2036年港鐵系統早上載客量推算

睇返2015年西鐵以6人計每小時運量係49200人，考慮到加左一卡以及由20班增至理論極限30班，錦上路至荃灣西以6人計載客率大約88%，以4人計大約13X%，考慮到根本做唔到企6個人，呢度既預測值甚至超出左系統容量...

DIH 發表於 2018-1-7 13:41
聲明：我唔係港島人，暫時亦不在港島返工，所以有些情況可能不太清楚。以下內容並非針對技術問題。

我同 ...

謝謝分享

我以前諗過嘅觀塘綫過海係落炮台山再去維園以至會展以西

我同你嘅主要分別在於邊條行海皮邊條行內陸

觀塘綫行內陸係可以
不過前提係觀塘綫有冇條件過海
我自己暗地裡覺得觀塘綫仲有工程條件可以伸延過海
但好多人都指出觀塘綫冇預留工程條件過海

亦不論觀塘綫能否過海
觀塘綫過海段嘅客源與南北綫、荃灣綫重覆
亦要經炮台山先可以去返土油麻地或土瓜灣
要等荃灣綫及南北綫過海段接近上限先會有客量條件過海
呢個都可能要等二三十年先成事
香港至九龍四綫化應該比觀塘綫過海更有需要

東涌綫已經過咗海
想優先處理港島北內陸交通嘅話
就要用東涌綫南延


至於內陸走綫
我唔多認同要遠離現有車站
因為現有車站正正係商業核心區中央
乘客只會睇邊個站方便唔使行咁多
尤其落雨或者天氣熱嘅時候

灣仔南擺莊士敦道係因為方便轉乘
令轉乘人流不用集中去哂北角
合和二期可以經利東街地下商場
當合和二期完成後
都有可能會打通條隧道去合和一期及二期
帶動埋利東街商場人流
所以莊士敦道位置都係合適嘅

而且可以利用修頓球場及室內體育館擴建車站及月台通道
再喺月台通道設灣仔地下街出口
連帶改善灣仔站嘅人流
亦有大片工地容易施工

擺皇后大道東嘅話
可能需要靠近賽馬會公園
即係律墩治嗰邊
係近少少合和但遠離電車路
似乎對分流港島綫灣仔站人流效果較為一般
皇后大道東嘅重建需求亦不高
如果要重建多以莊士敦道附近為主

莊士敦道會近返軒尼詩道嗰邊
係同時方便軒尼詩道及皇后大道東嘅人返工

禮頓站方面
設付費通道駁時代廣場係因為想分流銅鑼灣站人流

大坑站我唔反對
不過我屬意東涌綫駁天后
屈上天后站有困難

另外大坑區係咪要多條鐵要問返居民
但天后站應該夠serve 大坑居民
大坑會唔會好似跑馬地居民咁反對起站都係未知之數
因為住得大坑應該都係貪夠靜

至於會展人流問題
我認為中環灣仔繞道加三隧分流已經幫到手處理灣仔北人流
所以北港島綫經會展並非必然選擇
相反北港島綫經內陸會係更佳選擇

會展站應留待東大嶼發展、觀塘綫過海或第二條東區過海隧道(如有)
再考慮用返會展預留月台會更好

多謝意見交流
難得有比較建設性嘅討論

Kaix 發表於 2018-1-7 11:51
你忽略左會展站有另一個關鍵作用，就係俾九龍新界黎的人可以轉車去銅鑼灣、北角及港島東，毋須再經金鐘

...

我知會展站係用嚟轉車
但轉車嘅人去嘅位置會喺邊呢
就要考慮

我考慮嘅係港島北內陸因為路面狹窄但發展稠密
係比較需要優先興建鐵路
金鐘站可以喺金鐘廊及海富花園地底擴建改善擠迫情況
所以經金鐘唔係問題
最重要係有冇足夠空間容納人流
以及比較需要新鐵路嘅係邊一區嘅人
我個人就認為灣仔南及銅鑼灣南會比海皮更有需要新鐵路
而且金鐘轉乘嘅好處係比乘客可以好自由咁選擇去會展站、灣仔站、灣仔南、銅鑼灣定銅鑼灣南
滿足唔同人士嘅乘車需求
而唔係完全平衡兩條綫去迫人行另一邊就當做係分流

至於駱克道建銅鑼灣站
附近冇乜未發展或將會重建嘅政府土地
要起新站應該好大工程

灣仔南唔會有土地開發，工作人口唔會加，灣仔西南近金鐘九隧道，所以無需要再起鐵路

自己曾經想過，如果「有關方面」仍堅持用「交匯方案」來建北港島線，我就會建議將東涌線由香港站，經灣仔拉去跑馬地，將軍澳線由北角開始直去禮頓道、大道東，都好過去添馬。

