建議九巴上水及大埔區內線重組

現時九巴上水及大埔之區內線71K及70K非常迂迴，我建議作以下重組，將路線改為兩方向行走循環線，以減少其中一個方向交通對整體服務之影響：

大埔區之71K「邨邨通」區內線分拆為71C及71D線，均為太和 ↺ 富善邨，為無限循環線，乘客可留在車上通過總站。

71C線以順時針（下圖綠線）方向行走，由太和開出後按現有71K之行車路線行走，直到運頭塘邨後繞經運頭塘總站，然後經寶鄉橋返回太和總站。71C線開車電牌顯示「富亨 → 廣福」，到大埔中心時轉牌「運頭塘 → 太和」及價錢方向。
71D線以逆時針（下圖紅線）方向行走，由太和開出後途經寶鄉橋、運頭塘總站、新達廣場後返回現有71K之行車路線前往太和總站。71D線開車電牌顯示「廣福 → 富亨」，到運頭塘時轉牌「大埔中心 → 太和」及價錢方向。

71C及71D兩者途經之地方大致相同，唯方向則完全相反。當中71C須停靠大埔太和路「太和邨」分站兩次，詳細路線請看附圖。



北區主要區內線70K及273A兩者互相重組，改為一對循環線，均為華明 ↺ 上水，乘客可留在車上通過總站。

70K線以順時針（下圖綠線）方向行走，由華明開出後直出粉嶺站，按現有273A線到上水站（但繞經清河邨總站現時70K站位），經寶石湖路過火車軌後按現時70K線回華明，再繞華明一圈後回總站。70K線由入華明圈開始往上水收費$4.3，由上水站開始往華明收費$4.7。
273A線以逆時針（下圖紅線）方向行走，由華明開出後按現時70K線，行北半華明圈經聯和墟到翠麗花園，經寶石湖路過火車軌後按現時273A線回華明，但改行南半華明圈。273A線由入華明圈開始往上水收費$4.7，由彩蒲苑開始往華明收費$4.3。

班次及用不用加用車？

我只回應一點：273A郁，北區人一定開火。況且上水粉嶺南巴士需求比北部大好多，將南線北上或北線南下，巴士運用效益存疑。

南面需求大可以做大條273D，現時70K嘅路線真係好迂迴，又同273A有重疊位，咁駁通70K兩端就可以食埋條273A變成上面幅圖，來往南北唔使轉車

你咁改法仲迂迴過而家
況且九巴唔興玩無限循環

靠啲非大埔人建議改線真係死得

2個字：垃圾

kmb71k 發表於 2018-1-8 01:20
你咁改法仲迂迴過而家
況且九巴唔興玩無限循環

點會迂迴過而家？咁樣改法回車時間慳近半喎，好似71K咁樣拆法，由太和經晒大埔中心富亨富善廣福運頭塘開到大埔墟之後就可以直接返太和，唔需要返入大埔墟站再返出運頭塘大埔墟廣福富善富亨大埔中心先返太和。至於70K嗰邊，睇睇2013年前一轉要行幾耐，而家幾耐都知啦，一條新市鎮內路線要近個半鐘先行完，拍得住過海嘅長途線。呢個方案都係改返類似2013年嘅路線，當年50分鐘左右已經行完一圈啦，加埋彩園呢段都係一個鐘就回到車啦，同而家行一轉273A都唔多得幾多。

miklcct 發表於 2018-1-9 19:39
點會迂迴過而家？咁樣改法回車時間慳近半喎，好似71K咁樣拆法，由太和經晒大埔中心富亨富善廣福運頭塘開 ...

你個70K建議簡單黎講就係將70K由華明往來清河既走線由清河經百和路延至華明，變成華明<>華明，同埋上水走線不經新運路同龍豐花園
甘樣走線甘長容易脫班，二來上面提到鐵路以南多客高鐵路以北既問題根本無妥當解釋到，你提到加密番273D, 但273D不經一鳴路，清河邨，根本處理唔到273A該些唔段既龐大客量，你個建議根本係為做而做