有無可能開一條西隧東區全日特快？

castanopsis 發表於 2018-1-23 11:12
宜家有若干馬鞍山客嫌682慢
走去用其他搭車方法去港島東
既然本身係打算拆線，好應該嘗試搶返班客返來

我係682的常客，經常由耀安來往小西灣。我只能夠講90分鐘行完全程係基本(小西灣往來耀安約75分鐘)，呢個已經係非繁唔塞車既時間；下繁既話全程係可以行足兩個鐘(小西灣往來耀安約95至105分鐘不等)，
遇正打風、中秋、冬至呢d日子係兩個鐘都行唔到全程。

我試過既方法：

1. 681/680X+606X/694：要夾岩時間先有明顯的效果，尤其606X和694的班次都唔係密
(按：606X九龍灣開出後約10-15分鐘到東隧、694將軍澳開則要25-30分鐘)。
試過最快係35分鐘就由耀安返到小西灣(某周六清晨，搭681+606X，當時係車駁車，幸好兩個司機都肯踩)，
35分鐘呢個時間係拍得住搭的士；一般就算唔洗等都要45至50分鐘先得。
如果遇正東隧和大隧最塞車既時間就唔岩用，因為連埋塞車加等車的時間有機會仲慢過搭682。
(按：自從980X開左之後，我回程已經無再用呢個方法)

2. 小巴+MTR+85M/286M：撇除轉幾次車，呢個下繁回程好好用，時間夠穩定，75分鐘至80分鐘可以由小西灣返馬鞍山。
85M/286M係鑽石山做尾站，塞入大隧既時間唔長，半個鐘內就返到耀安。

3. 788+980X：時間同方法2差唔多，好在轉少幾次線/車；但唔好處係下繁東廊西行和外告士打道落中環都會塞車，
且有機會夾唔到980X既時間(試過去到皇后像落車送車尾，也試過去到皇后像個788司機唔肯開門落客而望車輕嘆)。

而以上三個方法我都係趕時間先用。其餘時間都係搭返682，只係因為一程過有得瞓下，
回程時小西灣又係頭站可以揀位坐。

係唔知鰂魚涌和北角的會點搭。估計應該都係同我講果幾種相似，只不過606X和694變左601、613等線。

講返682拆線，其實非繁我又唔睇好，但與其同682B互扯第一城d客，倒不如將成個682系執過哂啦！
不過咁，自從682B的水泉澳頭車提早至6點後，682頭車就無再坐滿過海
(按：682一線走天涯時期的頭車，係可以企人過海)。

Concept唔錯 行東隧看似近 ,但無法掃曬大圍沙市火炭,而且東區走線經北角或筲箕灣上橋都係兜路,避免唔到682兜的情況

alsonchc 發表於 2018-1-24 09:48
當初係咁就得既,而家講咩都無用, 廣黃實同你死過,

根本係新記自己攞黎

可能當時新巴開682時，見680都可以唔入而又有咁上下第一城既客量，
682咪跟風唔入，還掂d沙一客都會走出小瀝源路搭(682B和682C服務期間除外)。
係後來682既港島東返工客量越來越多，做到供不應求，先不斷開支線分流乘客。
係682既支線未開時，我敢講除左將軍澳和西貢，大半個新界東去東區都靠哂682咁滯。
係後來大埔區開307P和北區開678後，加上682B改半全日行走，682既擠迫情況先舒援到。

當然，如果要執682B既，上面有人講到類似89X走線可以接受；
博康和水泉澳想快大可以搭老隧車上老隧轉。
仲有就係用石門做尾站的路線，撇除收唔到$19呢樣野，其實都可取的。
至於用特班既行法，唔係唔得，但只會令沙一既乘客唔知點等車(回程仲可以見車就上)。
講真，針無兩頭利，任何改動的方案都總有利有弊有得有失。

andy1010 發表於 2018-1-21 01:30
講真除左番工仲有咩人會咁樣去東區

開咗線就自然多人去架啦
到時新界西居民又會更加願意去港島東返工同購物消費, 港島東既市民又可以入嚟新界西旅遊消費

正所謂瘦田無人耕, 耕開有人爭
開咗線就可吸引更多新西同港島東既居民互相往來

ksmbh 發表於 2018-1-24 10:52
Concept唔錯 行東隧看似近 ,但無法掃曬大圍沙市火炭,而且東區走線經北角或筲箕灣上橋都係兜路,避免唔到682 ...

筲筲灣和西灣河上橋係做唔到鰂魚涌呢個大客倉，即係會唔夠客。
682就算兜都無可避免要碌到北角先入隧道。
所以執682系既走線係執沙田段。

至於沙田經西隧去東區的路線，行西隧和青沙的確可以掃哂大圍至火炭，跟85行已經可以，
係港島走線應該點行。

RobynnNKendyFan 發表於 2018-1-23 10:29
「巴士謎」出現過不下一次
唔好賴三賴四啦好冇
錯又唔道歉唔知你想點

錯又唔道歉: 加10分, 道歉你唔受係一回事, 你無視就係另一回事

CRH5 發表於 2018-1-23 11:03
據我經驗，110 南行尾車 ～2025 到紅隧口（南行站）
以前一路都以為新記時段尾車係 110 南行尾車，試過 ...

所以我就係話110真係有D奇怪....

不過唔記得係唔係有910但被否決...

castanopsis 發表於 2018-1-23 11:38
中環灣仔繞道通啦
荃灣個條其實可以開始搞
沙田988就可以等到南北線通車前夕先搞，但我都會覺得越早開效 ...

早開再等繞道通車絕對係好事嚟

ahken 發表於 2018-1-24 11:36
早開再等繞道通車絕對係好事嚟

但小心行舊四幹做住先做臭左個形象(尤其是港島方向，但新界方向應該唔大影響)

timewater 發表於 2018-1-24 11:06
開咗線就自然多人去架啦
到時新界西居民又會更加願意去港島東返工同購物消費, 港島東既市民又可以入嚟新 ...

用你既Concept，
有d地區咁想因為多人而起個港鐵站，巴士公司咪要開左d線，等多d人去，然後o個個區既站咪可成功爭取港鐵？

係咪大埔工業邨、將軍澳工業邨、石澳、科大都開多幾條線直達市區，就會多d人去？
由新界西去到港島東消費，來回都坐3個鐘，為乜？
正如新田個購物城，搵鬼香港人(真係港島人)同你入去買野呀？又唔係有咩特色……
一係你講下港島東既購物熱點或貨品，相比起荃灣、屯門、元朗既商場/店舖有咩特色，吸引人專登去。
(你估好似琴日家燕姐個節目，人地由太古城專登去荃灣買湯圓咩，糖妹都話搭多個站(港鐵)啦，鬼得閒/識搭巴士)