[Wythall, UK] (8/10/2017) Autumn Running Day (有矮身Ailsa！) [50pic+5vid]

又再一次去Wythall Transport Museum嘅running day，今次雖然冇特別話係乜乜幾多周年（其實我覺得今年可以算係Metrobus嘅40周年，話晒原型車TOJ592S係1977年12月出牌），但係一樣咁精采，重有唔少驚喜。
派車&時間表：http://www.wythall.org.uk/octoberbuses.pdf

當日嘅主角就係呢部DAF DB250LF／Optare Spectra，最近先至修復返做啱啱投入服務嘅模樣（同退役冇耐嘅狀態比較吓：https://www.flickr.com/photos/31973233@N08/21986418870/）。佢嘅身份有幾特別？佢就係英國第一部低地台雙層巴士，真正嘅「一哥」（車隊編號最初直頭係1）：

車尾亦係完全跟足原著：

屬於Midland Classic嘅「二哥」R2NEG，同「一哥」都有行停車場接駁線：

「二哥」嘅車尾：

跟住到「珍寶happy hour」，不過陣容同前兩年比就有啲失色，只得三部車。第一部係WDA956T，特別在佢喺1994年畀West Midlands Travel改裝成單層，同時車隊編號由6956變成1956。改裝嘅原因並唔係撞橋之類，而係想減低營運成本（單層巴士司機人工低啲），不過後來取消咗個計劃（將所有司機劃一人工），所以只係改裝咗呢一部：

同車頭嘅巨型牌箱比，車尾就冇咁唔順眼：

除咗因為冇咗條樓梯而光猛咗少少之外，個感覺基本上同雙層版冇分別。另外，留意右邊加咗個水塘位／多用途空間：

少咗一層之後，表現自然爽過雙層版，不過避震就硬咗同彈咗，而且我亦唔多鍾意司機嘅轉波手勢，雖然可能呢隻先係服役時最常見嘅揸法：


跟住係呢部1975年嘅Park Royal車身珍寶，丹拿嘅型號名同底盤編號，但係出產自利蘭廠房：

細心聽嘅話，會聽到每當入空波時（尤其係由一波入空波），都會有一吓鬆開波箱brake band嘅放氣聲：


最後又再搭到呢部KOX780F：

三部之中我最鍾意呢部，一來把聲最啱我口味，二來司機（同上兩次搭一樣）轉波轉得最好，喺空波停留得恰到好處，拖波又有補油，唔會挫亦唔拖泥帶水：


緊接住就到下一個環節，四部Birmingham City Transport嘅半駕駛艙雙層一齊去以前29A線嘅終點站The Baldwin合照：

去程搭呢部1937年丹拿COG5，係Birmingham City Transport戰前主力之一。值得一提，呢個Metro-Cammell車身並唔係原裝，而係喺1950年換上去（因為當年維修制度似London Transport，將底盤同車身分開大修），原本屬於1939年出廠嘅同款車FOF216：

車尾似乎加裝咗剎車燈同指揮燈：

部車嘅歷史簡介：

古色古香嘅車廂：

COG5嘅駕駛室，先選式波棍當然係4961嗰隻舊式設計。錶板左上角並唔係風錶，而係真空壓力錶，顯示嘅係缸內負壓，因為剎車系統本身係液壓，再加真空servo輔助，唔似得而家直接用風壓剎車。左邊個手抽係撻車同熄匙用，而左下角枝棍有塊牌叫司機「撻車時推入，撻著咗拉出」，應該係用嚟操作個compression relief lever（去到早期6LXCT都重有），頂起部分氣缸嘅進氣閥，以減低撻車阻力：

底盤出世紙：

COG5大概可以算係戰前版CVG5，兩者都係用吉拿5LW引擎同Wilson先選式波箱（最鍾意空波同低波嘅聲），再加丹拿自家液壓飛輪，唔知把聲似唔似？部車狀態極好，引擎唔震，車身唔嘈，避震重好坐過珍寶（當然可能係因為珍寶行得快好多）：


