72A有咩方法谷下佢? 火車故障, 佢幾大程度幫到忙?

又係你
其實條路通既話坐咩線都唔慢，係咪都要谷埋佢地？
拉入教院？學生有校巴搭。
美林去大埔搭鐵都得啦

今晚係禾輋邨等緊72A，發覺排隊條人龍去到站尾之後嚟左架 AVC 企滿咁濟，證明都仲有人支持巴士

以前70都唔慢，坐正喪強開一個鐘可以由佐敦去上水，是否要重開呢？

其實一直72A都係有客架，行熱狗年代，返工放工係要企人大埔<>沙田，
只係東鐵有過境補貼本地(東鐡段)車費太便宜，九巴全冷後價錢差太遠，九巴想做都做唔起，唔夠人平。
如果收回K巴成事，無左轉乘優惠，可能會好客好多。

有心既要做起72A唔難, 只係睇九巴有冇心同放唔放得低~ 72A唔經沙角改經沙田市中心, 72唔入沙田直接行大埔公路走~ 而家沙田市中心就算72都有人上咁72A平左要引到人其實唔難~ 再者返大埔新區其實不比火車要轉車既時間慢, 如果加密到全日20分鐘吸客唔難~ 而沙角客仲有條74A影響不大(只係由30分鐘一班變左60分鐘一班)~問題係九巴要放棄72 沙田>九龍 無分段客收平$3.2坐86~ 因為點計 沙田>大埔 客其實72轉坐72A對九巴只係左手交右手(仲要收少左DD), 而咁改72A有冇可以吸到比現時72+72A更多既 沙田>大埔 客?? 72改快唔經沙田收少左既又會唔會因為快左而搵得返?? 前者有機會多左但未必好多, 而後者就未必因為72都已經係唔算太慢既方法~

係咁既情況下好難要九巴改, 而唔改既情況下其實72A又未去到可以加班~ 所以要做起72A有一定既難道, 或者要得擴闊工程完左可能吸引到九巴大執72+72A~

Choi 發表於 2017-12-12 00:03
以前70都唔慢，坐正喪強開一個鐘可以由佐敦去上水，是否要重開呢？

誰是喪強?

城巴72A 就話 大埔果條唔cut 都算好 問心 72 72A 73A 74A 有邊條做得起? 唔係72 出到荔枝角叫做好少少之外 睇吓以前放奧運站 大角咀年代開35 分鐘一班啦
埔公線醫好哂藥費 我當火車由大圍沙田返大埔發癲咁加到10 蚊都大把人搭
原因巴士又慢又兜

用車源角度諗,雖然
72A加到全日20分鐘
一班都未必要加車……
73A負責緊大窩西轉乘
早前有提議72A在沙田
改停富豪花園,提供轉乘
出東九嚟將74A取消,變相
令源禾路上埔公得返72係
獨市兼無分段。

72A其實定位係埔公
至港鐵嘅接駁(綠小28K
繁時不夠載且暫時未能上
輪椅)所以現階段喺其餘三線
唔減班嘅情況下再加72A班次,
就顯得效益太低且有點浪費。

上面幾層都講明東鐵
相對地便宜,72A最多係
做下離港鐵站太遠嘅散客
(瀝源/禾輋、埔公、教大)
用AVC要企位而唔係上唔晒,
12米雙層都要企嘅,先講加班啦。

樓主會唔會全港路線都比你谷晒