香港官方或第3方巴士到站時間預報系統apps

建議三間巴士公司根據版權條例，禁止任何其他媒體轉載巴士路線編號、途經街道、收費、時間表等。

巴士公司花咁多錢去開一條線，點可以俾人隨便轉載資料賺流量/銷量？首先就要告通用地圖同埋Google Map

想問下點解九巴會容許Citymapper同Moovit轉載ETA？

Citymapper同Moovit手機程式依家可唔可以睇到新城ETA？

現時似乎只有政府乘車易可以查到新城ETA，不過係做點對點搜尋俾條hyperlink去新城官方網頁，前排都重可以透過條hyperlink正常睇到ETA，不過今日經條hyperlink去到新城官方網就話要更新程式先得，但唔知點更新。但係如果佢建議你答九巴龍運路線，就唔會有hyperlink去九巴或龍運官方網睇ETA，亦唔可以喺乘車易直接睇ETA。之前政府唔係話乘車易會加入九巴龍運路線ETA咩？

不過政府都算有啲牙力，城巴零零舍舍得R8同S1未出ETA，有人話係政府要求兩巴要share數據即係一間公司app睇到兩間公司ETA先俾出。其實都算可信，有乜理由城巴特登唔出R8同S1 ETA，相信除咗政府阻撓之外都冇其他原因。

睇嚟新城聯營線ETA都唔會咁快出，不過城巴全線推出ETA個限期係今年5月31日，即係專營權開始後兩年，到時睇下點。

有人話新城已經解決咗對家總站改開車時間呢個問題，而九巴之前喺港島幾個總站整站亭，依家好似冇聲氣？

講下嶼巴個ETA

上面有人話嶼巴抄九巴個ETA，其實嶼巴個ETA同九巴個ETA顯示方式都幾唔同。

九巴ETA只要天文台個鐘支秒針一搭正，所有班次ETA就即刻減1分鐘；而嶼巴每個班次個ETA減1分鐘ge時候都唔一樣，即係一個班次ge ETA減1分鐘嗰陣，另外班次ge ETA未必會減。

嶼巴ETA介面啲字句 (預計到站時間受交通影響，請提早到車站候車) 同新城幾乎一樣，不如話佢抄新城重好。

話時話，有冇人用過嶼巴ETA？準確度如何？係邊個供應商？

k20031103 發表於 2018-1-8 22:39
巴士公司從來都當佢既ETA資訊係寶,唔願意分享比第三方APP,
其實如果政府要求巴士公司提供ETA資訊,巴士公司 ...

其實有無想過係server流量/處理能力的控制問題?

自己官方apps可以自己控制查詢密度﹐減少不必要的查詢﹐從而減少server的流量及處理量。

坊間apps就可能為了更準確﹐資料更新﹐就不停無間斷去搵server查詢﹐令到server的處理量大增﹐但實際上又根本background都未處理更新data﹐做成不必要的處理量。


更甚者係坊間的apps﹐未必配合官方資料﹐有一些錯誤的request﹐做成一些外間人唔知的問題。


自己官方apps真係多人用﹐面對server處理能力不足﹐提升係理所當然。
但係外間所寫的apps﹐製造了一些不必要的流量﹐增加一大堆處理request﹐人家當然要封殺你﹐以保障系統運作的穩定可靠。

之前某人氣討論區﹐都因為非官方apps問題﹐令到太過虛耗server資源﹐結果都要封殺這個非官方apps。
其後非官方apps跟討論區商討後﹐對方知道那一方面問題﹐修正後便解除封殺。


認真的問 :
究竟坊間有無人與巴士公司正式達成協議﹐提取data做非官方apps?

大部分(定全部?) 可以一App睇哂既地區都係政府統籌，套野係政府，server就係政府，所以流量問題就係有關民生，政府點都要無限upgrade

江湖傳聞新城套Telargo就係因為流量問題，要upgrade先可以全線ETA，但Telargo就收0左檔，所以先轉LECIP

KR7295 發表於 2018-1-9 07:41
其他人咁又唔係下下都賺流量嘅，寫得免費apps你估真係無私奉獻架咩，官方嘅嘢都瘋狂刷你流量架啦
有時所 ...