呢部CVA6（即係用AEC六氣缸引擎嘅CVG5）喺1947年出廠，都係用Metro-Cammell車身，望落明顯新過部COG5。回程就係搭佢，因為想試吓AEC+丹拿呢個組合，不過除咗空轉聽得出係AEC引擎之外，實在試唔出啲乜，因為唔知係唔係飛輪或直濕有事，一上高轉就猛咁震，所以冇拍到片：

注意，部車冇指揮燈！因為嗰個年代嘅標準仍然係向左右伸出去嘅trafficator（左邊嗰枝舉起咗），會著燈但唔會閃：

似乎嘥咗兩個位嘅直梯：

呢部1950年出廠嘅Titan PD2/1配上Park Royal車身，同跟足Birmingham City Transport標準設計嘅Metro-Cammell車身有明顯分別：

第四部就係用新款Metro-Cammell車身嘅阿拉伯四型，細節上仍然有上一代車身嘅影子：

非常新淨嘅內籠：

仍然係直梯：

駕駛室一樣係閃令令，枝波棍係坐地式嘅先選式波棍？

驟眼睇落，呢兩部伯明翰咀雙層冇乜分別，原來一部係阿拉伯四型，一部係CVD6：

三部都係利蘭half-cab，單層係Tiger而雙層係Titan。HOV685個車身係Brush跟住Birmingham City Transport自己嘅設計而造，至於點解JOJ222嘅Park Royal車身唔使跟個設計就不得而知：

當日最令我驚喜嘅就係呢部矮身Ailsa，從來只得一部，絕對係珍禽異獸。部車本來屬於Derby City Transport，原車牌RTO1R，兩次被現車主4738 Group由劏車邊緣救返出嚟並修復：

車尾望落冇車頭咁唔合比例，但係咁細隻下層側窗同咁大嚿行星齒輪尾軸總係唔太夾：

車主帶咗我同朋友上車參觀，先影錶板，一見到枝手掣推咗上去真係嚇一嚇：

上到車先知原來矮身Ailsa除咗上層車頭之外，連下層都咁勉強，最明顯嘅係車廂中間凸咗個波箱冚出嚟，而左前輪拱旁邊亦比一般Ailsa多咗一級：

受個波箱冚影響，走廊要偏埋左邊，結果啲凳要左窄右闊，似乎真係整3+2排列都唔過份：

由車尾太平門望向前，除咗見到走廊偏埋一邊之外，亦可見到車頭天花板係平而唔係拱起，因為要為登車通道同司機位提供足夠headroom：

矮身Ailsa嘅上層車廂，後半部同一般Ailsa大同小異。另外，車主話車頭左邊四張單丁位嘅凳背塊墊都係來自Tyne & Wear PTE嘅Ailsa：

正因為下層車頭天花板係平而唔係拱起，所以上層車頭嘅凳（包括右邊樓梯前嘅二人位）都升高咗一級，亦令到上層車頭天花板都要變平嚟保持返個headroom，結果就係車頂望落腫起咗：

同一般Ailsa唔同，條樓梯係向後上，所以樓梯前可以裝到一張二人位。另外，頭窗係少見嘅平頂版（香港除咗AV1同V1都係平頂，但本土尖頂Alexander AV／L系列車身絕大多數都係用向中間斜上去嘅頭窗）：

梯級比一般Ailsa普通得多：

車主跟住帶埋我哋上去呢部West Midlands PTE嘅Ailsa（就係4738）：

上埋司機位，留意咪錶係VDO出品，其他都係英國車常用嘅Smiths：

水撥掣同波棍，算盤子左下角除咗係撻車時要入嘅S波，同時係開門要用嘅door lock：

車主話部車賣過去倫敦，當年曾經換過電牌（唔清楚係咩牌子），修復時裝返攪牌：

下層車廂工整過矮身版好多：

正常嘅波箱冚，車主話蓋上面嘅地板冇翻新過，因為佢哋搵唔到啲咁薄嘅地板：

同最典型嘅Ailsa上層車廂相比，WMPTE呢批50部車有兩樣嘢唔同，一係平頂頭窗，二係樓梯後裝咗倒頭位，而凳底嘅係上下層共用嘅暖風機：

因為樓梯係向前上，所以車頭比矮身版少一張單丁位：

最典型嘅Ailsa樓梯：

參觀完兩部Ailsa之後，已經過咗四點鐘，先至有時間去搭758呢條停車場穿梭線：

6835係West Midlands PTE喺1978年引入嘅頭五部樣辦Metrobus（6831-6835）之一，同MC同期，隻色亦巧合地同MC有七八成似。個人認為，咁似嘅原因係黑窗框、忌廉腰線同黑裙腳都係MCW當年出樣辦車時，喺巴士公司基本塗裝上面加上去嘅「創意」，結果中巴照單全收，WMPTE就改少少再用落量產版度。前幾次嚟都見佢泊喺倉入面，今次終於整返好有得搭：

