轉車站行人出口問題

眾所周知，去某啲地方郊遊，最理想交通方法係喺隧道轉車站行上去，例如大欖隧道轉車站行上大欖郊野公園，大老山隧道轉車站行上沙田坳，或者香港仔隧道轉車站行去海洋公園。

但係唔係每個轉車站都可以俾人咁做，例如去城門水塘郊遊，城門隧道轉車站竟然無行人出口出返附近嘅城門道。我打電話去隧道公司問，喺上面行完山應該點樣搭返車去沙田，職員竟然叫我去可風中學上車。咁大個轉車站就喺旁邊竟然無一條行人通道俾人入去搭巴士？！

大家都係隧道轉車站，點解某啲可以有齊完整配套（如欖隧直情有個停車場，俾人揸車入去轉巴士），另一啲想揾路走都無？重要城隧個情況，開條行人通道出城門道應該好容易啫，方便下上面村民搭車都好啦，其它好多轉車站都能大幅方便附近村民搭車。

我打咗俾幾條隧道行政大樓問，城隧嗰邊叫我喺可風中學搭車（由城門水塘）、青沙公路上大埔公路就話行唔到，獅隧口落仁安醫院亦都係叫我搭埋車落下面，至於青馬橋就話間中有釣魚客會直接喺九龍方向轉車站行出海旁。啲隧道轉車站有啲行到，有啲行唔到，咁咪好容易中伏？

城門隧道一例，假如要開放供乘客直接往返轉車站，便要取消以現金支付車資
的乘客能享有的轉乘優惠，就算以使用用八達通為主的今天，要取消一個轉乘
優惠實談何容易。

而獅子山隧道收費廣場並沒有任何行人徑前往仁安醫院一帶。

城隧轉車站唔洗拍卡都可以有優惠，完。

我想做一個統計, 呢度有幾多人會以為去仁安醫院可以在獅隧出口行落去?

郊遊前唔係要查清楚點去架咩 ? 如果咁都會中伏 請問你上到山點行好 ?

kiwai 發表於 2017-11-9 13:06
我想做一個統計, 呢度有幾多人會以為去仁安醫院可以在獅隧出口行落去?

事實上經維修梯係得，我試過，但當然，下次不了

城隧係香港第一個巴士轉車站，乘客都係用俾散銀坐途經轉車站嘅路線。封閉式管理可以確保所有人都係轉車客。
其他轉車站只係八仔轉乘會有優惠，八仔無上一程車紀錄就會扣返隧道口個分段，當然可以容許街客入轉車站坐車。
除非將城隧轉車模式改成只容許八仔轉乘，否則唔可能將城隧轉車站開放。
況且，城隧轉車站可以便利到幾多街客呢？街客多定係轉車客多？

P.S. 可否先思考下先出post？

你都叫佢做轉車站，佢設計係俾人轉車，何罪之有

eternalflame 發表於 2017-11-9 13:37
城隧係香港第一個巴士轉車站，乘客都係用俾散銀坐途經轉車站嘅路線。封閉式管理可以確保所有人都係轉車客。 ...

城隧加返個閘機一樣可以比街客入去轉車

nwfb23 發表於 2017-11-9 13:38
你都叫佢做轉車站，佢設計係俾人轉車，何罪之有

轉車站 : 坐完一部車﹐轉另一部車。

仲唔係轉車功能?


有無行人出入口﹐係要睇車站環境﹐唔係一定可以提供的。
城隧轉車站﹐四周都係行人禁區﹐而且又係在天橋之上﹐點整條路出來?

穿行政大樓﹐又牽涉行政大樓的保安﹐同埋都有員工車輛出入﹐對閒人來講可能構成危機。
而去荃灣方向﹐要經橋底的通道﹐雖然極少車行﹐但唔代表都係安全的 (包括其他罪案的溫床)。

行得去行政大樓﹐都唔差在行多幾步去可風等車。