城巴考慮增設月票制度

等陣！只係城巴？即係搭完962都係要俾錢轉970/X？

可能最後仲貴過780蚊，搞到得日日坐A線機場客受惠呢。

搞即日回程優惠算啦

深圳比亚迪 發表於 2018-3-10 09:32
我建議九巴及新城不如整個1000元月票可以兩公司任坐

如果$1,000.00係包括埋港鐵可能仲有用，
但$1,000.00齋搭巴士，
即係以30日計每日要搭$33.33以上先可以回本，
如果返5日星期六日未必出街仲要$45.50先回到本，
吸引力完全唔夠。

不過老實講，我係新城就唔同九巴玩啦，
依家九巴食咗個頭糊，即係可以食咗上。
新城車費個差距比九巴大，
但網絡又無九巴咁大，而且中長途路線又較少。

如果我係新城，我會集中火力晌中短途線同過海線。
以九巴依家$780.00一個月30日來計算，
平均每日要$26.00先可以回本，
以呢個價位來講港島區既可謂完全無吸引力，
而且港島區同新界最大分別，
新界人唔少會去港島返工，
但港島人去新界返工相對唔多。
所以月票一定唔可以定價高。

所以如果我推出我會食住九巴，
以$26.00一日即以來回計每程$13.00來計算，
又以主打過海線既$9.80來定價，
即$580.00一個月，每日限搭8-10次$13.00以下路線，
高於$13.00則補差價(即以962為例$18.80-$13.00每程補$5.80)。

咁一來可以食埋九巴食唔到既短途過海客，
對港島來講吸引力又可增加，
而長途線又唔會因為收貴太低而蝕，
只係9字頭既長途過海線吸引力會不及九巴。

九巴月票對要駁腳的鄉郊有吸引力,林村 叮角路等地轉車九龍返工都差不多來回$32 月票返22日工一日用$35回本。九巴網絡大搶轉車客較易,另外青公同碼頭區月票轉960 961亦有一定吸引。但新城出月票冇網絡優勢搶人地客,如果包962 969 呢堆貴線唔荒平,純粹只係用黎守住地盤比discount keep客。做又死唔做又比人搶...

Charon1999 發表於 2018-3-10 10:27
搞即日回程優惠算啦

正解
不論係長途短途都可以受惠

要避免長途短搭
加上購買網絡不及對方
"新界西北即日回程計劃"好像較可行

或者可以提升為"加強版"
包免費轉乘新城電梯線、南區線或特快線往東區