修復得幾原汁原味，美中不足係頭燈框用咗新款（最早期嘅頭燈比較近中間，即係MB／MC嗰隻，同舊款長形霧燈對齊，新款頭燈就同圓形霧燈對齊），同埋下面個網冇咗向左右伸出嗰截（呢樣真係罕見，現存修復得最原裝嘅車咀可參見SELNEC Preservation Society嘅5001：https://www.flickr.com/photos/31973233@N08/27549058615/）：

內籠就當然唔會似MC：

一直想搭6835，今次終於如願以償。搭咗半日葉片懸掛嘅車之後，突然坐返部軟綿綿嘅都城，嗰種反差實在好正；而喺停車場返博物館嗰程幾乎係空車，行車表現就更加爽：


最後搭尾班車走嗰陣，補多張車尾相：

多謝點閱，歡迎討論

睇見師兄果幾張Ailsa内籠相,
令我聯想起曾經o係英國展出過的中巴AV2
相比下中巴内籠一點都不比英國版的失禮
呢三張相係我o係好耐以前從flickr save返來的
宜家已經揾唔番條link

ME 發表於 2017-10-23 00:01
睇見師兄果幾張Ailsa内籠相,
令我聯想起曾經o係英國展出過的中巴AV2
相比下中巴内籠一點都不比英國版的失禮 ...

你呢三張相我搵返出處：https://www.flickr.com/photos/23207961@N07/albums/72157629681102523

講開Ailsa，我之前搵到張Alexander AV型車身嘅brochure嘅圖，有埋AV2-8 seating plan，不過唔記得出處：



再貼埋部矮身Ailsa嘅底盤相，來自Stewart J. Brown本《Volvo Ailsa》：

多謝師兄好圖好文, 大開眼界.  有 d 問題八下:
   
1. 1994 年改珍寶做單層, 當時珍寶都退得, 就算個 Project 雙層轉單層照去, 改完既珍寶都吾會行得耐.
   
2. 阿拉伯四型 (JOJ548) 真係好靚, 特別係個錶板及手掣, 新車咁既樣.  呢批車同中記二手 MW LW 差吾多時期?
   
3. Alisa 支波棍, 才記起以前座 AV 斜路起步 1 轉 2 由左上轉中上.
   
4. Alisa JOV738P 下層尾二排向後座, 以前 AV2 係向前又高一級, 座 AV 及 LX 好鐘意座呢個位.
   
5. Alisa JOV738P 車廂燈罩, 以前細路仔座 AV (好似係 AV8) 時見到咁既款好特別, 英國除 Alisa 外多吾多車用呢款燈罩?
   
6. AV 樓上印象中全部座係向前, 定 AV1 上層樓梯後第一排向後??  吾記得了.
   
以前好鐘意座 AV, 感受最深係避震柔, 把聲又岩心水.

tridents 發表於 2017-10-23 13:03
多謝師兄好圖好文, 大開眼界.  有 d 問題八下:
   
1. 1994 年改珍寶做單層, 當時珍寶都退得, 就算個 Proje ...

