【又黎】園境師學會建議尖沙咀碼頭巴士總站變露天廣場

『拆走礙眼的建築物，重新設計上蓋』

園景師究竟覺得巴士總站上蓋礙眼D，定係後面海港城、星光行成十幾層建築物礙眼D？

ok俾你重新設計個巴士站上蓋，個上蓋始終會block海景，點樣都係『礙眼』。

btw班園景師話要保留歷史，反映集體回憶，其實佢地知唔知自二戰以黎香港既大型巴士總站既發展都同渡輪碼頭息息相關？

係東亞地區有邊個標誌性有規模嘅巴士總站可以一直維持運作100多年? 上海租界? 東京? 新加坡?

尖碼每日從不間斷咁服務香港人, 今日可能嗰個會同某部份市民可能會覺得嗰道烏煙瘴氣，巴士廢氣多, 又多白鴿屎，但尖碼香港嘅交通運輸，九龍市區嘅發展上絕對有無可替代嘅地位，係香港嘅活古董，發展完先至後悔同緬懷就太遲，希望佢只係口頭up下，政府唔批

如果你話將尖碼總站變做交通博物館我就會支持

尖沙咀碼頭屬全九龍最重要之巴士總站，是連接港九之命脈，絕不可被移除。

一旦尖沙咀碼頭總站搬遷, 後果係會不堪設想, 試諗下, 一旦總站搬遷, 會做成幾多影響,

第一, 尖沙咀碼頭即時失去交通樞紐功能, 而家碼頭總站其實係作為一個轉乘站既角色, 天星一落船就可以轉巴士,
一旦碼頭總站搬遷, 天星會即時失去呢班客人, 天星咁樣重做唔做得住呢? 特別係灣仔 - 九龍航線

第二, 而家天星轉巴士既客源有兩個, 近既有中環同灣仔海傍來往九龍既客源, 遠既有港外線渡輪轉天星再轉巴士既客源,
一旦總站變巴士站, 佢點容納一船船既轉車客? 一架天星起碼裝幾百人, 你個巴士站點容納幾百人等車呀?

第三, 一個運作中既百年歷史巴士站已經係一個最好既集體回憶既反映, 唔知版友有冇聽過,
法國/ 德國/ 英國都有城堡, 但係永遠係英國城堡最多人去, 唔係因為英國城堡靚, 係因為英國城堡重有皇室住緊,
係一間活既城堡, 有御林軍把守, 入面住左個英女王, 其他城堡只係一件死既展品, 冇人住, 冇生氣既,
同樣, 一個活生生既尖沙咀碼頭總站已經係最好既歷史見證, 唔需要做任何改變, 變做博物館只係會將佢"展品化"

香港近年真係有好濃厚既"展品化"既思想, 美其名就叫"活化", 實際就係將一件歷史監生整死再搞到佢不倫不類,

當然, 到時碼頭總站搬左, 天星做唔住摺左, 你可以話係去殖化成功既, 咁某人應該會好開心既

但大家係覺得要保留天星轉巴士嘅功能定個總站嚿石屎先？天星坑位窄、短，上蓋又細又迫，5C、8果邊連站蓋都無，大執下令候車環境變好都可以考慮。

巴士的膠 發表於 2018-3-15 08:24
但大家係覺得要保留天星轉巴士嘅功能定個總站嚿石屎先？天星坑位窄、短，上蓋又細又迫，5C、8果邊連站蓋都 ...

好啦, 就先唔理歷史保留問題, 但係而家有咩新方案可以做到容納咁多條線同時可以有效分流唔同線嘅人等車?
係星光行出面果堆巴士站就係最好嘅例證, 幾十人一齊排隊等車, 側面行人又多, 只會大家爭位, 做成混亂,
搬咗總站係冇用, 要係果到搭車嘅人繼續會係果到搭車, 你都係要比返咁大嘅候車區佢,
唯一有效做法相信係擴建天星碼頭總站, 擴闊車坑同候車區, 而唔係拆咗佢, 當然邊到有位擴建就係另一件事啦

遲下係咪要將尖碼申請做歷史建築物先可以平息呢D所謂改建又N贏方案

不如話阻住商業發展
好似中環某政府停車場、某郵政總局
拆晒佢起樓最好

avianwind 發表於 2018-3-15 11:40
不如話阻住商業發展
好似中環某政府停車場、某郵政總局
拆晒佢起樓最好

事實上，當年政府有計劃進行九龍角填海計劃，將海運大廈對出填海，並由梳士巴利道興建道路往西九龍，此舉必定會拆卸尖沙咀碼頭巴士總站。