根本係當時的官本著「多做多錯﹐少做少錯﹐唔做唔錯」的心態﹐唔敢加入公開數據資料的要求﹐或者由政府牽頭做統籌處理。

如果一早想到政府牽頭做統籌﹐便應該叫所有巴士公司合組一間公司﹐以政府身份出一個apps﹐可以出晒全港所有巴士公司及所有路線的ETA﹐令到市民/用家不必網晒所有公司的APPS﹐才可了解班次狀況。
當然﹐巴士公司都可以自己出apps﹐提供更多的資訊。

只要想到聯營線﹐如果日後2間巴士公司不交換資料﹐做乘客要check班次﹐你話幾不方便


同一時間﹐政府亦可透過這家公司﹐向合資格的人/公司公開提取data﹐作其他用途﹐包括自己寫apps﹐班次分析.......。

再進一步﹐有錢齊齊搵﹐行八達通成功的方式。
就係軟件硬件成熟後﹐向其他有需要的公司(例如綠van﹐村巴)提供ETA方案﹐由apps﹐硬件軟件﹐一站式處理﹐收取服務費。


但係﹐政府唔做主導權﹐幾家巴士公司又各自為政﹐而家才來合作﹐真係好難成事。
唯一就係按政府要求(如有)﹐以統一格式提供實時data給政府﹐由政府再分發給有資格的人/公司。

nwfb23 發表於 2018-1-9 11:42
大部分(定全部?) 可以一App睇哂既地區都係政府統籌，套野係政府，server就係政府，所以流量問題就係有關民 ...

政府做統籌 =/= 政府擁有﹐政府要攬晒所有野上身。

淨係叫巴士公司要交出數據﹐最基本係聯營線的data給予對家公司。
由政府出聲要做﹐總好過巴士公司之間因不同因素而慢慢拖來做。

kei_hk 發表於 2018-1-9 10:02
其實有無想過係server流量/處理能力的控制問題?

自己官方apps可以自己控制查詢密度﹐減少不必要的查詢﹐ ...

所以講緊要政府帶頭作為數據分享平台吧，政府唔係已經有open data架啦咩？
以前因工作關係睇過台灣官方搞嘅交通數據平台，人地係政府牽頭搵vendor寫左個API出黎
之後要求各營辦商根據API要求將實時交通數據射返上去平台上面
第三方開發者可以用政府API去提取數據

因為數據已經跟左政府個data schema，唔需要額外開發去harmonize
開發者只需要去搞好個用戶體驗就得，營辦商又唔需要怕第三方用戶扯爆server

eternalflame 發表於 2018-1-9 11:55
所以講緊要政府帶頭作為數據分享平台吧，政府唔係已經有open data架啦咩？
以前因工作關係睇過台灣官方搞 ...

問題係而家只係坊間IT人﹐自己拆解官方apps(ETA系統)運作﹐用自己方法去讀取巴士公司的資料。

由於只係坊間人去拆解﹐當中可以引起好多問題﹐所以巴士公司見到有問題咪要封殺﹐以確保系統穩定可靠。


你講的係官府牽頭去做﹐即係巴士公司要配合﹐坊間可以用巴士公司/官府提供的方法去讀取data﹐這就不會因為 "靠估去拆解"而引起問題。


根本係2回事。


現時坊間真係想做APPS﹐就應該直接向不同巴士公司商議﹐睇下巴士公司是否肯正式提供數據出來﹐大家商議整個運作安排﹐這樣才可長久有效運作。
靠自己拆解﹐可以今天係work﹐但巴士公司一改後面backgroud野﹐坊間野配合唔到便隨時出事﹐但user層面係未必察覺到的。

kei_hk 發表於 2018-1-9 12:01
問題係而家只係坊間IT人﹐自己拆解官方apps(ETA系統)運作﹐用自己方法去讀取巴士公司的資料。

由於只係 ...

問題就係點解要坊間人拆解ETA系統原理同程式呢？
如果政府政策係鼓勵open data，根本就應該係專營權條款上要求續牌就要open data
兩者點會無關係？