但看過ryandroid提出的內陸版北港島線，用莊士敦道／大道東，及禮頓道加兩個站，其實都OK的，不謀而合，但我不知道地底是否有構築物影響建設吧！

但最大的問題是如何在符合鐵路「最少轉灣半徑」的限制下，如何由香港站的東涌線月台，起隧道去灣仔莊士敦道或者大道東去起新的鐵路車站，而中間還要能在金鐘站L4增建東涌線月台，這才是建設上最大的難題，因為肯定要穿過郵政總局、天星停車場或是大會堂低座，還要考慮如何穿過金鐘站而不影響大廈結構，才是考驗。但如果過到，只要等東涌線換車，或者將東涌線灰色列車改做機場快線藍色列車，便可以解決大量問題了。

另一方面，如果灣仔、銅鑼灣南面因重建而常規性地增加流動人口，港島線隧道管道天后站開始先行南移，的灣仔、銅鑼灣站的月台南移到禮頓道及莊士敦道／大道東，到大佛口附近、金鐘站以東駁回現有港島線月台或ryandroid、DIH的東涌線新月台，而將軍澳線在北角開始，直飛到銅鑼灣記利佐治街及灣仔軒尼詩道的現有地鐵月台，再去返金鐘L2、L3的現有港島線月台去堅尼地城同交椅洲？即：

東涌線　：香港、金鐘(新建月台)、灣仔(現有月台)、銅鑼灣(現有月台)、北角(現有月台)
將軍澳線：中環、金鐘(現有月台)、灣仔(南面月台)、銅鑼灣(南面月台)、天后(現有月台)

不過，現時「北港島線」交匯方案的效益根本難以論證，早繁所增加的乘車人數只多出一萬多人，稍後灣仔繞道又會通車，鐵路建設人手緊張，除RDS2014之外，啟德、元朗又要起單軌，2030+又要起南北走廊、交椅洲鐵路，倒不如先建設其他鐵路，北港島線最遲先起都得！

至於會展站P1、P2南面月台，空置了也不是太大問題，留作沙中線泊車也可以。添馬站唔起都得，因為政府總部、軍營也有保安考慮，不應時常有太多人聚集。另外，海傍行人往來如「金鐘、添馬」、「灣仔、會展」、「銅鑼灣、維園」根本可以用行人隧道解決。

觀塘線方面，應是由黃埔花園拉去北角，戴亞街另建月台讓港島往九龍的列車停站。

053h4 發表於 2018-1-7 16:14
灣仔南唔會有土地開發，工作人口唔會加，灣仔西南近金鐘九隧道，所以無需要再起鐵路

...

大大個合和二期、加路連山道地皮都叫冇發展？
工作人口增加之餘本身就有大量交通需求
城規會傾呢兩塊地皮都話驚交通負荷唔到
拆灣仔運動場搬去掃桿埔都被區議會鬧交通唔方便又成日塞車
咁有明顯交通及鐵路需求
你話唔使起鐵路就唔使起？

ryandroid 發表於 2018-1-7 16:38
大大個合和二期、加路連山道地皮都叫冇發展？
工作人口增加之餘本身就有大量交通需求
城規會傾呢兩塊地皮 ...

保育重要D lor
而家豪宅地根本無通勤需求咁濟

加老連山道根本唔應該發展，西九東九大把地唔發展要迫晒係港島？

TYChow 發表於 2018-1-7 16:34
自己曾經想過，如果「有關方面」仍堅持用「交匯方案」來建北港島線，我就會建議將東涌線由香港站，經灣仔拉 ...

謝謝分享
最小轉灣半徑嗰度我計過最少都有300-350m
所以問題不大
郵政總局同愛丁堡廣場停車場政府都諗住拆
尤其愛丁堡廣場停車場只會係起公園
所以伸延去金鐘道問題不大
屈返上去金鐘站L4其實都冇問題
因為東涌綫穿過港島綫下面後keep 住保持同港島綫嘅水平差距就可以到金鐘站L4
上L3都仲得
問題只在於上埋L2得唔得
唔得都唔係大問題

內陸走綫主要係經車路
係摩理臣山及禮頓山周邊有建築物
但灣仔至天后段嘅水平應該都夠深穿過地基下面

至於灣仔站及銅鑼灣站交換問題
因為將軍澳綫北角月台喺山嗰邊
比較方便cut 去依家個銅鑼灣站
要保持返柴灣-北角-炮台山-天后-灣仔呢個格局嘅話
就只能伸延去禮頓站、灣仔(南) 站了
另外金鐘站同灣仔站路軌打交叉交換嘅話可能都有啲難度
東涌綫去灣仔南新月台就改動少啲同阻力小啲

謝謝詳細分享

053h4 發表於 2018-1-7 16:43
保育重要D lor
而家豪宅地根本無通勤需求咁濟

合和二期都起緊
加路連山道保乜嘢育？
依家你話唔發展就唔發展？
你叫到政府放棄發展先啦

就算萬一唔發展
灣仔南及銅鑼灣南有迫切交通需求係不爭嘅事實

ryandroid 發表於 2018-1-7 17:13
合和二期都起緊
加路連山道保乜嘢育？
依家你話唔發展就唔發展？

睇下深圳就知電車路以南密度過高做成空氣唔流通的問題
而家重話要加密度

結果東九龍就起動唔到

西九上蓋物業又唔發展