1. 呢層我真係冇諗過，睇返原來West Midlands嘅珍寶97年全退（https://www.flickr.com/photos/wda4t/15809493193/），時間上確係有啲難明，如果係80年代中啱啱開始deregulation嗰陣改單層或者都算合理？

2. 查返原來佢1950年已經出牌，早過晒MW（1956）同LW（1958），見佢成部車都立立令，實在睇唔出佢車齡

3. 另一部Ailsa MK1嘅錶板，似乎一波唔一定喺左上角：


5. 唔係exactly同一款，不過喺BMMO D9上面見過類似嘅燈罩：


6. 正常Ailsa上層應該係全部向前，4738樓梯後面裝倒頭位係因為凳底有暖風機，呢部Maidstone & District 5385就最正宗：

再者4738嘅車身規格都唔係普遍標準，最明顯嘅分別係下層平面擋風玻璃同上層平頂頭窗，下面呢部5385先至係最經典嘅Ailsa樣：

歷史簡介（https://c1.staticflickr.com/5/4429/36589149262_310c07e575_o.jpg）：

West Midlands嘅三部樣辦Ailsa之一，個樣都同量產版嘅4738唔同：


完全同意，Ailsa避震比第一代後置引擎雙層（尤其係珍寶）好得多，行起上嚟又夠力，把聲重好有層次

謝師兄回覆交流.
  
Ailsa 避震柔得黎無咁凳, 其實頭 10 年珍寶避震吾差, 之後殘哂好鬼凳, 與 Alisa 比一定 Alisa 避震靚.
  
如果同雞車比我都鐘意座 Alisa, 論靈活可靠實用維修始就終係雞車, 玩就 Alisa 一樣好玩.
  
岩岩留意到 Alisa 波棍無類似珍寶個種後波保險桿或掣?  又諗起以前 BR TC 係咪都無類似後波保險.
  
見到 5 波坑有塊片, 拉左落 5 波後封哂坑只可拉返上 4 波?  其實咁多年都吾明珍寶入左 4 波後點解一定要先上 3 波才可解波坑鎖, 要玩野掃波牙用閃電手 4 上 3 再上 1 仲得.
  
聽朋友講佢地對住 Alisa 評價吾好做, 引擎 cc 細好鬼雞又成日漏油, 對比成廠都係吉拿車, 又簡單易整既紅番頭珍寶半自動波箱, 呢類冷門車幾蝦人整.

tridents 發表於 2017-10-27 11:25
謝師兄回覆交流.
  
Ailsa 避震柔得黎無咁凳, 其實頭 10 年珍寶避震吾差, 之後殘哂好鬼凳, 與 Alisa 比一定 ...

Ailsa同九巴AM嘅避震係我搭過嘅葉片懸掛巴士之中最舒服嘅，實在唔明佢哋係點樣做到

Ailsa、National、Olympian同Titan都係用類似呢隻波棍，後波確係冇另一枝保險掣，不過其實左上角（Start或一波）同右上角（後波）都係要抽起枝波棍先至可以推入去，類似手掣嘅保險：

至於塊鐵片，呢個算盤子應該係畀人玩到壞咗，走晒位

珍寶個波子機亦唔一定有嗰塊鐵片，例如DMS就冇，因為佢原裝係自動波，四波位變咗A波，而A波一定係二波起步，所以有必要容許波棍直接由四波位去一波位：


聽聞富豪引擎平時可靠性唔錯，但一要維修就好麻煩？
http://commercial-motor.cdn.netcopy.co.uk/issues/1st-december-1979/59.jpg?size=x&token=375e6b2b7ea92f26f7dae1575c748315

http://commercial-motor.cdn.netcopy.co.uk/issues/1st-december-1979/60.jpg?size=x&token=3624b1b7ce949138f43d503078927fcf
至於波箱，雖然係五前速，不過總算係SCG半自動，我諗點都同紅番頭&珍寶嘅波箱有啲共通點啩？

EN1504-201 發表於 2017-10-30 20:44
Ailsa同九巴AM嘅避震係我搭過嘅葉片懸掛巴士之中最舒服嘅，實在唔明佢哋係點樣做到

Ailsa、National、Ol ...

謝圖文解釋, 終於明後波保險操作, 睇完張相先知, 如來波棍同珍寶波子一樣係 CAV.
  
另提及 DMS 自動波行 A 模式係 2 波起步?  批車本身 5 個波?  港版手動珍寶 2 波起步無力死吾斷, 坡柴本身 5 個波用 A 模式 2 波起步平路都夠力.

坡柴 635 682 683 行手動 5 前 1 後 6 條坑, 印象中後波保險桿係打橫, 吾記得了.

AV 避震好得, 但 AL 就好似座珍寶咁兩個世界.
  
