諗計仔。

顧問公司機會更多。香港嘅顧問公司好多都係跨國企業/海外公司子公司。
鐵路規劃呢D大job一定係全世界搵人做。
香港人做咁多鐵路，點都有機會掂。
尤其是港鐵有份做嘅，就算主力係當地人，
點都搵番班香港人招呼。
不過如你所言，輪唔輪到咁解

以上只限於鐵路規劃，因為全世界做法大同小異，只係審批過程唔同。
巴士路線規劃就窄D，規矩本身因地而異。
本地公司海外業務所餘無幾，有心都近乎零機會。

離地兼離題遊完埠，番回現實。
現實中管錢固然大聲，管物業收租同樣大聲
。
麻煩到租客，收少D租一樣俾人省到暈

不過初出茅蘆，或諗緊讀乜科，
就唔好諗住管錢管物業大聲，就貿貿然讀商科啦。
讀好多人覺得搵唔到食嘅文理都好過讀商。
商業財務响社會大學浸得多點都會識，中途再讀都唔難。
讀文學練到思維，理科邏輯實學。
要返轉頭學係難好多。
文理科嘅訓練更獨到，响商業社會deal同樣有用。

最後講番限多多嘅TD。
呢度大把人覺得混吉可以呼風喚雨，實際係最最最無癮嘅位
就算有幸坐到管到巴/鐵嘅位，最正只係睇到哂巴/鐵入乜文件，同埋只能按例批或唔批。
除此之外係零影響力。
認識嘅深入程度，可以九成九肯定仲少過巴/鐵公司管設施、人事，甚至會計。
入得文件俾個官批，正路隔乾隔淨哂，
仲要係最後一個先知。
呢度最juicy最引人入勝嘅邊社消息，
正路嘅發展過程辛酸係完全唔會知。
係公司/顧問入堆垃圾入黎，先可以擺少少官威囉。

更重要係，做巴/鐵公司話哂有無敵巴/鐵乘車證，
間唔中仲有員工限定小禮物，對巴鐵膠黎講，搵到下食，都係有吸引力架。
混吉真係得個桔，只係整體黎講每月份糧個銀碼大D﹙其他福利就﹚，
份工穩定D，想穩定就啱做囉。
前提係爭得贏一大班求高薪穩定嘅人，
重點係對客運有認識無乜著數，反而語文溝通好係著數好多。

仲有D膠，或者理想就真係諗過先啦。
嘅

推一推返上黎先

讀緊某 soc sci科,
如果想做 TD 運輸主任/巴士公司行政, human service 既科係咪會更加相關 ?
MINOR 物流係咪都會好D

s3n370 發表於 2017-10-19 13:47
路線規劃位唔多係事實。
其實眼光擴闊D，唔限於香港，其實係有得做。
最明顯係港鐵，呢期成村人去佐澳門同 ...

如果賤格D，做幾年運吉之後跳槽呢...

做得TD仲點會出番來做其他公司?

3AV120 發表於 2017-10-23 15:27
做得TD仲點會出番來做其他公司?

入面流失率都幾高下

iseen 發表於 2017-10-23 15:52
入面流失率都幾高下

係Transport Officer 多人走定Transport Executive 多人走? 後者係非公務員都無得怪，但TO係公務員位應該大把人想做
另外我有興趣知唔做政府係交通行業又可以係邊間公司做?(唔好計有多年政府經驗之後去顧問公司/大型公共交通機構等案例)

Charon1999 發表於 2017-10-23 15:09
如果賤格D，做幾年運吉之後跳槽呢...

有幾賤格呀，咪又係工一份？
永遠都係屁股決定腦袋（坐乜位，就用果個位置的思維處事）

一畢業就入政府，好難跳得番出黎

s3n370 發表於 2017-10-19 13:47
路線規劃位唔多係事實。
其實眼光擴闊D，唔限於香港，其實係有得做。
最明顯係港鐵，呢期成村人去佐澳門同 ...

運輸署當然無能力夠呼風喚雨但亦絕對唔係你講到咁0影響力
事實上 影響力都唔細
亦都唔一定做巴士策劃既運輸主任同事先過問到巴士路線發展
一般做區既都會有好多機會接觸

不過，興趣同事業係兩樣野
做野就要有做野既原則標準
無人出幾皮糧比你呢齋睇D好juicy既野
更加唔能夠比興趣凌駕到專業

btw 運輸主任都無幾多個係巴膠
巴膠知識有無幫助投靠？
我唔敢講無
但如果膠上腦就考TD又好，九巴，新巴都好，都會陣亡。