作為一個向灣區定居左十幾年既人,我講講我既睇法
首先同樓主講,你真係揀到好日 呢兩個星期係我黎左呢到咁多年最抖唔到氣既兩個星期 尤其頭一個星期,比香港甚至大陸還要差好多
回正題,其實樓主就算去oak搭都一樣有機會出事 我姑姐三個月前向LA上黎玩左兩日,返去就出事 佢搭spirit,下午五點既機,結果5點鐘,部機仲向東岸 10點部機先到oak,可幸係我屋企去oak十分鐘都唔使, 睇住部機真係降落左先出發都未遲 而呢個絕對唔係個別例子
對我黎講,無論巴士定飛機甚至Amtrak 都唔係來回灣區同LA最好既選擇 因為任何一樣都要面對到步後出行既問題 始終六個鐘既揸車路程唔會慢過乘搭交通工具幾多 我自己落LA每一次都揸車,大約一半路程有間食牛扒唔錯既餐廳 再揸埋最後個一半路,其實一d都唔辛苦 當然,有好多人係懼怕揸長途車或者唔識揸車 對呢d人黎講,巴士同飛機都係好既選擇 至於Amtrak,算把啦,又貴,又慢
至於上面提到既1號公路,你起碼要預一日時間先睇得哂 我到而家都未行過,但就試過行隔離既101返 好行過1號公路十幾倍都揸左8個鐘, 再加埋影相食野,我諗冇14個鐘去唔到LA
另外美國有唔少城市冇車都生存到既,東岸大把 即使西岸,就三藩市就已經係一個冇車比有車更好既城市
|