[乘客心理學]做門神？企關愛座前？

搭巴士真係會令香港人癲嫁，唔講咩野巴士公司甩班，唔講咩野ETA唔準，唔講D線疏，唔講司機唔識路。
淨係講乘客，已經好不可理喻，我諗開個心理學course讀交通工具怎乘客心理學，都可以讀4年。

好多日常o個d衝門唔提喇。琴日同今日搭506/K51都有激氣經歷
1. 企o係關愛座前面
搭鐵，企o係關愛座前面既話都可以理解。覺得唔坐得，又要緊握扶手。
但琴日搭鐵巴，竟然有一位少女企o係走廊，一位少女企o係個關愛座前面傾偈。(就算唔坐，後面非關愛座都有位，亦證實唔係下個站就落)
大家諗清楚，鐵巴既關愛座前面係會有塊板分隔座位區同輪椅區(雖然都成日被人「徹用」放買餸車)，佢都可以企o係塊板後面，個關愛座前面，其實咁同坐低冇乜分別，見到人黎都係要讓者，點解唔就咁坐低算？

2. 兩條友左右門神企o係落車門，而落完一個大站客都無動於哀。
搭k51，其實市中心開始已經好明顯後面有架空d既K51，呢兩個「門神」，揀上呢架，樓上有位又唔上，樓下又真係應該冇乜位既，但點解係要揀門神位？已經有一個企左O係左邊，點解另一個仲要企O係右邊做埋右門神？
置樂(恆順園)有人大嗌「司機有落」，我開頭都仲以為係個後生師奶「立lor」而閂門都未行到去落車門位，宜家推測應該係o個兩個門神搞到司機以為大家落哂車。
一個大站，咁多人o係門神中間個窿經過，落左咁多客，都係要企o係o個度唔郁。
到我下站落車時，我肯定佢地又唔落之後，同佢地客氣講句「兩個人唔落車唔好企車門啦，唔該」，講緊電話既佢竟然即回一句「收X啦你」(原本成句打出黎，但好似討論區BAN左，不過原句係乜相信大家都估到)，連自己錯又唔知，又冇悔意，係鍾意咁迫，係鍾意D人O係你地隔離chit chur咁轉咩？ 睇佢個樣，都唔似三聖就落喇……(呢個好明顯係估計者)

香港人心理真係……
所以我好認同已經好難搵到人做官，做高官，因為要一件錯事都冇做過，真係好難……

早兩日我搭506屯門站落車,又係有左右門神企左係度仲要玩住電話
我落車時在我前面既男人撞到企右邊門口位既小姐部電話落車,果位小姐運用流利既粗口狂爆位男人...
不過後面仲未落到車既人就話位小姐抵死,下次仲係咁伸埋你落車...
左右門神都真係好討厭(由其返工時間)

上車遞手，下車按鐘，5該