72A有咩方法谷下佢? 火車故障, 佢幾大程度幫到忙?

mrkelvinyu 發表於 2017-12-11 23:58
又係你
其實條路通既話坐咩線都唔慢，係咪都要谷埋佢地？
拉入教院？學生有校巴搭。

係，我都發覺樓主好興話啲多人坐嘅線少人搭（另一個 post 先講緊 681 少客，而作為常客嘅我明明成日都要做閘長返馬鞍山），而又覺得少人坐嘅線大有可為。

順利村 發表於 2017-12-14 21:23
82C去科學園上位率都唔低, 開線都有54%, 而家肯定過60%如果74A改行咁就大半條大涌橋路早上都有直入科學園 ...

前面就話班人去中大搭晒馬鐵轉東鐵, 冇理解錯應該係講緊沙田班客, 但係去科學園就會搭巴士.

既然講到咁有作為, 8:05加開一班74F由啟業開, 經啟德北入新蒲崗, 富豪花園後經濱景去白石角, 最後入大埔.

而唔係整到撞唔正返工時間的74A入科學園, 亦搞到埔公要兩個鐘頭先一班74A, 阻住班常客.

順利村 發表於 2018-1-6 18:51
常客常客, 都係得幾丁友改入科學園, 話晒都係客倉
點都唔會有幾丁友先
仲未計番工中意早到果D人

呢度一年之中幾多建議呢條線入大學站, 嗰條線又入大學站, 實際上有幾多條線入到大學站?

今年RPP建議左74P加班加回程, 我又已經講左74A啟業開到科學園唔啱時間, 你都仲死都要影響本身條線嘅結構.

九巴而家越來越肯將資源投入鄉郊地區, 74A開30/45/60分鐘一班已經幾年, 漸漸穩定落嚟, 唔再點大搞佢, 假日亦派多左雙層, 證明左現階段到左cut班底線, 繼續為大埔公路服務, 佢業績如何, 睇沿線反應囉!

你而家又諗呢樣諗嗰樣試圖將慢慢建立嘅新秩序推倒, 即使經科學園 白石角幾可肯定好客過山路, 但對山路而言, 你成日話改呢樣改嗰樣, 係咪個個都適應到?

同大約十年前亞視一樣, 有節目做得好, 開始多人睇, 就將個播映時間改左, 原本睇緊嗰班人, 同一時間開電視變左唔啱睇嘅節目, 咪唔睇囉, 到王征上場, 就整埋啲完全唔啱睇嘅節目, 本身已經係小眾生意, 都要趕走埋... 你就係做緊王征呢類人.

74A現況係咪差到需要改路線, 呢兩年RPP仲有冇提呢條線? 冇嘅話, 其實已經達到左當年目的, 轉型為東九-大埔公路的鄉郊線, 做74X 75X做唔到嘅嘢.

當年輔助74X大埔新市鎮段的角色, 已被後起的74BCDE逐步取代, 呢堆線之中, D線係大窩西支路 白石角全日線, 今年建議入埋大埔林村, E線做汀角路 鳳園, C線做大窩西支路 太和 富亨 新興快線, X特班做運頭塘 廣福, B線入九龍灣, P線就做白石角, 2字頭做觀塘特快返大埔, 嚟緊T線會輔助港鐵, 又做到太和 運頭塘.

數得出大埔區每一條邨每一條鄉郊馬路都填滿晒東九線, 處於大埔新市鎮前沿的埔公, 你就想將唯一路線都掟埋去重疊, 咁樣反其道而行係咪合九巴心意?!

早幾日RPP一出, 74D客量數據幾多人唔相信, 個個以為行鄉郊客量就一定差, 禾稈冚珍珠有幾多人識?!

科學園同大老山咁順路, 就無謂再搞行獅隧嘅74A, 74A班次係60分鐘一班, 沿線需求就只係support到呢個班次, 九巴又肯keep住, 你耐佢何?

wally 發表於 2017-12-12 05:25
有心既要做起72A唔難, 只係睇九巴有冇心同放唔放得低~ 72A唔經沙角改經沙田市中心, 72唔入沙田直接行大埔公 ...

