小巴44而家係咪都經常超速？

shing2664 發表於 2017-12-29 13:26
這條線既營運模式少少似紅小

所以 44 服務態度仲差過紅 van, 收費亦都係紅 van 價位
碼頭方向屯門上車夠膽死唔 set 分段, d 客同個司機講返又唔出聲, 又有d車唔想做區內客就係咁飛站
上水方向上車既區內客又唔想做咁, 無啦啦喝你要你比後面d客拍卡先

試過有一次坐去美樂, 個司機問完曬客去邊, 都夠膽死豐景園後左轉泳池直落湖景
然後兜返入去美樂里放低我就調頭返總站, 又要行餐懵去返輕鐵站果邊
係果次個司機好聲好氣先廢時同佢嘈

自此以後真係頂唔順, 去上水就寧願坐 261 或者西鐵轉 276A, 區內就行路 / 輕鐵 / 506 都罷搭 44 , 九流服務

HS1588 發表於 2017-12-29 17:52
所以 44 服務態度仲差過紅 van, 收費亦都係紅 van 價位
碼頭方向屯門上車夠膽死唔 set 分段, d 客同個司 ...

某d紅小司機既駕駛態度都唔錯，曾經搭過觀美線紅小，司機好友善咁解答乘客問題，某位小姐係九龍城上唔到1a巴士，所以搭了觀美線紅小去觀塘，問司機其實搭紅小是否都好快的
，司機話唔塞車就快

我都聽到好多"趣事"

不過我搭開返工已經習慣/了解佢地營運態度，所以唔覺咩大問題。

屯門往上水
特別朝早好明白唔想載短途客，15人去上水，1個要去友愛，15個人陪你遊屯門，係好想唔載佢。
(暗罵：死去坐506啦)

上水往屯門
紅橋要落就唔好塞住隻耳，有d司機上車就會問，或者元朗公路落斜兆康就會問，如果司機聽唔到要落就keep住行中線或快線，個客忽然要落司機轉唔切線係好危險架！
基本上返到屯門都唔好塞住隻耳，有d司機習慣每個站叫有無落，否則問咗唔答，忽然又有人叫落，又會比人鬧。
PS過咗新屯中大部分司機都會問(兆山有無、美樂有無)，一定要留意！無則跟59X左轉行湖山無仇報

JR800 發表於 2017-12-30 00:02
我都聽到好多"趣事"

不過我搭開返工已經習慣/了解佢地營運態度，所以唔覺咩大問題。

最重要係因為早上繁忙時間北上車流太少，人流太多。
車務有規定，所有車必定須要返屯門總站，變咗班司機無得調頭搶客，聽屯門總站站長支笛調車。
屯門站頭嘈過上水後，上水站頭規定咗只可以人等車，唔可以車等人，上水站頭有車跟隊的話，餅仔一夠8人或10人就要即刻飛落屯門。（宜家個光頭肥佬成日數錯人頭另計）
所以佢哋用盡好多辦法將Ｄ客妥善安排，務求部車盡快返湖山路總站，再接旗仔北上。
我都試過豐景園站落車過44B1去屯門碼頭（44有競爭佢哋唔會隨便攞嚟過客）。然後佢直跑返湖山。
總之佢哋跑數方法層出不窮，好好認識呢條線係好有趣味。

KC3555 發表於 2017-12-30 13:57
最重要係因為早上繁忙時間北上車流太少，人流太多。
車務有規定，所有車必定須要返屯門總站，變咗班司機 ...

坐過總站直去上水, 未到碼頭就掉頭去上水, 海翠直去上水
美樂 龍門居 豐景園通通都有得直去上水
回程市中可以直返龍門居 直返兆禧
又或者豐景園轉左返碼頭....

當年車海級班次 作為搭客感覺良好 =]

jx6215 發表於 2017-12-30 17:07
坐過總站直去上水, 未到碼頭就掉頭去上水, 海翠直去上水
美樂 龍門居 豐景園通通都有得直去上水
回程市中 ...

而家都應該算係車海級班次，2-3分鐘一班，我認為呢條線係新界小巴線王

小巴5.5噸車以下，如果可以入機場跑110都無問題，80點會超，只係保險問題而己

家下見最多係小巴跑得80但塞住係快線慢爬頭....

而家行得好慢
由其自動波車，公路過部九巴12米8 都過唔到咁制 :

其實而家平日早繁已經改善咗好多，海翠好易上到車直出上水。

相反下繁17:30後上水的人龍驚人，有時行半，嚴重則試過三行，第三行等車仲好危險，試過有客比50系車high到。
問題在屯公/元公出上水頻有交通意外擠塞，引致少車返上水。其次最嚴重又討厭的雞嶺迴旋處，經常去唔切車，或者交通意外，引致上水上公路嚴重擠塞。

上水肥佬算係數人數得準，有時一次半次數錯人。
但唔鍾意佢成人串人唔上車，有時d客鍾意單人位，識做就會企埋一邊比人上唔阻人，咪由佢等下部囉，後面叫人一定有人上架喎，好心佢咪成人串人揀位啦。

jx6215 發表於 2017-12-30 17:07
坐過總站直去上水, 未到碼頭就掉頭去上水, 海翠直去上水
美樂 龍門居 豐景園通通都有得直去上水
回程市中 ...

但必須要知會咗屯門碼頭站頭先可以掉頭。
試過有南行車入咗龍門居富健迴旋處（通常呢個舉動係去龍門站開車），點知唔係調頭去龍門站上客，而係轉返出龍門路南行。
朝早44開工，好多都係由天后路開車，先喺市中心去碼頭再開工。（睇某Apps就知）
而上水站長，我真心唔覺得佢數客準，話哂我成日坐，成日話裝10個點知一時12個，一時14個，然後就話10個開車，司機裝少咗就嫌三嫌四，裝多咗梗係無事，但清早班次好疏時，趕時間班乘客就唔多高興。