論副車頭, 曾經聽朋友講過副車頭好雞, 落車底做野好甘因出名漏油得閒滴二野好易中頭獎, 另外朋友好強調 cc 細, 佢吾係巴士迷只係技術角度討論, 論點係細 cc 吾岩香港用只會谷死車頭, 始終一萬 cc 推大車先合理, 怡家歐五行 8900cc 朋友作為基層低學歷維修人員, 其實好反對用細 cc 推廿幾噸仲有 3 個冷氣泵.
  
波箱聽朋友講紅番頭及珍寶同屬半自動, 但內裡設計完全吾同, 曾經問過佢點解珍寶好易冼波, 紅番頭又未遇過, 朋友講珍寶轉波靠風推把唶去頂波牙入波 (Sorry 太技術吾係好識講), 每到日修佢地要攝返高 d 皮令把唶可再頂實波牙, 當行耐左又無攝返高 d 皮就會冼波, 而紅番頭設計吾同吾需要攝皮.
  
印象中座 AV8 行 Voith 行起黎好柔但力水普通, 可能力水吾及 6LXB 及雞車大尾牙, 已經係細路仔時印象了.
  
另外小弟不才, 想問下 Mk1 及 2 分別, 及 AV8 外多吾多 Ailsa 配 Voith.

tridents 發表於 2017-10-31 00:28
謝圖文解釋, 終於明後波保險操作, 睇完張相先知, 如來波棍同珍寶波子一樣係 CAV.
  
另提及 DMS 自動波行  ...

如果冇理解錯，DMS原裝同Routemaster一樣，A波只係會用二至四波，一波要手動入：
http://commercial-motor.cdn.netcopy.co.uk/issues/28th-february-1981/52.jpg?size=x&token=fbe30d540046c2f611fc4b1322ff55a1
http://commercial-motor.cdn.netcopy.co.uk/issues/28th-february-1981/53.jpg?size=x&token=7955d7890a012fce0106182d735e2d9f
至於坡柴同Ailsa個五前速半自動（應該都係wide ratio，Olympian就通常係close ratio），就係加多咗個大齒比一波，所以二波係等同四前速版嘅一波，平路用佢嚟起步先正常

搵到張半自動坡柴嘅駕駛室相，似乎除咗後波之外，連一波都有保險掣：
http://www.hkitalk.net/HKiTalk2/thread-415819-1-1.html

Ailsa副引擎得6.7L，就算用而家嘅目光（例如AMC1嘅ISB6.7）去睇都係偏細，只能靠高轉數出馬力，推12米車實在過份，就算推兩軸我諗都係加埋aftercooler會比較穩陣

我都知紅番頭同珍寶嘅波箱設計唔同，因為前者係正常嘅一邊輸入另一邊輸出，珍寶就係同一邊輸入同輸出，不過冇諗過原來兩者內裏結構都唔共通
師兄所講珍寶要「攝皮」而紅番頭唔使，我諗係兩者波箱（珍寶一直跟丹拿Daimatic設計，紅番頭可能去到後期已經換晒SCG GB340？）活塞同brake band之間嘅連桿設計有分別
珍寶／Daimatic：
Leyland／SCG：


至於MK2有乜改動，以我理解就係司機位升高咗，同埋錶板似乎換咗MK3嗰隻，不過so far我未曾見過，唔太肯定重有冇其他分別
而Voith波箱喺Ailsa MK3上面都幾常見，我之前搭過一部：

謝師兄指教, 以前望住 XF 波位寫 123A 原來本身係自動波.
  
紅番頭及珍寶波箱, 曾經問過朋友邊款襟行好用 d, 佢意見係設計吾同好難比較, 有聽佢提及過二者都係容易學容易整維修工序吾難.
  
近代富豪車頭優點平均計頭 5 年可靠好少野壞 (甚至無野壞), 由超豪到現今 B9 頭 5 年一樣可靠, 之後有野壞就比較複雜難整, 聽朋友講好難用現今富豪質素去量度 Ailsa 年代既引擎, 但在當年黎講吉拿可靠耐用程度高容易跟容易整, 今時今日馬後炮咁吹水, 又真係情願當年捱貴車買珍寶, 最少營運上及出車率比 Ailsa 可靠實用, 雖然小弟鐘意座 Ailsa 多過珍寶.