其實 72A 係乙明邨個站都有一定使用率
放棄呢個站可能會失去唔少客源

城河東去大埔坐鐵唔方便，72A做唔起因為狗巴唔諗點搞翻生佢，客源唔係無，因為唔好搵，繼續30分一班好難吸引人

唔係字大講嘅嘢就啱嘅, 74A由十幾分鐘一班行熱狗, cut到三十鐘一班轉冷再轉單層, 大大話話倒走左一半客有多, 入埋九龍灣同要佢死冇分別, 你就話轉去啟業早期客量有增長, 你講嘅早期有幾長? 個別班次?

整體嚟講, 改去啟業之後客量只有低處未算低, 要繼續cut班到45/60分鐘.

由十幾分cut班cut到改線, 改線後再cut班, 呢度好多人都鬧爆九巴, 包括我, 因為冇人知道做乜要整死佢, 九龍灣未成氣候就改線, 整多佢一鑊, 呢點係我由當時知道有建議, 一路到落實, 執行, 直到今時今日都唔明白做咩要縮入九龍灣, 特別係近年開左幾條74系鄉郊分支, 全部都入觀碼嘅時候.

唯一諗到嘅理由就係要做低條線, 搞到個班次有咁難睇得咁難睇, 先配合到鄉郊主題, 因為入觀塘的需求一定比九龍灣高好多, 而家改線大業完成, 客量穩定左, 但就唔拉番去觀碼, 今年借輔助港鐵名義開T線做晒74A沿線太和+運頭塘, 做特快收多幾蚊入九龍灣去觀碼, 問你服未?!

而家整個大埔-東九big picture已經近乎完成, 可惜冇人識欣賞, 因為冇人細心分析過, 一見個衰樣就話取消/改路, 或者同某某路線重組.

所以你建議改站位方便乘客, 我可以勸你慳番啖氣, 小弟幾年前F1板出過一篇建議, 將74A改成為太和-德福花園, 九龍灣入面站位改得更接近新商廈, 減少乘客過馬路, 板友有幾多係支持? 又例如16年尾建議周末假日改派雙層車, 幾多板友唔贊同, 又嫌多餘又話取消佢好過, 點解? ... 啲人一見係74A就反囉, 偏偏經營嘅唔係佢地, 搭嘅又唔係佢地.

74A拉番去觀塘好難, 改站就九龍灣客要做嘅一早做咗, 等佢自身埔公-富豪 乙明-黃大仙 新蒲崗 彩虹 九龍灣慢慢增長, 只要唔係去到14C個款, 開50分一班都冇客, 其實唔駛替佢擔心.

順利村 發表於 2018-1-6 21:01
親
就算你講既係岩
唔好忘記由KT改去Kai Yip早期, 客量係有增長

只係果陣九巴唔爭氣 收車又Cut班, 先趕走一大堆客
果陣完全唔興九龍灣線, 如74A果陣做得好,分分鐘而家繁時可以做15/20, 什至開特車, 大埔果邊亦不用成日抽74X車開上下繁九龍灣內街線
其實60分鐘一班, 司機應該抖得幾夠, 係未好應該拉番入雅麗道, 入大埔方向跟15A行 (不經麗晶), 將企廣出面的站Cut左, 改停15A的站, 增加曝光率, 等D人唔洗行番出去/等N班Shuttle去轉74X ? 咁係未可以維持到班次,又唔洗郁到小眾利益?

九龍灣商貿區本身只在平日繁時比較多客
其他時間係好拍蚊
當年棄觀塘走去做九龍灣係相當不智既做法
觀塘年代既74A本身已經唔算客多, 繁時都叫做執下74X啲碎客
改總站連零碎觀塘牛頭角客都冇埋
後尾有埋74B, 74A喺大埔既地位更加變得低無可低
基本上大埔人已經都唔會點搭佢出九龍東一帶
所以要留佢做大埔公路既服務
縮到大埔墟站或者運頭塘已經夠晒玩

仲有你知唔知74A整個車程有幾耐?
係差唔多70-80分鐘
太和開每小時00, 啟業開每小時35
所以時間上根本無空間延長路線
仲要係而家講緊要俾車長多啲休息時間
時間唔可以迫得太緊
而雅麗道總站更加無空間擺總站線

講真74A 最好成條殺左佢最大問題成堆東西九線BBI 補70不足
74A->81C 出西九 成條殺我都想但好難搞
唔cut 得不如放傲騰 等佢自生自滅

因為傲騰比啟業更遠